Hechos 11:3 - Táurinakene máechejiriruwa’i ema Viya tikaijare

³ Nayaserekapa: –¿Tája'a takayema péjirapanawaka'i ena apawasana, písapawaware pinika'i te namesara?

Ignaciano

³ Ánipa naicha: —¿Tájaha tacayema péjira­pa­na­vacahi ena apava­sanana? ¡Písapa­vavare pinica te namesara! —náichapa.

Hechos 11:3 ပူးပေါင်းရင်းမြစ်များ

San Mateo 9:11

Te naima'apa eta juka ena fariséuana, nayaserekapa ena maimitureana: –¿Tája'a takayema ema eye'e maestro makachanewaka'i eta manisira'i naye'e ena tive'ara'iana eta viyase'ana énapa ena tisipekaturana'i?

San Lucas 15:2

Te naima'apa ena fariséuana énapa ena escriwánuana, tepanawanapa napanaururuchapa, naka'epa: –Ema maka achane namutuchucha majakapawaka ena naka'ekeneana, nasapi'apa makachanewaka'i eta nanisira'i ena.

San Juan 18:28

Nakuchukapa ema Jesús te mapena ema Caifás, taye'e eta palacio mávi'a'i ema Pilato. Wáipasera nasiapa'ini ena tuparairukana. Nanasipa te aneka, namawaraira'i náechipejikawa'ini eta nanisirayare'i eta cordero pascual.

Hechos 10:23

Taka'e, ema Pedro makasiapawakapa te taju'e, nanasipa jena yati. Maye'e ema Pedro, te apanapa sache, tiyananapa, náe'ikapa ema Pedro ena apamuriana machamuriana tikawasana'i te Jope.

Hechos 10:28

Ema Pedro máichawakapa: –Échaichu'i eti, eta viye'erepiana viti israelítana. Wa'i tituparaka'avi visiapamuri'a'e eti apawasana. Émasera ema Viya tiwanekanu'i eta wa'i nukupika eta nusiapamuri'aira'e. Nájinaware nunerejiruima'i nákani tikajachakareana.

Hechos 10:32

Pímiwanerekaya náepana ema Simón, eta máchukarapi Pedro. Ema tiávi'a'i te jena awasare Jope. Eta peti máitekapi'a'i ema apanaware Simón ema náimijarechakenewa suélareru. Eta mapena'i te tachausi eta ichape une.’

Hechos 10:48

Taka'e, makawanairipipa nakaikachasi namutu te máijare ema Viákenu Jesucristo. Te tamutupa, naichejikapa ema Pedro wa'i makuyanawane'ini taka'e, manasipanapa te jena sácheana eta naye'e.

1 Corintios 5:11

Mákanisera tímijachawa'i echamuri'i, wa'i nuwara'a ekachanejirika, ema tive'a'i esu esena apayena, émapa ema tawayuaru'i eta plata, émapa ema tikasiñaraji, émapa ema titupiara'i, émapa ema tikawa'arasi, émapa ema tiámera'i. Mákani echamuri, te ene maka'e'i, tájina wa'i táurika'ini ákachanewaka'ini eta enisirana.

Gálatas 2:12

Eta máitekapirapa ema Pedro, tájinaipa máichirawaina'ini eta masamirawa'i eta makachanejirisirawaka'i ena apawasana vichamuriana'i, tinika'i eta naye'e, taka'e, te jena sácheana, títekapanapa ena máemunakasareana'i ema Santiago, israelítana vichamuriana'iware. Te máima'awakapa ema Pedro, titsiri'apa ema eta makachanerawaka'i ena apawasanana vichamuriana'i. Waipa máwara'a'ini makasirikiwaka'ini. Tipika'i eta nakaeka'ira'i ena tímikapikauchana'i eta naye'erepiana'i ena israelítana.

2 Juan 1:10

Te natiari'inapuka naitekapaucha'e eti te iúrujisirarewa, te'esera esama apanaina eta naimiturapiana wa'i ekujakapa te epenana wa'iware ekuechejika;