Hechos 12:3 - Táurinakene máechejiriruwa’i ema Viya tikaijare

³ tási'a, eta máimaira'i náurisira'i ena tikatianakana'i ema Jesús, máimikaratakawarepa ema Pedro. Te jena sacheana'i, napiestara'i ena israelítana eta nanisiraya eta pan maye'ere lewadura.

Ignaciano

³ Tacahe, ema rey, eta máimairahi náurisirahi ena ticatia­na­canahi ema Jesús, máimicae­ra­ta­cavare ema Pedro. Te jena semanahi, napiestarahi ena israelítana eta nanisiraya eta pan mayehere levadura.

Hechos 12:3 ပူးပေါင်းရင်းမြစ်များ

San Mateo 26:17

Títekapapa eta sache táepanirawa'i eta tapiestara, eta nanisiraya eta pan maye'ere lewadura, ena máimitureana nakachakayapa ema Jesús, tási'a nayaserekapa: –¿Távi'apuka piwara'a'i vétupirisi'ayare eta vinisirayare eta uvesachicha te Pascua?

San Juan 12:43

Étachucha náurika'i eta nakunachakarewa'i naye'e ena nachamuriana fariseona. Tasapi'apa náepuru'i eta makunachakarewa'i ema Viya.

San Juan 19:11

Taka'e ema Jesús májikapapa: –Wa'i pirata'aima'i pítijiwa pémetatarekanu. Émasera ema Tata tituparakavi'i, mawaraira'i títauchawa eta mawara'akeneana'i. Eta taka'e, ichape eta mapekatura ema tíjararekanu'i eta piye'e. Píti wá'ipanaichu'i eta pipekatura.

San Juan 21:18

Nutupiruwa numetakavi, eta piámaperuwa'i, píti péchinawa'i eta pítaresira'i. Pikamuiri'a'i, piyana'iware te jákani piwara'akeneana'i pikaiju'e, jákanisera añuanayare etasera te ichávikavinapa, apanainapa eta pítaresirayare, apananainapa ena timuriachavianayare, tási'a tiámavianainapa te jákani pimawara'akenéni'i pikaiju'e.

Hechos 12:4

Te taekenepa eta nakaratasira'i ema Pedro, náimisiapapa te nakaeratairare. Nawanekapa ena suntaruana tijaneakanaya te machakaya. Kuatromuriana'i ena tijaneakana'i. Ema mapanerecha'i makapakayare'i te namira'u ena achaneana, te táekeneraya eta Pascua.

Hechos 2:14

Taka'e, titupi'apa ema Pedro makachanewaka'i ena únsekeneana apústuleana te namira'u ena achaneana. Téchejikapa muraka, ánipa maka'e'i: “Tátanaveana nujaneanana juriyuana, emutu eti ekawasana te juka Jerusalén, ekatajikanu esamanucha'a, ákaikutiarakenena eta juka nukayemayare.

Hechos 20:6

Víti, te táekenepa eta Pascua vinisira'i eta pan maye'ere lewadura, vipaenumawapa viúchuka taye'e eta Filipos vikapakurepaipa. Sinku sache eta viánuesira. Vikapayamurí'apa te Tróade. Vinasipanapa taye'e, siete sache vika'e.

Hechos 24:27

Apina añu eta tayerewa'i; tási'a kaitsiwapa ema Félix eta Akenukaira'i, tisiapapa ema maitsiwa'i Porcio Festo. Tasi'asera ema Félix mawaraira'i tiuriyare'e naye'e ena juriyuana maiminasichapa tikaerata ema Pablo.

Hechos 25:9

Émasera ema Festo, mawara'a'i tiúriyare'i naye'e ena israelítana, mayaserekapa ema Pablo: –¿Piwara'a piyana te Jerusalén, étaina ánaki takaechakasi eta píchawakenewa'i?

Hechos 4:13

Taka'e, ena tuparairukana náramine'i eta náitusira'i téchejikana ema Pedro ema Juan, tájina wa'i napikakarakawa'ini, ena naka'epa, nani tájina náitukakenena eta letra, máiturereana'i, tájina náimatiya'ini eta viye'e escuela. Máijarakawaka'ipuka ema Jesús eta náitupajijiasirawa'i te makachanewakaicha'a ema.

Gálatas 1:10

Nuti wa'i nutanuka eta nasuapiranuina ena achaneana, eta nutanuka'i eta nasuapiraina ema Viya. Wa'i nutanuka eta nuriwaina te namira'u ena achaneana. ¡Étasera nuti nutanuka'i eta nuriwaina naye'e te namira'u naye'e ena achaneana, wáipasera mawanaranuima'i ema Cristo!

1 Tesalonicenses 2:4

Víti manerejiru'avi'i ema Viya taicha máecha'i eta vítauchirayare'i eta vituparakasiwayare'i maye'e, eta taka'e, tituparaka'avi'i muraka viámayare eta máechajiriruwa naye'e ena achaneana eta náuchukuiraina. Wa'i étaina viwara'a táememunaka'avi'ini naye'e ena achaneana. Vítaucha'i eta mawara'akeneana ema Viya eta vikurisamurechi'a'i ema, taicha ema, máimararaka'i eta visamureana.