Hechos 13:5 - Táurinakene máechejiriruwa’i ema Viya tikaijare

⁵ Te títekapanapa te puerto tikaijare Salamina, tiyananapa eta te peti náurujisirarewana ena juriyuana. Tikametarairuanapa eta máechejiriruwa ema Viya. Mae'ikawakapa'i ema Juan Marcos.

Hechos 13:5 ပူးပေါင်းရင်းမြစ်များ

San Mateo 20:26

Wá'isera ekuka'e eti, naye'e ena echamuriana. Mákani tímerekawa'i tikapika'upana, takamunu'i máitatiwakayare ena apamuriana,

Hechos 12:12

Tipanereikene'awapa ema Pedro eta mapaisirapa'i, taka'e matupirupa tiyana'i te supena esu María, maena ema Juan tikaijare'i puiti Marcos. Ena tiurujikawana'i eta nayujarasira'i ena machamuriana'i.

Hechos 12:25

Te títawanapa eta natupara'a'i ema Bernabé, tási'a émapa ema Saulo, te Jerusalén, tichawanapa te Antioquía, námapa ema Marcos.

Hechos 13:14

Ena, tiánuku'anapa nakaiju'epa te awasare Antioquía ichipichu, te tinapaika eta Pisidia. Te jena sache, sáwarumu'u'i, tisiapanapa ena te peti náurujisirarewa ena juriyuana. Tasi'a téjakanapa.

Hechos 13:46

Te nasamapa ema Pablo émapa ema Bernabé eta náichira'i ena tikatianakana'i, tájina wa'i nayututuema'ini, náichawakapa: –Tatuparaka'i étiwayare'i eti vijaneanana juriyuana; vímituka'e eta juka máechejiriruwa ema Viya. Étisera wa'i iúrika'ini eta esamira'i, wá'iware ésacha'ini ésenika eta máwasa ema Viya, taka'e puiti, énainapuka vímitukawakaya ena apawasana.

Hechos 14:1

Taka'e, títekapanapa ema Pablo émapa ema Bernabé eta te awasare tikaijare Iconio. Tiyananaware natupiru eta te peti náurujisirarewa ena juriyuana. Tikámetarairuanawarepa, taka'e, kamurianaware ena achaneana tisuapana'i eta nametarairu'i, ena israelítana énapa ena apawasana.

Hechos 15:37

Taka'e, ema Bernabé, mawara'apasera mama ema Juan ema naichasa Marcos;

Hechos 17:17

Taka'e, tamutu sáwaruana, tiyana eta te peti náurujisirarewa ena juriyuana. Máechejisi'a'i eta tiúrina echéjirirukawa naye'e ena, énapa ena apawasana griego tipikauchana'i ema Viya. Tamutuware sache máechejisi'a'i ema te plaza naye'e ena achaneana natiari'ikeneana'i.

Hechos 18:4

Tási'a, tamutu sáwaruana ema Pablo tiyana'i taye'e eta peti náurujisirarewa ena juriyuana, maechejirikawaka'i ena achaneana, makajimuyaka'i eta nasamureana ena israelítana énapa ena apawasana.

Hechos 19:22

Taka'e, máewatakawakapa náinapuka ena apinana machamuriana ema Timoteo émapa ema Erasto, tiyananapa taye'e eta Macedonia, émasera manasipanaricha'a taye'e eta Asia.

Hechos 19:29

Taka'e, tisemamurianapa ena achaneana, apanapa eta napanerecha. Natiari'i ema Gayo émapa ema Aristarco, machamuri ema Pablo. Taka'e, ena achaneana nakaratakapa nachururupairikapa ena nani apinana. Námapa taye'e eta náurujisirarewa.

Hechos 19:8

Tamutu'i sáwaruana tiyana ema Pablo te peti náurujisirarewa ena juriyuana. Mapana kaje tikametarairu naye'e ena achaneana. Wa'i mapikakarakawa'ini eta makametarairuira'i. Maechejikawaka'i ena achaneana, eta mawasa ema Viya akenuka te anuma.

Hechos 9:20

Taka'e, tépanawapa tikametarairu ema Saulo te peti náurujisirarewa ena juriyuana, máechejisi'apa ema Jesús émaira'i Machicha ema Viya.

Colosenses 4:10

Ema Aristarco, ema nukutikene'i eta nukaerataira'i. Téchejika'eware ema Marcos, ema macheji ema Bernabé. Eti échaipa eta máitesirayare eta ara eye'e ema Marcos. Te máitekapaucha'epa, tiúriyare eta ejakapirayare ema.

2 Timoteo 4:11

Makarine'i nukachane'i ema Lucas. Pivenumapa'i ema Marcos, máiteka ema apanaware, tétavikawa'i eta nukamunuira'i ema.