Hechos 1:7 - Táurinakene máechejiriruwa’i ema Viya tikaijare

⁷ Ema Jesús májikapapa: –Wícha'a táechakare, wa'i tatuparaka étina'ini echa tája'apuka sachewayare, títauchawaya. Taicha ema Tata, makarichu ema máituruekene'a'i,

Ignaciano

⁷ Ema Jesús majicapapa, ánipa maicha: —Vuíchaha táechacare. Vahi tatuparaca étinahíni echa tájahapuca sáchevayare, tájahapuca cájevayare títauchavaya. Taicha tayumu­ru­revahi eta juca maicha ema Tata Vicaiyaquene. Macarichu éma máiturué­queneha eta juca.

Hechos 1:7 ပူးပေါင်းရင်းမြစ်များ

San Mateo 20:23

Ema Jesús, máichapa: –Eti yátupi ichape eta ekatajiwairaya, vikutikakaya eta nakapasira'aviyare. Étapasera eta éjasirayare eta te nuchakaya, waipa nútina necha nukaejaka'e'ini. Ema Tata nukaiyakene, éma'i tinerejikayare'i ena nujupa'anayare.

San Mateo 24:36

“Eta juka tiáramikareyarechucha, nájina téchaima'i tájamu'uyarepuka eta táitauchirawayare, énaipa ena ángeleana wa'i náecha'ini, nútiwanereka'ipukaini nécha'ini. Makarichu ema Tata, ema técha'i.

Marcos 10:40

étapasera eta éjasirayare eta te nuchakaya, waipa nútina necha nukaejaka'e'ini. Ema Tata nukaiyakene, éma'i tinerejikayare'i ena nujupa'anayare.

Marcos 13:32

“Eta juka tiáramikareyarechucha, nájina téchaima'i tájamu'uyarepuka eta táitauchirawayare, énaipa ena ángeleana wa'i náecha'ini, nútiwanereka'ipukaini nécha'ini. Makarichu ema Tata, ema técha'i.

San Lucas 21:24

Natiari'iyarewa ena takaparuanaya eta espada, ena apamuriana nakaratatajikainapa. Námawakainapa te apanakeneana awasareana. Eta awasare Jerusalén énapa téchanayare ena apawasana. Tiámainukawa te máikutichapa ema Viya, enapawainapa kaikuñanayare.

Hechos 17:26

“Akane te, máepiyakapa ema achane. Apánapaneneji'avi'isera máicha ema. Tamutu eta apake'e viáwapaika'i máicha. Máimikutiarachapa'isera eta táenasi'ayarepa'i eta viáwasanayare'i. Éneichuware, máimikutiaracha'iware eta táichekuirayare eta vítaresirana.

Efesios 1:10

Tamutu eta juka mapanereruana'i títauchawayarepa'i, jákani tatuparakipa'i. Te jena sácheyare manerejikaripa, ema Viya manakainapa ema Machicha Jesucristo akenukakeneyare'i, téchayare'i tamutu eta táichararakawana, nasuapayare'iwa namutu ena tiávi'ana'i te anuma, énapa ena tiávi'ana'i te juka apake'e.

1 Timoteo 6:15

Ichapenapa vikunachainapa ema Tata Vikaiyakene taicha makarichu'i ema yátupikene'i tamutu marata'a, éma'i Rey-kene'i, Viákenukene'i, tiwaneka'i namutu ena reyeana énapa ena akenukana.

2 Timoteo 3:1

Éneichuware nuwara'a péchayare eta juka apana. Puiti juka vikaiju'eyare tavetijinapaipa eta táejerawayare.