Gálatas 4:2 - Táurinakene máechejiriruwa’i ema Viya tikaijare

² Natiari'ii' ena achaneana techapajirikana, wa'i náisapaima'i mamápachichijikaima'i eta máima'akeneana'i ema maiya, tiámainukawasera te máima'apa ema maiya eta máechemaraiwa'i ema machicha, máisapainapa eta máemamaka eta máima'akeneana'i.

Gálatas 4:2 ပူးပေါင်းရင်းမြစ်များ

San Juan 15:7

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

1 Corintios 4:15

Tayanapane kamuriana'i ena eye'eana'i máestroana tímituka'eana'i eta é'isiraina ema Cristo, diez mil náina'ipukaini, nútisera tímikutijirikawa'i nákarichu'ini éyanuina'ini maestro taicha nuti nímimaticha'e'i taye'e eta iúchukuirayare maicha ema Jesucristo.

Gálatas 3:24

Táitaurewakene eta mawanairipiana ema Moiséini eta típikarareka'avi'i taye'e eta táiñe'ikarewa'i eta vikapekaturairana, eta, tétupirika'avi'i takuti'i mákani timitura'i eta máetupirisirawaka'i eta napanereruana ena máimitureana, ene taka'e'i eta táechapajirisira'avi'i eta mawanairipiana ema Moiséini. Puítisera eta máitekapiraipa'i ema Jesucristo, émapa vé'ikayare, vijakapakarénapa me Viya taicha eta vikasiñaira'i ema Jesús.

Gálatas 4:1

Nuwara'a nímikutiarachiná'eyare: Te matiari'ipuka ema achane kamuri'i eta máima'akeneana te mapena, te matiari'ipuka ema machicha, té'esera te amuyaicha'a ema, natiari'iyare'i ena téchapajirikanayare, énapa ena tímitukanayarewa, tayanapane émaina makaye'e tamutu eta tima'akareana.

Gálatas 4:3

Ene vika'e'i víti kape juka viásinekene: te wicha'a vímati'ini ema Cristo, vikutini'i ena amaperuana, tipamika'avi'i vé'ika eta tamaurikeneana ena tiavi'ana te juka apake'e ena ereanana.