Hechos 11:1 - Táurinakene máechejiriruwa’i ema Viya tikaijare

¹ Taka'e, téchakarewanepa te Jerusalén eta nasuapira'i eta máechejiriruwa ema Viya ena apawasana. Tási'a, napanerekene'apa ena apamuriana apústuleana énapa ena náumuriwana'i.

Ignaciano

¹ Tacahe, téchaca­re­vanepa te Jerusalén eta nasuapirahi ena apava­sanana eta máechaji­riruva ema Viya. Tásiha, napane­re­que­nehapa ena apamuriana apóstoleana énapa ena náumurivana.

Hechos 11:1 ပူးပေါင်းရင်းမြစ်များ

San Mateo 2:1

Eta máuchusine'i ema Jesús te tikaijare Belén, tinapaika te Judea. Te jena añu'i, ema Aluresi ema'i taye'e rey eta Judea. Títekapanapa te Jerusalén ena reyeana máguana, tiási'ana'i te tayere'ikene awasare tinapaika te táuchusine eta sache,

San Mateo 8:11

Tasi'a maichawakapa, narajapainapa ena kamurikeneana achaneana tiási'anayare te tayere'ikeneana awasareana te juka apake'e. Tisiapanayare te mawasa ema Viya Akénuka te anuma, nakachanewakaya eta nanisirayare ema Abraham, ema Isaac, émapa ema Jacob.

Marcos 16:5

Te tisiapanapa eta te máekari, náima'aine'i ema amaperu achane tejaka'i te waure, eta mamuiri'a tétavikawa'i eta tajapuwa'i. Ena esenana tiáramekanaine'i.

San Lucas 2:32

tíjara'ineware taye'e eta awasareana ema, timikauchawakaya ena apamuriana tikawasana te Israel.”

Hechos 1:15

Te jena sácheana, ena náurujiruwana'i náetavika'i ciento veinte eta nasimutuwa'i ena máimitureana ema Jesús. Taka'e, téchepukapa ema Pedro te namuri, titupi'apa. Máichawakapa:

Hechos 11:29

Taka'e, ena té'ikana'i ema Jesús tikawasana'i te Antioquía, napanerechainapa náimiamareka eta nanakiruana, náimikatasiraya ena nachamuriana tikamunuwana'i, énaipa ena tikawasana'i te Judea. Tinakikawanapaipa eta narata'akeneya nanakika.

Hechos 14:27

Eta náitekapiraipa, nakurujikapa ena nachamuriana, nametakapa tamutu eta máimikatasirawaka'i ema Viya taye'e eta napaisirapa'i, étapa eta najakapirawaka'i ema Viya ena apawasana eta nasuapirawaka'i nakasiñaira'i ema.

Hechos 15:3

Eta napaisirapa'i te achene, tétawajikanapaipa'i taye'e eta awasarechichana táunawana'i eta Siria, étapa te Samaria, návi'a'i ena apamuriana nachamuriana'i. Nametakapaipa eta náinajisira'i ena apawasana eta naye'erepianaini tamaurikeneana, taicha náe'ikaipa'i ema Viya. Taka'e, ena nachamuriana, eta nasamairisira'i eta juka, tiúrisamureanaine'i ena.

Hechos 28:15

Ena vichamuriana tikawasana'i te Roma, tisamairirika'avianaipa eta vítekapirayare'i. Nárajapapa tiakapa'aviana'i te awasare tikaijare'i Foro de Apio. Éneichuware ena apamuriana tiakapa'aviana'iware, tikúchapa'avianaipa taye'e eta awasarechicha tikaijare Tres Tabernas. Te máima'awakapa ema Pablo, tiúrisamureine'i naicha, tétumechawapa ema. Ma'asulupayachapa ema Viya.