Hechos 13:12 - Táurinakene máechejiriruwa’i ema Viya tikaijare

¹² Te máima'apa ema Prefecto eta juka maramine'i, masuapaine'i eta masamira'i eta náimiturapiana ena apústuleana maye'e ema Viákenu Jesús.

Ignaciano

¹² Te máimahapa ema Prefecto eta juca, tipica­rinehi. Tásiha, masuapapa eta masamirahi eta náimitu­rapiana ena apóstoleana mayehe ema Viáquenu Jesús.

Hechos 13:12 ပူးပေါင်းရင်းမြစ်များ

San Mateo 27:54

Taka'e, ena tijanearekana'i, émapa ema kapita, te náima'apa eta tayayakarewa'i eta apake'e, étapa eta apamuriana tiáramikareana'i, ichapeine'i eta napisira'i, tási'a naka'epa: –¡Yátupikeneichuyapa ema maka achane, Machicha'i ema Viya!

San Lucas 4:22

Namutu'i tiuri'i eta naechejisira'i maye'e ema Jesús, tási'a nárami'i eta maichakeneana'i. Taka'e naka'epa: –¿Wa'i émaina ema maka, ema machicha ema José?

San Lucas 7:16

Te naima'apa ena achaneana tipikanaine'i, taka'e tepanawanapa najiraucha ema Viya. Ánipa naka'e: –Jé'eware ema maka achane yátupikene profeta, titekapa'i te vitarakumuri. Éneichuware naka'epa: –Ema Viya titeka'i maimikatakaya eta mawasa.

San Juan 7:46

Ena suntaruana najikapapa: –¡Nájina mákuti eta máechejisira ema maka achane!

Hechos 13:48

Te nasamapa eta juka ena, apawasana, tiúrisamureanapa, tási'a, naka'epa Tétavikawapa táurinawa eta juka máechejiriruwa ema Viya; énerichuware, nasuapapa ena máichu'akeneana'i ema Viya eta náitaresiraya máichekuarakireya te táekenenapa eta náepeniraya.

Hechos 13:49

Taka'e'i eta, nakametarairura'i eta máechejiriruwa ema Viakenu naye'e ena achaneana tikawasana'i tejena apachakaya.

Hechos 13:7

Ema maka iápemare makachanejirika'i ema Prefecto Sergio Paulo. Ema maka Prefecto, téchemara'i. Tási'a, máimiwanerekapa náichu'apana ema Bernabé émapa ema Saulo, taicha mawara'a'i masamaya eta máechejiriruwa ema Viya.

Hechos 13:8

Émasera ema iápemare tikaijare te náechejiriruwa griego ema'i Elimas, maichejimirauchapa, mayurukapa ema Prefecto eta wa'i makusuapa.

Hechos 15:35

Énerichuware, ema Pablo émapa ema Bernabé nanasiwarepa taye'e eta awasare Antioquía, nakachane ena apamuriana kamurikeneana, tímiyanawanapa timiturekana eta maechejiriruwa ema Tata Vikaiyakene.

Hechos 15:36

Te táekenepa eta juka semanana'i, ema Pablo máichapa ema Bernabé: –Viyanaware viápechawa vipaika taye'e eta awasareana, véjirawakapa'i ena vichamuriana te vipaisineanapa'i kape juka te tínapukainapa viyana'i, víma'a tája'apuka náicharakawa'i.

Hechos 18:12

Étasera jena sácheana matupi'aira'i ema tuparairuka Galión, akenuka'i ema taye'e eta Corinto tinapaika te Acaya, taka'e tikurujikakanapa ena juriyuana nakaratakapa ema Pablo, námapa te mamira'u ema akenuka, nametauchayare'i

Hechos 19:10

Apina añu eta máimituresira'i, eta maechejiriruwa ema Jesús. Taka'e'i eta máechejiriruwa ema, naye'e ena achaneana tikawasana'i eta te awasarechichana táunawana'i eta Efeso, tinápaika eta Asia. Tási'a, nasamairíkapa, ena israelítana énapa ena griegoana eta maechejiriruwa ema Viakenu Jesús.

Hechos 19:20

Taka'e, ichape eta nasuapira ena achaneana eta máechejiriruwa ema Viya. Kamurianapaipa ena té'ikanapa'i etapa timereka'i eta maitupajijiasirawa.

Hechos 19:38

Tiuri puiti, ema Demetrio, tási'a énapa ena machamuriana, te nawara'apuka timetaurekana, narari'i ena juéseana. Nakaune'i nákani timetaurekanaya, táuchusi'ayare eta natapirawana.

Hechos 19:7

Eta nasimutuwa'i ena nani, dúseana'i ena ajairana.

Hechos 28:7

Te tachakaya eta vécharisinewa'i, tatiari'i eta petiana, maye'eana'i ema tikaijare'i Publio. Émapa tíchua'avi'i téchapajirika'avi'i eta jena mapanakene'i sache.

Hechos 6:10

eta Machanewa Viya, máijaraka'i ichape ema Esteban eta máitusiraya téchejika. Eta taka'e, wa'i nárata'a'ini nakachuriaka'ini ema.

Hechos 8:25

Te taekenepa, ema Pedro ema Juan nametaka tamutu eta naima'akeneana'i te nakachanecha'a'i ema Jesús, te tímiturekanapa eta máimiturapiana'i ema Viákenu, te tamutupa, tiyananapa tichawana'i te Jerusalén, tikametarairuanapaipa naye'e ena achaneana taye'e eta Samaria.