Gálatas 5:1 - Táurinakene máechejiriruwa’i ema Viya tikaijare

¹ Puiti nuwara'a yátupina ákaikutiara eta makatiuchira'e'i ema Cristo. Eta waipa étaparakainayare ítaucha eta wanairipiana, étumechawapa, wáipaware ekuisapawa ákuti ena musuana taichavenena eta wanairipi.

Ignaciano

¹ Puiti nuvaraha yátupina ácaicutiara eta macatiu­chi­rahehi ema Cristo, eta vaipa étapa­ra­cai­nayare ítaucha eta vanairipiana. Váipavare ecuisapava te návirai­chupuca napamicahe, taicha ticaje­rayare eta ítauchiraina, machu ajirehéna táicha. Étipasera tacamunu étumechava te nayehe ena nani.

Gálatas 5:1 ပူးပေါင်းရင်းမြစ်များ

San Mateo 23:4

Tipamika'eana ítaucha eta kamurikeneana naye'erepiana, nájinapa tirata'aima'i títaucha, apanasika ena nawamira'u'i naitaucha, wa'iware nakaemuñawa'ini náesirujika.

San Lucas 5:38

Eta taka'e tiuripana vikawakuru'i tamutu arairu.

Hechos 15:10

Puitisera, ¿tája'a takayema ewára'apa épuruyare eta máichakeneana'i ema Viya, víti'ipa wá'iware wárata'a'ini vítaucha'ini, taka'e, wáipa táurika'ini vékati'awaka'ini ena vichamuriana apawasana náicha'ini eta juka?

Romanos 6:14

Eta pekatu, waipa tikawanara'éma'i, émainapasera puiti ema Viya, tímikataka'enapa eta íchira'i eta táurikeneana, éneichuware waipa kawanara'ema'i eta wanairipiana puiti emapa esuapaya taichavene eta maemunasira'e'i ema Viya.

Romanos 6:18

Puiti íjarakawainapa ekaemataneaka ema Viya, iáwaku'aipa eta táuriwa eta ítaresiraya, taicha waipa takawanara'e'ini eta pekatu.

Romanos 7:3

Te'eserapuka te jákani achaneicha'a ema suima, te suve'apuka ema apana achane, tikapekaturaipa esu. Té'esera te tépenaipapuka ema suima, ésupa téchinawa. Tísapakare suápechawa suákaima maye'e mákani suwara'akeneyare suímayare, wa'i pekatuina eta suápechirawayare tikaima.

Romanos 7:6

Puítisera waipa tapamika'avi'ini eta wanairipiana. Puiti viúchukurepa eta ichasi vítaresiraini, taicha tépanawaipa eta arairu vítaresira eta máwa'asira'avipa ema Machanewa ema Viya.

Romanos 8:15

Taicha eti wa'i ejachapa'ini eta Machanewa, eta kamusurakare eta tiama'e'i eta episirayare'i, eta ekaye'ekene'i émaipa ema Machanewa Viya timetaka'avipa eta machichaira'avipa ema Viya. Taka'e ema Machanewa Viya émapa timitupirucha'avi'i te mamira'u ema Viya, taka'e vimijarecha'i “¡Tata nukaiyakene!”

Romanos 8:2

Taicha eta máwa'asira'avi'i ema Machanewa ema Viya. Émapa, tikaepa'a'i eta tapamisira'avi'i eta pekatu, étapa eta támaparauchira'avi'i eta visiapiraya te ekuñaraki.

1 Corintios 15:58

Táitusiawa, eti némunarukeneana'i nuparapenaveana, ímiyanawachucha eta étumechirawaina taye'e eta juka vé'iru'i, wa'i takuekekérekawa eta epanereruana. Ekaemataneakakenena yátupina ema Viákenu, taicha écharichu'i eti wa'i támapurujima'i eta ekaemataneasira'i ema.

1 Corintios 16:13

Ekuneuchawa yátupina. Túme'ena'i taye'e eta juka vé'iru'i. Yátupina eta éjairawawakaina. Wa'i ekupika eta vikatajiwairana'i.

1 Corintios 7:22

Taicha mákani achane músu'i eta máitaresira, tayanapaneine matiari'ina'i ema mákenuina'i, té'esera te maichu'apa ema Viya, waipa musuina'ini, mákanisera achane nájina mákenuina'ini eta máitaresira, puiti ema mawanaranaipa'i ema Jesucristo.

2 Corintios 11:20

ekamicha'iware tamutu eta napamisira'e ítaucha eta tivitakareana wanairipiana. Tiverejika'eana'i eta ekaye'ekeneana. Tasapi'apa eti ekamicha'i tamutu eta juka.

2 Corintios 3:17

Jé'esare, ema Viákenu tíjaraka'avisarepa ema Machanewa Viya. Tási'a, waipa vipikakarakawa'ini eta vipauchiraya ema. Yátupina eta viwapinairawa'i maicha ema Machanewa Viya.

Gálatas 2:4

Natiari'isera te viye'e viti ena maejiakawara'ana timijachawana vichamuriana'i, tiyumurukawana'i eta nasiapamurira'avi'i, enasera etachucha nawara'a'i na'apapikayare'i eta viuriwa'i maye'e ema viákenu Jesucristo, nawara'a'i timichawa'aviana vicha'ini eta naye'erepiana.

Gálatas 3:25

Puítisera eta taitekapira'i eta vikasiñawaira'i me Viya, waipa étaima'i vé'ika eta wanairipiana.

Gálatas 4:26

Jarari'isera eta apana'iware awasare tikaijare Jerusalén, tiávi'a'i te anuma, víti tachichanaveana'i, waipa vítiparakaina'ini tapamika'avi'ini eta wanairipianaini.

Gálatas 4:31

Nuparapenaveana, ene vika'e'i viti, wa'i wakuti'ini ema suchicha esu wanaraka, vikuti'i víti ema Isaac eta tamajinaira'i eta vipamikasiwaina'ini eta vítauchiraya eta wanairipiana, maicha ema Jesús.

Gálatas 4:9

Puítisera, ímatipa ema yátupikene'i Viya, tási'a, éneichuware ema Viya tímati'ewakapa eti, ¿tája'a takayema ewara'awarepa echáwayare eta ekasiñayare eta nasiñarajiana, naiturereana paureana, nawara'aipaware kamusura'eanayare?

Gálatas 5:13

Taicha eti nuparapenaveana, wa'i étaina tímichu'a'e'i maye'e ema Viya eta é'ikayare eta mawanairipiana ema Moiséini, wá'iwaresera étijirikawaima'i íchayare'i eta ewara'akeneana'i tamaurikeneana, ema Viya tíchu'a'e'i, mawaraira'i étijiwaya ítatijirikakayare'i taicha eta émunasirakakaina'i.

Efesios 6:14

Taka'e yatupina etumechawa, akasiñawa taye'e eta yatupikene apaesa etaina takatiucha'e ichiraina eta tauriwaina eta itesira tatupiruwa'ini.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

1 Tesalonicenses 3:8

Eta visamairisira'e'i eti takamitiakaine eta véñamirawa'i, étumecha'avirine'i eta vikatajiwairana, tichawaine'i eta viúrisamurewa.

2 Tesalonicenses 2:15

Tiuri puiti, nuparapenaveana, ímiyanawa eta é'isiraina ema Jesucristo. Wa'i ekuemitisika eta vímiturapiana'i, te vimutuicha'a eta eye'e, étapa eta véchejiriruwana'i te juka viajure, vémewataruana'i te eye'e.

Hebreo 10:23

Eta taka'e, vímiyanawa vétumechawa eta vé'isira'i, wa'i viyakujima'i, yátupina eta vikuchapira eta víkuchi'i taicha ema Viya máitauchayare tamutu eta máijararuwa'i eta viye'e.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Hebreo 4:14

Ema Jesús, yátupikene'i Machicha ema Viya, makarichu'iware ema tiyaseura'i eta viye'e taicha masiapakene'i te anuma. Eta taka'e ve'ikayare'i yatupi vetumechawa eta vikasiñawaira me Viya yatupina eta vikaratasirawaina muraka maye'e ema.

1 Pedro 2:16

Yátupi'i waipa tapamiru'ena'i eti eta esuapira'i eta wanairipianaini. Wá'isera ekuyunaka eta wa'i tapamisira'ena'ini, táetseraruina icha eta tamaurikeneana. Esapi'asera ímerekawayare yátupi'i eta mawanara'era'i ema Viya.

2 Pedro 2:19

Ena tijarakawana eta naijarasirayare eta nauriwayare nauchukuirayare, éna'ineni natiwawaika'i tamusurana'i eta tamaurikeneana; taicha namutu achaneana tamusura'i eta tamaurikeneana eta tawayuasira'i eta taiñema'ikeneana.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.

Apocalipsis 2:25

Ísmiyanawachuchasera eta esuapira eta ímatikenepa'i, tiamainukawa te nuchawa.

Apocalipsis 3:3

Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.