Gálatas 4:1 - Táurinakene máechejiriruwa’i ema Viya tikaijare

¹ Nuwara'a nímikutiarachiná'eyare: Te matiari'ipuka ema achane kamuri'i eta máima'akeneana te mapena, te matiari'ipuka ema machicha, té'esera te amuyaicha'a ema, natiari'iyare'i ena téchapajirikanayare, énapa ena tímitukanayarewa, tayanapane émaina makaye'e tamutu eta tima'akareana.

Ignaciano

^1-2 Esama­nuchaha. Nuvaraha nímicu­tia­ra­chi­ná­heyare. Te matiari­hipuca ema achane camurihi eta máimaha­queneana te mapena, te matiari­hipuca ema machicha, téhesera te amape­ru­richaha éma, natiari­hi­yarehi ena téchapa­ji­ri­ca­nayare, énapa ena tímitu­ca­na­yareva. Vahi náisapaimahi mamápa­chi­chi­ji­caimahi eta máimaha­que­neanahi ema maiya, tayanapane émahinéni ticaye­heyare tamutu. Tiámainu­ca­vasera te máimahapa ema maiya eta máechema­raivahi ema machicha, máisapainapa eta máemamaca eta máimaha­que­neanahi.

Gálatas 4:1 ပူးပေါင်းရင်းမြစ်များ

Gálatas 3:29

Puiti machicha'eipa ema Cristo, tási'a ekuti'ipa mámariekene'ena'ini ema Abraham, ímaekene'aichucha eta maikure'ei'i ema Viya eta máijarasira'eyare eta iúrikakareyare táicha.

Gálatas 4:2

Natiari'ii' ena achaneana techapajirikana, wa'i náisapaima'i mamápachichijikaima'i eta máima'akeneana'i ema maiya, tiámainukawasera te máima'apa ema maiya eta máechemaraiwa'i ema machicha, máisapainapa eta máemamaka eta máima'akeneana'i.

Gálatas 4:23

Esu Agar, te sukachichainapa ema Ismael vikutinasichu'isera viti. Ésusera esu Sara máijarakapa ema suchicha'i Isaac, taicha ema Viya, maitauchayare'i eta maechejiriruwa maye'e ema Abraham.

Gálatas 4:29

Taka'e, ema Ismael, suchicha esu Agar, makatianakapa ema amuya Isaac, ema suchicha esu Sara máijararu'i ema Machanewa Viya, puíticha, tanasi'ichu'i eta nakatianasira'avi'i ena té'ikana'i eta wanairipiana vimutu viti máwa'aruana'i ema Machanewa Viya.

1 Juan 5:10

Tási'a, te vikasiña ema Machicha ema Viya, visuapawa vikasiñawa te visamure eta yátupira'i eta mametasira'i ema Viya. Ena apamuriana wa'i nasuapa'ini ema Viya, náimikutichapa máepiya'ira'i'íni ema Viya, taicha wa'i nasuapa'ini eta mametarapiana'i maye'e ema Machicha Jesucristo.