Hechos 13:1 - Táurinakene máechejiriruwa’i ema Viya tikaijare

¹ Ena té'ikana ema Jesús, tikawasana'i te Antioquía, natiari'i te namuri ena tikametarairura'iana eta maéchejiriruwa ema Viya. Tímitura'iana'i ena. Natiari'iware ema Bernabé, ema Simón (náimijarechaware Negro), émapa ema Lucio (eta máuchusine'i te Cirene), ema Menahem (ema machajuru'i ema Herodes),

Ignaciano

¹ Ena téhicana ema Jesús ticava­sanahi te avasare Antioquía, natiarihi te namuri ena ticame­ta­rai­ru­rahiana eta máechaji­riruva ema Viya. Tímitu­ra­hianahi éna. Natiari­hichaha ema Bernabé émapa ema Saulo. Natiari­hi­hivare ema Simón (ema náimija­re­chavare Negro), émapa ema Lucio (eta máuchusinehi te avasare Cirene), émapa ema Manaén (ema machajuruhi ema Herodes Antipas, machicha ema Aluresini).

Hechos 13:1 ပူးပေါင်းရင်းမြစ်များ

San Mateo 27:32

Te tiuchukapa ema ánaki, nákapajikapa ema achane tikaijare Simón, tikawasa'i te Cirene. Napamikapa ema manaraku'a eta macrusura ema Jesús.

San Lucas 3:1

Taka'e, quince añuipa'i eta makatupara'aira'i. Ema Poncio Pilato, émaipa tuparairuka'i taye'e eta tinapaika te Judea. Tási'a, ema Aluresi, tuparairuka'iware taye'e eta tinapaika Galilea. Ema maparape Felipe, tuparairuka'iware ema, taye'e eta Iturea, tási'a étapa eta Traconítide. Tási'a ema Lisanias tuparairuka'iware ema taye'e eta Abilene.

Hechos 11:30

Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.

Hechos 12:25

Te títawanapa eta natupara'a'i ema Bernabé, tási'a émapa ema Saulo, te Jerusalén, tichawanapa te Antioquía, námapa ema Marcos.

Hechos 13:9

Taka'e, ema Saulo, puiti tikaijare'i Pablo, máwa'arukene'i ema Machanewa ema Viya, máimararakapa ema iápemare.

Hechos 15:32

Nanasipanapa jena kájeana'i ema Judas émapa ema Silas, ena, énerichuware profetana'i naituka'iware, eta máechejiriruwa ema Viya. Tiúri'i eta náimitusirawaka'i ena nachamuriana, naechejirikawakapa, náetumesamurechawakaine'i náicha.

Hechos 15:35

Énerichuware, ema Pablo émapa ema Bernabé nanasiwarepa taye'e eta awasare Antioquía, nakachane ena apamuriana kamurikeneana, tímiyanawanapa timiturekana eta maechejiriruwa ema Tata Vikaiyakene.

Hechos 19:6

Taka'e, manakapa eta mawa'u te nápusiana ena achaneana. Tási'a, tiúkupaikapa ema Machanewa ema Viya, máwa'akawakapa. Témuna'irikawanapa apaechejiriruwana. Tikametarairuanapa eta máechejiriruwa ema Viya.

Hechos 21:9

Ema Felipe, natiari'i ena kuatruana machichanaveana esenana, máimaruanaricha'a, ena nani máijaraka'i ema Viya eta náitusira'i tikametarairuana.

Hechos 4:36

Matiari'iware ema achane tikaijare José. Ema máuchure'i te tiúrupu'i te tikaijare Chipre. Ema maka José náumuriwaicha'a ena levitana. Ena apústuleana nanakapa eta máijare'i Bernabé (te véchejiriruwa tikaijare: “Tikaurisamurera'i”.)

Hechos 9:1

Tímiyanawaichucha ema Saulo eta mapánajirisirawaka'i ena té'ikana'i ema Jesús, mawaraira'i máimikapakawakaya. Tiyanapa tiyasesereka eta wanairipi maye'e ema akenuka taye'e eta Jerusalén,

Romanos 16:21

Téchejika'e ema Timoteo, ema nuchamuri'i eta vikaemataneasira'i ema Viákenu. Énapa ena nujaneanana, ema Lucio, ema Jasón, émapa ema Sosípater.

1 Corintios 11:4

Eta taka'e, viti ajairana wa'i viúri'a'ini vikaepakasi'ini te viyujarauchawaya, étaipa te vikametarairuyare. Taicha te vikaepakasi'i, tímikutijirikawaipa vémepuru'i ema Cristo eta vichutiri'aira'i ema.

1 Corintios 13:2

Te takuija'ipukaini eta vémunaraiwaina'ini, tájinapa vikunachakaréma'i me Viya. Tayanapane vikametarairu'ipukaini eta vimetakasiwana'i te anuma, támutu'iwarepukaini víturuekene'aini, étaipa te máija'uchapukaini makayejeka'ini ema Viya eta ichapekene mari táichavenena'ini eta viyaseasiraina'ini eta vikasiñawairaina'ini eta maye'e.

1 Corintios 13:8

Tájinapa títaima'i eta vémunaraiwayare, vímiyanawainapa eta vítaresiraya. Eta jena sacheanayare, vímatiekene'a tamutu. Waipa vikamunu eta vimetakasiwana eta metarapianayare tási'akeneanayare me Viya. Tájinapa viátajiwaima'i eta visamirayare eta apaechejiriruwana.

1 Corintios 14:29

Nákani tikametarairuanayare eta máechejiriruwana tási'akeneana'i maye'e ema Viya, te apinana'ipuka, mapanana'ipuka, tájinachucha táichawa. Tikamunukare'isera ena náurujiruwana'i napanerékene'ayare'i tamutu eta nakayemakeneanapa'i.

1 Corintios 14:32

Ena tikametarairuana tatuparaka'i tikuchapawanayare. Wa'i tikainapupuikawanaima'i.

1 Corintios 9:6

¿Eti, ímijachaipapuka nuti émapa ema Bernabé, vikarichu'i wa'i tatuparaka'avi'ini eta ítatira'avina'ini eta vikametarairuira'i?

Gálatas 2:13

Taka'e, ena apamuriana israelítana vichamuriana'i, énerichuware ena náe'ikapa eta máejekapirawa'i ema Pedro, térajikawanaware ena apanawa, émaipa ema Bernabé máe'ikawarepa eta naejekapirawa'i ena.

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

Efesios 4:11

Maichuware tinaka'i ena apústuleana'i ena apamuriana Profetana'iware, tási'a ena apamuriana kametarairura'iana eta maechejiriruwa ema Viya, ena apamuriana Maíjarakapa eta najaneasiraya ena machanerana, ena apamuriana Maíjarakapa eta naitusirayare eta naimituresirayare.

Filipenses 4:22

Téchejika'eana'iware namutu ena vichamuriana machanerana ema Viya, ena tikawasana'i ani te juka, narari'iware ena tiávi'ana'i te maye'e palacio ema Emperador, énarichuware vichamuriana, téchejika'eana'iware ena apana.

1 Tesalonicenses 5:20

Wa'i ekuepuru nákaini tijachapana eta naitukakene eta naechejisi'aira ema Viya.