Gálatas 6:9 - Táurinakene máechejiriruwa’i ema Viya tikaijare

⁹ Eta taka'e, wa'i vikukainajiruwa eta víchira'i eta táurikeneana, wá'isera vikuyakujiekene'awa eta vikuchapira'i eta víkuchi'i maye'e ema Viya te táitekapapa eta jena sacheyare máijarasira'aviyare.

Ignaciano

⁹ Eta tacahe, vahi vicucai­na­jiruva eta víchirahi eta táuriqueneana. Váhivare vicuya­cu­jie­que­nehava eta vicucha­pirahi eta vícuchihi mayehe ema Viya te táitecapapa eta jena sácheyare máijara­si­ra­ha­viyare.

Gálatas 6:9 ပူးပေါင်းရင်းမြစ်များ

San Mateo 10:22

Namutuya ena achaneana tikatianaka'eanayare táichavene'i eta é'isiranu'i, émasera mákani tikamicha'i te táitawapa tamutu, tiuchuku'ayare.

San Mateo 24:13

Énasera mákani tikamichaya te táitawapa tamutu, tiuchuku'ayare.

San Mateo 25:17

Ema apana, tijakapa'i eta apina mil, éneichuware makaejapakapa eta plata. Apinaware mil eta plata.

San Mateo 9:19

Ema Jesús techepukapa, tási'a tiyanapa máe'ika'i ema achane, náe'ikawarepa ena máimitureana.

Marcos 3:3

Taka'e ema Jesús máichapa ema achane tépenawa'u'i: –Péchepuka, tási'a pitúpi'a ani te namira'u.

San Lucas 18:1

Ema Jesús máimitukawakaware ena máimitureana wa'i nakukainajiruwa eta nayujarasiraina.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

1 Corintios 15:58

Táitusiawa, eti némunarukeneana'i nuparapenaveana, ímiyanawachucha eta étumechirawaina taye'e eta juka vé'iru'i, wa'i takuekekérekawa eta epanereruana. Ekaemataneakakenena yátupina ema Viákenu, taicha écharichu'i eti wa'i támapurujima'i eta ekaemataneasira'i ema.

2 Corintios 4:1

Eta taka'e, wá'ikene viyakujiekene'awaima'i eta vikametarairuira, taicha ema Viya tímecha'avi'i eta máemunaraiwa eta matuparasira'avi'i eta juka vikaemataneasirayare'i ema.

2 Corintios 4:16

Eta taka'e, wáipaine'i vikainajiruwaima'i. Tayanapanepuka tivitaji eta viáke'e, étasera eta viáchanewa tétavikawaichucha eta tatumewa tamutu sácheana.

2 Corintios 9:6

Némecha'eyare jukari'i eta echéjirirukawa, ani taka'e'i: Mákani achane ánikuchichaichu eta máesane máewaru'i, ánimurichichaichu eta mave'ayare eta táwame eta máesane. Mákanisera ichapepana eta máesane, ichapemuriware eta táwame mave'akeneyare.

Efesios 3:13

Eta taka'e, nutuparaka'eya wa'i ekuinajikawa eta juka é'iru'i, wá'iware ekupika eta esamairisira'i eta nukaerataira'i táichavene'i eta nukametarairuira'i eye'e. Ewapinawasera eta nukamichira'i eta nátajiwana, taicha nuwara'a'i nímereka eta táetaviuchira'i eta némunasira'e'i.

2 Tesalonicenses 3:13

Eti apamuriana nuparapenaveana, wa'i ekuinajika eta táuriwa'i eta ekaematanerana.

Hebreo 12:3

Puíticha eta, epanerekene'ayare e'ikayarewa eta makamichira'i ema Jesús tamutu eta makatajiwaira'i naicha ena tikatianakana'i, ene eka'eyare eti, wa'i ekuyakuji'ini, étumechawayaresera eta é'isira'i ema.

Hebreo 12:5

eti émitisikaipa eta maechjiriruwa ema Viya, eti yátupikeneana'i machicha. Ani taka'e eta Takapika'ukene Ajureka: “Wa'i ekuepuru, eti nuchichanaveana, eta maechejiriruwa ema Viya, wa'iware pikuinajikawa eta te timenekapaviana eta pichaira eta tamaurikeneana.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Santiago 5:7

Étisera, nuparapeanaveana, ekamichayare tamutu, táichavene'i eta ekuchapira'i eta machavirayare ema Viákenu. Ekutiyare mákani achane tikaematanera'i makamicha'i tamutu eta makatajiwairana. Tiámainukawa te tiúchuku'apa eta máewaru, mapaenumawapa majakapa eta makuchapakene'i máewaraki.

1 Pedro 2:15

Taicha ema Viya, mawara'a'i íchayare eta táurikeneana, apaesa ekamatinakaya ena máecheraireana nákani téchejikana'i eta eye'e.

1 Pedro 3:17

Te máisapa ema Viya eta náemekatajiwachira'e táichavene'i eta iúriwa'i, tikunachakareyare maye'e. Tájinasera ekunachakarewaima'i te ekaviurewa'i.

1 Pedro 4:19

Puiti viti vé'ikana'i ema Cristo, ichape eta vikatajiwaira'i, wá'isera vikainajiruwaima'i, vímiyanawayare'i vicha eta táurikeneana, wákasiñawa maye'e ema Vikaiyakene eta majaneasira'avi'iware, taicha ema, tétavikawa'i eta máitauraiwa'i.

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.

Apocalipsis 2:3

Nímati'e eta ekamichira'i tamutu eta iátajiwana'i táichavene'i eta ekaemataneasiranu'i. Wa'i eyakuji'ini.

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.