Gálatas 5:5 - Táurinakene máechejiriruwa’i ema Viya tikaijare

⁵ Vítisera viti vikasiñana'i ema Jesucristo vikunewaipa eta majakapira'aviya ema Viya máichavene'i ema Machanewa Viya eta máwa'asira'avi'i.

Ignaciano

⁵ Vítisera viti vicasi­ñanahi ema Jesucristo vicune­varipa eta majaca­pi­ra­haviya ema Viya máichavenehi ema Espíritu Santo eta mávahá­si­ra­havihi.

Gálatas 5:5 ပူးပေါင်းရင်းမြစ်များ

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

1 Corintios 1:7

Tamutuipa tíjaraka'e'i ema Viya, tájinapa iátajiwaina'ini eta ítupajijiasirawaipa'i. Étanecha ekuchapayare eta jena sacheyare machavirayare ema Viákenu Jesucristo.

Efesios 2:18

Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

Filipenses 3:9

puiti eta náwa'asira'i ema; wa'i étaina'ini eta táuriwa'i eta né'isira'i eta viye'erepiana. Ema Viya tijakapanupa táichavene'i eta nukasiñawaira'i me Cristo. Taicha namutu ena tikasiñawana'i ema, tijakapakareanaya me Viya.

1 Tesalonicenses 1:10

eneichuware timetaka'aviana eta ekuchapira'i eta machaviraya ema Machicha ema Viya mási'airaya te anuma, ema maka Jesús émaichu ema makaechepukasikene'i te máekari maicha ema Maiya. Émara tikatiucha'aviyare taye'e eta ekuñaraki náikuchi'i ena masuapajiraira'ana.

2 Tesalonicenses 3:5

Máimikataka'e'ini ema Viya eta ímatiraina etapa eta máemunasira'e'i. Máijaraka'ewareni eta etumewaina taye'e eta ekajapanurawaira'i.

2 Timoteo 4:8

Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.