Gálatas 4:4 - Táurinakene máechejiriruwa’i ema Viya tikaijare

⁴ Émasera ema Viya, te máima'a tiuri eta táitauchirawayarepa eta mapanereru'i, máewatakapa ema Machicha te juka apake'e. Ema Jesús, tiáchanechawapa te suju'e esu maena. Eta máuchusira'i, viwasima'i eta vikake'era'i viti achaneana, eta majurusira'i, tikarawa'upa eta viye'erepiana viti israelítana,

Ignaciano

⁴ Émasera ema Viya, te máimaha tiuri eta táitauchi­ra­va­yarepa eta mapane­reruhi, máevatacapa ema Machicha te juca apaquehe. Ema Jesús, tiáchane­chavapa te sujuhe esu maena. Eta máuchusirahi, vivasimahi eta vicaque­herahi viti achaneana. Eta majuru­sirahi, ticara­vahupa eta viyehe­repiana viti israelítana.

Gálatas 4:4 ပူးပေါင်းရင်းမြစ်များ

San Mateo 1:23

“Sutiari'iyare esu amaperu esena témuna'irikawaya tikajari ema suchicha, sunakayare eta maijareya Emanuel” (eta takayemakene'i: “Ema Viya te vitarakumuri”).

San Mateo 3:15

Émasera ema Jesús majikapapa: –Tájinachucha táichawa, tikamunukare'i nítauchayare eta mawara'akene'i ema Nukaiyakene Tata Viya. Tási'a, ema Juan tísapawapa.

San Mateo 5:17

“Wa'i étaina tímitekanu'i nuti nukaepa'apana eta nawanairipiana ena profetanaini, wa'iware étaina taimitekanu'ini nukaichepaika'ini, eta tímitekanu'i nuti, níminekapaekene'a'eyare eta takayemakeneana.

Marcos 1:15

Ánipa taka'e'i eta mametarapi: “Eta mawasa ema Viya akenuka te anuma tiane'ipa titekapaucha'e eta eye'e. Échawa éñauchawa me Viya tási'a ejákapa eta ekasiñawairaina me Viya, esuapapa eta Arairu maechejiriruwa.”

San Lucas 1:31

Numetapanavi'i puiti eta pikajarirayare. Ajairayare ema pichichayare. Jesús eta máijareyare.

San Lucas 1:35

Émasera ema ángele máichawarepa: –Pikachichayare taicha eta máitupajijiasirawa'i ema Viya. Timikáuchaviyare eta majaraiwa, tási'a, tisiapa'akavinapa ema Machanewa Viya. Eta taka'e, ema amuya pínaruyare, santuyare ema, taicha machichayare'i ema Viya. Náimatiyare namutu eta machichaira'i ema Viya.

San Lucas 2:7

Taka'e, tinákapa jena yati. Suínakapa ema amuya suárachicha'i, suáyuruakapa te mámaratataji, sukaivekapa ema amuya alauchu sukaivekapa taye'e eta pesebre, taicha tajinaipa'i tavirawaina'ini taye'e eta naitekapirare'i.

San Lucas 20:44

Ema David, eta máimijarechira'i ema Cristo Tata Nákenu, ¿tája'apuka takayema eta machichaira'i?

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 10:36

Nútipa puiti, nuvetijipa nímijarechakare Viya taicha émarichu ema Viya tinerejikanu'i, tiwanekanu'i eta núkupaisiraya te juka apake'e, ¿Taja'a takayema eka'e eta nepuru'i ema Tata, eta nuka'era'i nuti machichanu ema Viya?

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 1:7

Ema Jesús májikapapa: –Wícha'a táechakare, wa'i tatuparaka étina'ini echa tája'apuka sachewayare, títauchawaya. Taicha ema Tata, makarichu ema máituruekene'a'i,

Romanos 1:3

Eta Takapika'ukene Ajureka, táechejisi'aipa ema Machicha ema Viya, eta máukupaisirayare'i te juka apake'e ema Jesucristo, ema achanekene'i eta máima'i.

Romanos 15:8

Échaichu'iware eta máukupaisira'i ema Cristo. Títeka'i maitatiwaka'i ena israelítana. Mawara'a'i máimimatichawaka ena eta máitauraiwa'i ema Viya tamutu eta máechejiriruwana máijararuwana'i naye'e ena viáchukanaveanaini.

Romanos 5:6

Víti, tájina viviyaima'i eta vikuchukuirawaina'ini, émasera ema Cristo, te tiúri'i eta máimaira'i, tíjarakawa'i tépena víchavene'i víti máurira'ana'i.

Romanos 8:3

Taicha ema Viya, eta máimaira'i eta vimaetumechirawa'i, vimárata'aira'i vítaucha'ini eta wanairipiana, mawanekapa tiúkupaika'i ema Machicha, makake'eyare'i eta juka viáke'e viti achaneana. Eta máijarasirawa'i, makamitiekene'aipa eta tapamisira'avi'i eta viáke'e eta vikapekaturairana.

Romanos 9:5

Mametaka'iware eta máitesirayare'i ema tikatiura'iyare naye'e. Ena nani, tétavikawa'i eta táuriwa'i eta náikuchiyare'ini taicha manerejikawaka'i ema Viya ena máumuriwanaichu'i ema Cristo, najaneanaichu'i eta máukupaisira'i te juka apake'e. Puíticha émaipa técha'i tamutu. Máitawakakaipa eta vijirauchira'i. Amén.

Efesios 1:10

Tamutu eta juka mapanereruana'i títauchawayarepa'i, jákani tatuparakipa'i. Te jena sácheyare manerejikaripa, ema Viya manakainapa ema Machicha Jesucristo akenukakeneyare'i, téchayare'i tamutu eta táichararakawana, nasuapayare'iwa namutu ena tiávi'ana'i te anuma, énapa ena tiávi'ana'i te juka apake'e.

Colosenses 2:14

Ema Viya, makaepa'apa eta vitapirawanaini, eta tiviucha'avini'i viti, eta tapamisira'avini'i vicha eta taye'erepiana. Makaepa'apasera tamutu eta maepenira'i te crusu, eta vipekaturanaini timikuñaka'aviyare'ini.

1 Timoteo 2:6

Ema Viákenu Jesucristo tíjarakawa'i tépena taicha eta makuchukuira'aviya vimutu viti achaneana, puítisera mawara'a máimimatichayare namutu eta juka arairu'i vímiturapiana.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 2:14

Viti achaneana, étanaichu'i eta vikaechera étapa eta vítine, ene maka'e'i ema Jesucristo, makaeche'i, makaitine'iware étaichu'i takuti'i eta vítine víti achaneana, eta taka'e, eta máepenina'avi'i, makapakechi'ayare'i ema wínaraji.

Hebreo 9:10

Wa'i étaparakaina'ini taye'e eta náchanewa, taicha eta námawa'usana ena, tinikakareanachucha térakarechucha, étapa eta nakasipawa'uira te tisiapana taye'e eta templo, eta júkana naye'erepiana'i, wa'i tímiyanawaima'i, taicha te tépenapa ema Cristo te crusu, máitsiwacha'i ema Viya eta vítekapauchirayare'i ema.

1 Juan 4:14

Tási'a, viti vikachaneanaipa ema Jesús, vimetakawakapa'i namutu ena vímanaruanapa'i eta máukupaisiraipa te anuma, taicha viwara'a náimatiyare namutu eta mawanesira'i ema Viya máiteka ema Machicha tikatiucha'aviyare vimutu viti achaneana te juka apake'e.

1 Juan 4:2

Eta juka eta ímatiarayare ena máwa'aruana ema Machanewa Viya: te naka'e'ipuka: Ema Jesucristo yátupikene'i achane eta máuchusira'i.