Hechos 14:3 - Táurinakene máechejiriruwa’i ema Viya tikaijare

³ Eta taka'e, nanasipanapa ena apústuleana, wa'i nayanawane'ini, tiyere'i eta náimituresira'i, taicha nawara'a'i náetumechawakaya eta nakasiñaira'i ema Viakenu. Taka'e, ema Viya máimikatakawaka'i, máijaraka'i eta náichiraya eta tiáramikareana.

Ignaciano

³ Eta tacahe, nanasi­panapa ena apóstoleana. Vahi nayana­va­nehini. Tiyerehi eta náimitu­re­sirahi, taicha navarahahi náetume­cha­vacaya eta nacasi­ñairahi ema Viya. Tacahe, ema Viya máimica­ta­ca­vacahi. Máijaracahi eta náichiraya eta tiárami­careana. Eta juca, máicutiarahi eta mavane­si­ra­vacahi eta nacame­ta­rai­rui­ra­yarehi eta majaca­pi­ra­vacahi nácani achaneana ticasi­ñavana mayehe.

Hechos 14:3 ပူးပေါင်းရင်းမြစ်များ

Marcos 16:20

Taka'e, tiyananapa te tamutu awasareana ena máimitureana, tikametarairuanapaipa eta tiúrinakene echéjirirukawana. Ichape eta máimikatasirawakapa'i ema Viya. Tétavikawa'i tajakapakarewa'i máicha, eta náimiturapianapa'i. Taicha máijarakawakapa'i eta náimeresirapa'i eta tiáramikareana tikunachakareana'i.

San Juan 4:48

Ema Jesús májikapapa: –Eti wa'i esuapanuima'i, te wa'i nímecha'e'i eta tiáramikareana.

Hechos 13:46

Te nasamapa ema Pablo émapa ema Bernabé eta náichira'i ena tikatianakana'i, tájina wa'i nayututuema'ini, náichawakapa: –Tatuparaka'i étiwayare'i eti vijaneanana juriyuana; vímituka'e eta juka máechejiriruwa ema Viya. Étisera wa'i iúrika'ini eta esamira'i, wá'iware ésacha'ini ésenika eta máwasa ema Viya, taka'e puiti, énainapuka vímitukawakaya ena apawasana.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 20:32

“Puítisera, nuparapenaveana, nuyanainapa, nuyáseucha'eyaresera me Viya etapa eta maechejiriruwana eta maemunasira'avi'i. Ema titupajijiakawa'i eta maijarasira'eyare eta etumewayare ejurusiraya eta itaresira maijarasira'eyare tamutu eta ikuchi'i, te mawasa anuma.

Hechos 4:31

Te títapirikanapa eta nayujarasira'i, tíja'úchawapa tiyayakare eta apake'e te návi'a'i ena. Taka'e'i eta máwa'asirawaka'iware namutu ema Machanewa ema Viya, wáipasare napikakarakawa'ini eta náechejisira'i eta máechejiriruwa ema Viya.

Hechos 5:32

Víti vitametaka'i eta juka taicha víma'akene'i eta mápechirawa'i títareka. Víti véchejisi'a'i maicha ema Machanewa Viya máijararu'avi'i ema Viya viye'e viti visuapana ema.

Romanos 1:16

Wa'i nimitsiriawa'ini eta nukametarairuira eta juka Arairu maechejiriruwa, taicha eta juka maitupajijiasirawa'i ema Viya, namutu nákani tisuapanaya najachapaya eta makatiurapi, natiwayare ena juriyuana enepa ena apawasana.

1 Tesalonicenses 2:2

Échaichu'i tamutu eta náichira'avi'i ena achaneana, tímikuñaka'aviana'i ánaki te awasare Filipos, wá'isera wákatsimawa'ini te vítekapaucha'epa ani, vímiyanawarichucha vikametarairu taicha tétumecha'avi'ichucha ema Viya eta vímitusira'e'i eta máechajiriruwa.

Hebreo 2:4

Énerichuware, ema Viya máimerekapa'i eta tiáramikareana, máikutiarana'i eta émaira'i wanairuka, mawaraira'i tisuapakareyare'i eta nametarapiana, énerichuware puiti ema Machanewa Viya, ema tíjaraka'avi'i eta vítukakenepachuyare apaesa vítauchayare'i eta vématanerepipachu'i víjara'i máicha.