Hechos 12:7 - Táurinakene máechejiriruwa’i ema Viya tikaijare

⁷ Tíja'uchawapa tímerekawa ema ángele mawaneru'i ema Viya. Tijara'iju'eine'i eta makaerataiya'i. Ema ángele maemamakapa ema Pedro, makajamikapa, tási'a maichapa: “¡Piputuvu'u péchepuka!” Tíja'uchawapa téjapumuri'a eta cadena máiti'ana'i te mawa'u ema Pedro,

Ignaciano

⁷ Tíjahú­chavapa tímerecava ema ángele mavaneruhi ema Viya. Tijara­hi­ju­heinehi eta cárcel. Tacahe, ema ángele macaya­mu­ricapa ema Pedro. Macaja­micapa. Ánipa maicha: —Pedro, péjamica. Péchepuca —máichapa ema ángele. Tíjahú­chavapa téjapu­muriha eta cadenana máitihanahi te mavahu ema Pedro.

Hechos 12:7 ပူးပေါင်းရင်းမြစ်များ

Hechos 5:19

Émasera ema Viya majaneakawaka'i ena, te jena yati, mawanekapa ema maye'e ángele, mavejiapana eta nakaeratairare návi'a'i ena, mawanekapa náuchuka, ánipa maicha:

Hechos 16:26

tíja'uchawapa tiyamurika'i, muraka eta apake'e, tiyamurikapa eta yúchamana, tíja'uchawapa téjiakawaka eta tapajakurana eta nakaeratairare. Téjapukapa eta cadena náiti'ana'i ena nakaeratakeneana.

Hechos 10:30

Ema Cornelio majikapapa: –Kuatropa sache eta juka níma'akene'i. Te jena kapere'i, las tréspapuka sache, nuti nunasikene'i te juka nupena. Níjima'i, nuyujaraka'iware. Tímerekawa ema achane, tijanunuka eta mamuiri'a.

Efesios 5:14

Eta emíkauchirawaka ena, takuti eta táechejiriruwa eta jirasare, ani taka'e: “Péjamiuchawaichu eta pímakakarasirawa'i; péchepuka pímikutijirikawa'ini pépenakenena'ini, taicha eta pekatu, emasera Cristo timikauchaviya.”

Hechos 2:24

Émasera ema Viya makaechepuka'i ema Machicha, makaitareka'i taye'e eta máepenira'i, taicha wa'i máwara'a'ini mánasi'ini máepena'ini.

San Lucas 24:4

Wa'i náimatiekene'a'ini tája'a'ipuka eta máichararakawa'i. Tási'a, náima'apa ena apinana ajairana titupi'ana'i te nachakaya ena. Tijanunukawaka'i eta namuiri'ana.

San Lucas 2:9

Tiáramikarepa tímerekawa ema ángele mawaneru'i ema Viya. Jé'esare, tamikauchamurine'i ena janeapairikana. Eta majaraiwa'i ema tiáramekanaine ena.

Hechos 12:23

Taka'e, tíja'uchawapa ema ángele mawaneru'i ema Viya, máijarakapa eta majuma'i ema Herodes, taicha ema Herodes tímijachawa'i Viya'i. Eta taka'e, tanikapa eta vusanuana.

Hechos 9:3

Taka'e, te tiáne'ipa títekapa te awasare Damasco, tiáramikarepa eta majaraiwa ema Viya tiási'a te anuma, tamikauchapa ema.

Apocalipsis 18:1

Níma'awarepa ema apana ángele tiúkupaikapa'i mási'a'i te anuma, muraka eta matupara'a'i, mamikauchapaine'i eta apake'e eta majaraiwapa'i.

Hebreo 1:14

Taicha namutu ena ángeleana machanewana'i, mawanarana'i ema Viya, ena, mawaneruana'i tijaneaka'avianayare'i vimutu viti makuchukureanayare ema Jesús

Hechos 12:6

Ema Herodes máijarechapa eta sache eta makatupi'ayarepa te namira'u ena achaneana ema Pedro. Te jena yati, ema Pedro tímaka'i te nataraku ena apinana suntaruana. Tikaitia'i te apipi cadena. Ena apinanaware suntaruana najaneaka'iware eta tapajakura eta nakaeratairare.

San Mateo 2:13

Te táekenepa eta nayanira'i ena máguana, tiúkupaikapa ema émana ángele mawaneru'i ema Viya, mametapanayare'i ema José te mawapure, ánipa máicha'i: “Péchepuka José, piyana piama ema amuya, tási'a esupa esu María taye'e eta Egipto. Pinasiyare ánaki tiámainukawa te numetakaviware eta pichavirainapa, taicha ema Aluresi títekayare matanukayare ema amuya, mawaraira'i makapaka.”

Hechos 12:8

tási'a ema ángele maichapa: “Pikamuiri'apa, tási'a pinakaware eta péparupewana.” Taka'e'i maicha'i ema Pedro, tási'a ema ángele máichawarepa: “Pinaka eta pépaku'asa, yarepa pé'ikanu.”