Gálatas 4:8 - Táurinakene máechejiriruwa’i ema Viya tikaijare

⁸ Kape juka iásinekene'i eti, wicha'a ímati'ini ema Viya, wá'iware epikaucha'ini ema, énachucha epikauchawaka'i ena esiñarajiana, wa'ineni viyanaina'ini.

Ignaciano

⁸ Cape juca iásine­quenehi éti, vuíchaha ímatihini ema Viya, váhivare epicau­chahini éma. Énachucha epicau­cha­vacahi ena esiña­rajiana. Tájina erata­haimahi émitisica eta eyuja­rau­chirahi tayehe. Éna, vahi yátupi­nahini víyanai­nahini, váhivare távahá­ca­va­caimahi eta máchaneva ema Viya.

Gálatas 4:8 ပူးပေါင်းရင်းမြစ်များ

San Juan 1:10

Émaichu'ineni ema Echéjirirukawa matiari'ikenepa'i ani te apake'e, tási'a, émaichu'i ema Viya tepiyaka'i eta apake'e makachane'i ema Echéjirirukawa, nákaini tiavi'ana'i te apake'e wa'i naimati'ini.

Hechos 14:12

Ema tikaijare Bernabé, émara Viya Zeus, ema maka apana tikaijare Pablo, émara Viya Hermes, taicha ema tikametarairura'i.

Hechos 17:23

Taicha te nítekapapa nuti eta ani eye'e, nupaika'i tamutu eta eyujarasirareana. Níma'apa eta eye'e tavirare eta iamawa'uasana tatiari'i'i eta ajureka ani taka'e'i: ‘Ema Viya vimaimatikene’. Tiuri, ema maka Viya eyujaraureasa emáimatikene'i eti, émara ema Viya néchejisi'akene'i nuti.

Romanos 1:23

Waipa najiraucha'ini ema Viya máepenakaka'i, wáipaware mapikauchakare'ini naye'e, tási'a, náemitisikaipa ema, nasapi'apa najiraucha'i eta nasiñarajiana achanemirana matumeraira'ana'i náipunechucha ena achaneana, tamutuchucha nakasiñarajipa'i kayurepuka, kicharepuka, sáraremirapuka.

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

1 Corintios 12:2

Échaichu'i eti, te wicha'a émaina'ini é'ika ema Viákenu Jesucristo, ísapajirikawaicha'a é'ika eta nasiñarajiana tájinakene'i eta tajíkaparaiwaina'ini.

1 Corintios 8:4

Puiti, numetaka'eyare eta juka nechejiriruwa taye'e eta juka enisirana eta tinikakareana takayujara'ukene'i te tamira'u eta nasiñarajiana ena achaneana. Tájinachucha táichawa, taicha eta nasiñarajiana wa'i yátupina'ini víyanaina'ini te juka apake'e, taicha émanaichu'i ema yátupikene'i Viya.

Gálatas 4:3

Ene vika'e'i víti kape juka viásinekene: te wicha'a vímati'ini ema Cristo, vikutini'i ena amaperuana, tipamika'avi'i vé'ika eta tamaurikeneana ena tiavi'ana te juka apake'e ena ereanana.

Efesios 4:18

tétavikawa'i eta tamapikuwa'i. Máecharaireana'i ena, táichavene'i eta tamurakawa'i eta nasamureana. Wá'ikene nawara'aima'i napaucha ema Viya apaesa makanarakawaka'ini ena.

1 Tesalonicenses 1:9

Timetaka'avianapa'iware eta etupiruwaira'i ejákapa eta vimetarapiana, étapa eta ínajisiraipa eta esiñarajianaini, ékesirawaipa eta ekaiju'erapa yátupi ema Viya. Puíticha tépanawaipa eta ekaemataneasira'i ema. Ema, yátupikene'i Viya. Yátupikene'iware eta masamaraiwa

1 Tesalonicenses 4:5

wa'i ekukutipa ena ajairana esenamareana. Ena náicha'i eta juka, taicha eta namaimatira'i ema Viya.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

1 Pedro 4:3

Kapeipa juka añuana eta íchira'i eta tamaurikeneana, taicha emáimatira'i ema Viya. Tamutu'i icha eta tájiparakana, tiwayuaka'e'i eta tajamuraraiwa eta iáke'e. Ewayuchawa'i eta ekawa'arasiwa. Eta íchira eta piesta, étapa eta ejaneasira'i eta esiñarajiana.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.