Hechos 1:2 - Táurinakene máechejiriruwa’i ema Viya tikaijare

² tási'a narari'i'i ena manerejiruana apústuleana. Émaipa ema Machanewa Viya, máimikataka'i eta matúparasirawaka'i ena, nájuchawarepa eta mayapira'i te anuma.

Ignaciano

² Nararihihi ena manere­jiruana apóstoleana. Émaripa ema Espíritu Santo máimica­tacahi eta matúpa­ra­sí­ra­vacahi éna. Nájucha­varepa eta mayapirahi te anuma. Puiti nímiama­re­cavare eta piyehe eta juca nájure, apaesa pímati tamutu eta téchacareana tayehe eta máichava­que­névahi ema Jesús.

Hechos 1:2 ပူးပေါင်းရင်းမြစ်များ

San Mateo 12:28

Émakene'isera ema Machanewa ema Viya, ema tíjarakanu'i eta juka nurata'aira'i nukuchukawaka ena éreanana. Eta juka étara íkutiaraya eta maitekapiraipa eye'e eti eta mawasa ema Viya Akénuka te anuma.

San Mateo 3:16

Te titawapa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

Marcos 6:30

Te táekenepa eta juka, tiúrujikawana ena apústuleana maye'e ema Jesús, tási'a nametakapa tamutu eta náichakeneana'i, tási'a étapa eta náimiturapiana'i.

San Lucas 24:51

Tási'a te títapirikapa eta mayujarauchirawaka'i, terajikawapa naye'e ena, tási'a tiyanapa te anuma.

San Lucas 9:51

Te jena sácheana'i tiánene'ipaipa títekapa eta mayanirayare'i ema Jesús te anuma. Tási'a, tíjarakawaicha'a eta mayaniranumayare te Jerusalén.

San Juan 1:16

Tetavikawa'i eta yátupikenera'i maemunaraiwa'i, vijachapa'i vimutu eta vijarakasiana taye'e eta apana vijarakasiana,

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 13:18

“Nécha'ineni nuti wa'i ámutu'ini esuapanu. Nímati'e'iware eti yátupikeneana nunerejiruana'i. Títauchawayare'isera eta táechejiriruwa'i eta Takapika'ukene Ajureka, ani taka'e'i: ‘Ema néniruasa'i, masapi'a'i tikatianakanu'i.’

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 17:13

“Puiti nútijapainapa, Tata, taye'e eta jara piávi'a'i, eta nukachanerawakaicha'a ena, numetakawaka'i eta pipanereruana, taicha nuwara'a wákutikaka'ini eta viúrisamurewaina.

San Juan 20:17

Ema Jesús máichapa: –Wa'i pikuemama'akanu, taicha wicha'a nápana'ini te mávi'a'i ema Tata. Piyana pimetakawaka ena apamuriana nímitureana eta nápanirayare maye'e ema Tata nukaiyakene, Ekaiyakene'iware eti apanawa.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 3:34

taicha ema, wanairuka'i me Viya, máechejisi'ayare'i eta máechejiriruwana ema Viya. Énerichuware tétavikawa'i eta máimikatasira'i ema Machanewa Viya taicha máwa'aka'i ema.

San Juan 6:62

Taja'apuka ícharakawa'ini, eta ímairaina'ini ema Machicha ema Ajaira, eta mayanapaini ánaki te mawasa tainapure.

San Juan 6:70

Ema Jesús majikapapa: –Dóse'e'ineni eti nunerejiruana'i, marari'isera ema émana te etaraku, ema máwa'aru'i ema wínaraji.

Hechos 1:11

tási'a, náichapawakapa: –Galileona ¿Tája'a ta ícha'i ímararaka'i eta anuma? Puiti enekaparareka'i ema Jesús eta mayanirapa te anuma. Te jákani sácheyare, tichawayare te juka apake'e, tiúkupaikayare takutiyareichu eta mayanira'i.

Hechos 1:13

Te títekapanapa te awasare, tisiapanapa te peti, eta náitekapi'a'i. Tiápananapa te tékene'a piso. Natiari'i'i ema Pedro, ema Juan, ema Santiago, ema Andrés, ema Felipe, ema Tomás, ema Bartolomé, ema Mateo, ema apana Santiago, machicha ema Alfeo, ema Simón naichasare Celote, tási'a émapa ema Judas machicha ema Santiago.

Hechos 1:22

ena tikachane'aviana'i te tikaikachasinapa ema Jesús me Juan, wa'i najunijika'avi'ini, natiari'ikene'i te tiyapapa ema Jesús te anuma. Takamunupa emanaina masiapa vichamurina, apaesa maimikataka'avi eta véchejisi'aira eta maechepusira'i ema Jesús.”

Hechos 1:9

Taka'e, te títawapa eta máechejirisirawa'i, ena máimitureana naimararakaicha'a'i, tíja'uchawapa ema Jesús tiyanapa te anuma, táepakuchapa eta úkaji, waipa makaechera'ini.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Gálatas 1:1

Nuti Pablo, yátupikenenu'i maye'enu apústule ema Jesucristo taicha manerejirunu'i, ema Tata Vikaiyakene tikuti'i eta mapanereru'i ema Machicha eta máichuiranu'i, puíticha émakene'i ema Jesucristo tinakanu'i, émaparakichu'i ema Tata Viya tikaechepuka'i te maekari ema Jesús.

Efesios 2:20

Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 9:24

Ema Jesucristo, tájina máimatiya'ini mayujaraka'ini eta te jena santuario te juka apake'e. Étakene'isera masiapa eta mayujarasirayare eta te Santuário tiávi'a'i te anuma. Puíticha matupi'amiraucha'i ema Viya eta mayaseuchira'avi'i víti.

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.

2 Pedro 3:2

Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 2:11

¡Ema samara'i masamayare ema Machanewa Viya eta makayemakene'i taye'e ena pichamuriana! Nakaini tita'arekanayare wa'i tikatajiwaima'i taye'e eta taiñema'ikeneana, étapa eta tapechirawayare eta naepenira.’

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.

Apocalipsis 2:29

¡Ema tikakiña masamayare eta makayemakene ema Machanewa Viya naye'e ena pichamuriana!’

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.

Apocalipsis 21:14

Te apake'e eta yúchama, tatiari'i eta doce márimeana táeja'ameruana'i eta yúchama, táma'i eta dósekene náijareana ena apústuleana maye'eana'i ema Cordero.

Apocalipsis 3:13

¡Ema tikakiña masamayare eta makayemakeneana ema Machanewa Viya, étapa eta mametaruanayare neye'e ema pichamuriana!’

Apocalipsis 3:16

Étasera eta apaesasajiruichu'i eta é'isiranu'i, tási'a wa'i yátupina'ini, eta taka'e nukaerajika'enapa te numira'u.

Apocalipsis 3:22

Ema Machanewa Viya tímituka'eyare eta juka numetarapiana. Emutu eti nuchanerana'i’ ”