Hechos 13:2 - Táurinakene máechejiriruwa’i ema Viya tikaijare

² eta jena sache, tiyujarakana'i, maye'e ema Viya, náicha'iware eta ayuna. Taka'e, máechejikawakapa ema Machanewa ema Viya. Máichapa: “Ema Bernabé émapa ema Saulo, natupara'aichu'i tikametarairuanaya taicha nunerejiruana'i ena.”

Ignaciano

² Étana sache, ticuru­ji­canapa eta nayuja­ra­sirahi me Viáquenu. Náichahivare eta ayuna. Tacahe, máechaji­ca­vacapa ema Espíritu Santo. Máichapa: —Ema maca Bernabé émapa ema Saulo, natupa­ra­haichuhi ticame­ta­rai­ruanaya taicha nunere­ji­ruanahi éna. Évata­si­nanuya puiti ena nani apinana —máichapa.

Hechos 13:2 ပူးပေါင်းရင်းမြစ်များ

San Mateo 17:21

Étasera eta juka takuchusirawa ema éreana ema tiáwa'aka'i ema maka amaperu. Eta vikuchusira, tawara'a tatiwa víjimayare étapa eta viyujaraka.

San Mateo 6:16

“Te íjima'i eti, wa'i ekajapanuramiraima'i te namira'u ena achaneana, wa'i ekukuti ena apimirana, ena tímikaecherachawana'i eta naijimaira'i. Nuti numetaka'e, tájinachucha nakunachakarewaima'i me Viya. Ema wa'i maijarakaima'i eta naikuchi'i.

San Mateo 9:38

Eta taka'e, eyaseakayare ema Tikaye'e eta juka emátaneka máwaneka ena náimikataka'avi.

San Lucas 10:1

Te táekenepa eta júkana, ema Viákenu Jesucristo manerejikawarepa ena setenta-keneana apamuriana máimitureana'iware. Tiyananapa tikametarairuanayare'i te awasareana eta manukuiyayarepa'i ema. Apinanawakapa'i eta napaisirayare ena.

San Lucas 2:37

Ochenta y cuatro añuipa'i eta suépenaimawa'i. Sunasikene'i sukapena'i esu te templo, tamutu'i sácheana, yátiana, tíjima'i, tiyujaraka'i esu.

Hechos 10:19

Émasera ema Pedro manasi'icha'a tipanererekaicha'a taicha eta máima'akene'i eta makaimairurujiwa'i. Tási'a, ema Machanewa Viya máichapa: “Pima'a narari'i te juka ena mapanana ajairana titanukavianapa'i.

Hechos 10:30

Ema Cornelio majikapapa: –Kuatropa sache eta juka níma'akene'i. Te jena kapere'i, las tréspapuka sache, nuti nunasikene'i te juka nupena. Níjima'i, nuyujaraka'iware. Tímerekawa ema achane, tijanunuka eta mamuiri'a.

Hechos 13:3

Taka'e, te tamutupa eta nayujarasira'i. Nanakapa eta nawa'uana nayujarauchira'i te nápusiana ena. Taka'e, tikametawanapa, tiyananapa.

Hechos 13:4

Ema Bernabé ema Saulo, mawaneruana'i ema Machanewa ema Viya, tiyananapa te Seleucia. Taka'e, tiánuekanainapa, nakaiju'eya eta tiúrupu'i tikaijare Chipre.

Hechos 14:26

étapa náwakuine'i eta nánuesiraya eta ichapeama une, nakaiju'epa eta awasare Antioquía, tichawanapa taye'e eta juka awasare náuchusine'i te tikawana'ianapa maye'e ema Machanewa Viya, étaichuware nayujarauchine'i ena nachamuriana eta majaneasirayare ema, puiti eta juka náitauchakeneipa eta náematane'i.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Hechos 22:21

Émasera ema Viákenu tipamikanuichucha: ‘Piyanayaresera, nuti nuwanekavi pipaikayare naye'e ena apawasana tikawasana'i te tayere'ikeneana.’ ”

Hechos 4:36

Matiari'iware ema achane tikaijare José. Ema máuchure'i te tiúrupu'i te tikaijare Chipre. Ema maka José náumuriwaicha'a ena levitana. Ena apústuleana nanakapa eta máijare'i Bernabé (te véchejiriruwa tikaijare: “Tikaurisamurera'i”.)

Hechos 6:4

Víti vímiyanawayare viyujaraka, tási'a vímiturekayarewa eta máechejiriruwa ema Viya.

Hechos 8:29

Eta Machanewa Viya mametakapa ema Felipe, ánipa maicha'i: “Piyana pémeña'awa taye'e eta jena makarreta.”

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 10:15

¿Tasi'a waipaine'iware kametarairuanaima'i, taicha ena wa'i maewataruina'ini ema Viya? Eta Takapika'ukene Ajureka ani taka'e: “¡Tétavikawa'i eta náurisamurewana ena achaneana eta nasamira'i eta táurikene'i máichuarapi ema Viya eta majakapirawakaya, tási'a tiúriyare eta majakapira'avi'i viti mawaneruana ema Viya!”

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

1 Corintios 12:11

Tamutu eta juka máichakeneana'i ema Machanewa Viya. Makarichu'i ema máitapara'a'i máijarakawaka eta náitukakenepachuyare namutu ena mawara'akeneana'i máijaraka.

1 Corintios 7:5

Eti ekaimakeneanaipa, wa'i ekuepurukaka taye'e eta iánesirakakairana. Té'esera tatiari'inapuka eta eyujarauchirawayare me Viya, ekutikaka'ipuka eta epanereru'i, tísapakare ínajika ánipina eta iánesirakakana. Te táekenenapa, táurikaware echáwauchakakaware, apaesa ema Wínaraji wa'i makuituruka'e eta máimijamurachira'e ena apanana.

2 Corintios 11:27

Ichapemuri eta nukaematanera'i. Nukatajiwa'i muraka. Ichapemuri'iware eta numakaimarasirawa'i. Nukatajiwa'iware taye'e eta nékuawa étapa eta numaunewa. Ichapemuri'iware eta nukamichira eta níjimaira'i. Nukatajiwa'i taicha eta tikasara'i, taicha néchuri'a'i eta numuiri'arapi.

2 Corintios 6:5

eta náestasiranu'i, eta náeratasiranu'iware, tájinaneni viviurewaina'ini. Kamuri'iware eta numakaimasirawa'i. Kamuri'iware eta nékuawa'i.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Efesios 3:7

Tétavikawa'i eta majapanuiranu'i ema Viya nútisamipa máichu'akene'i eta nukametarairuyare'i eye'e, tási'a ema, tétavikawa'iware eta máetumechiranu'i te tamutu eta nukametarairuira'i, eta maimeresira'i eta maitupajijiasirawa'i.

Colosenses 4:17

Emetakayare ema Arquipo: “Mameta maitaucha tamutu eta juka maématanerepiana'i, taicha eta matupara'a'i me Viákenu.”

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

2 Timoteo 1:11

Ema Viya tituparakanu'i nukametarairuyare eta juka Arairu maechejiriruwa. Ema tinakanu'i apústulenu'i, nímitukayare'i ena apawasana.

2 Timoteo 2:2

Píti pímatirichu'i tamutu eta nímiturapiana, taicha pisama'i eta nímitusirawaka'i ena vichamuriana te awasareana, puiti pitanukaya ena apamuriana vichamuriana nákani pímitureana títaura'iana'i, pituparakaya ena tauri eta náimitusiraina ena apamuriana vichamurianayarewa, tákutirichu eta nímitusiravi'i nuti.

2 Timoteo 4:11

Makarine'i nukachane'i ema Lucas. Pivenumapa'i ema Marcos, máiteka ema apanaware, tétavikawa'i eta nukamunuira'i ema.

2 Timoteo 4:5

Pítisera pinasiyareichu tájina píchirawaima'i. Pikamichayare tamutu eta pikatajiwairana. Pímiyanawachucha pikametarairu eta máechejiriruwa ema Viya. Pítauchayare eta pituparakasiwa'i.

Hebreo 5:4

Taka'e, mákani tikatupara'ayare tiyaseura'iyare'i, wa'i émajiriruwaima'i máichu'akasiwaichu'i. Éma'i ema Viya tíjaraka'i eta matupara'a'i mapika'uyare'i, takuti'i eta máijarasira'i ema víyara'aini Aarón eta matupara'a'i makapika'uira'iware.