Gálatas 3:5 - Táurinakene máechejiriruwa’i ema Viya tikaijare

⁵ Ema Viya tíjaraka'eipa'i ema Machanewa Viya eta máwa'asira'e'i, tímecha'e'iware eta tiáramikareana ¿Taja'apuka takayema eta maijarasira'e'i? Wá'isera etaparakaina eta esuapiraina'ini eta wanairipiana, étasera eta esuapira'i ejakapira'i eta máechejiriruwa étapa eta ekasiñawaira'i eta me Viya.

Ignaciano

⁵ Ema Viya tíjara­ca­he­ripahi ema Espíritu Santo eta mávahá­si­rahehi. Tímecha­he­hivare eta tiárami­careana. Étaripa macata­ji­si­rahehi táichavenehi eta ecasi­ña­vairahi tayehe eta máechaji­ri­ruvana. Étasera eta ítaurai­vai­na­hi­pucaini eta vanairipiana, tájinainapa táimija­ra­ca­hehini.

Gálatas 3:5 ပူးပေါင်းရင်းမြစ်များ

Hechos 14:3

Eta taka'e, nanasipanapa ena apústuleana, wa'i nayanawane'ini, tiyere'i eta náimituresira'i, taicha nawara'a'i náetumechawakaya eta nakasiñaira'i ema Viakenu. Taka'e, ema Viya máimikatakawaka'i, máijaraka'i eta náichiraya eta tiáramikareana.

Romanos 10:17

Té'esera te táuri'ini nasama ena achaneana eta vímiturapiana maye'e ema Cristo, titupiruwanayare'i tikasiñawana maye'e.

Romanos 15:19

Nímechawaka'i ichape eta tiáramikareana eta nítupajijiasirawa maicha ema Machanewa Viya. Taka'e'i eta nítauchira'i tamutu eta nukametarairuira'i eta máimiturapiana ema Jesucristo. Tamutu'i nupaika, népanawa'i te Jerusalén, nícheku'apa taye'e eta tinapaika Iliria.

1 Corintios 12:10

Narari'iware ena máijararuana'i eta nakuchusiraya eta tiáramikareana. Ena apamuriana náijarakasipachu eta nakametarairuiraya maye'e ema Machanewa Viya, eta máechejiriruwana'i ema Viya. Ena apamuriana máijarakaware eta náimatiasirawaneya ena achaneana nája'apuka nákani máwa'aruana'i ema Machanewa Viya, nája'awarepuka ena máwa'eruana'i ena éreanana. Ena apamuriana máijarakaware eta tiúri'ichuya eta náechejisiraya eta apaechejiriruwana. Ena apamuriana máijarakaware eta naitusirayare, nápepika náechejisi'a eta apaechejiriruwa.

2 Corintios 10:4

Taicha nuti wa'i né'akakaima'i te nuwa'uana, tájinaware nakasiñaima'i. Marari'isera ema Viya ema tíjarakanu'i eta nítupajijiasirawaya nukamatinasi'ayare ena.

2 Corintios 12:12

Tayanapane kamuri eta nukatiru'awana, nukamicha'isera tamutu. Nímecha'eipa'ineni eta tiáramikareana níchakeneana'i, maicha ema Viya. Eta tímikaecherachanu'i eta yátupikenenuira'i apústulenu.

2 Corintios 13:3

etiari'i eti épurunu'i eta mawanesiranu'i ema Cristo. Íma'ayaresera, ichape eta máimikatasiranu'i eta nétupirisira'eyare. Taicha ema, títupajijiakawa'i eta máemecharesira'eya. Tipikakare eta máikuñaraki eye'e eti.

2 Corintios 3:8

¡Eta makaejasira'i eta Arairu maechejiriruwa ema Machanewa Viya, eta nukametarairukene'i puiti, tétavikawa'i eta tápajusirawa'i eta tasuapakarewa'i!

2 Corintios 9:10

Ema Viya, éma'i ema tinakika'i eta ewarakiana, ema, makaejapaka'iware eta tinikakare, étapa viáchanechiawayare'i, ene maka'eya eye'e eti, tíjaraka'epa eta enakisirawaya, tímikutijirikawa'i eta táejapasira eta ewaraki, ema, tikajurukayarewa eta enakiru'i apaesa kamurianaina ena ekatajiruanayare.

Gálatas 3:2

Esamanucha'a, puiti nuwara'a numetaka'eyare. Eta máwa'asira'e'i ema Machanewa Viya, eta tícha'i eta é'isira'i ema Jesucristo. Wa'i étaina'ini taicha eta ítauraiwaina'ipukaini eta wanairipiana.

Filipenses 1:19

taicha németeaka tiúriyare tamutu eta níchawakenewayare, taicha tisamakare'i me Viya eta eyaseuchiranu'i, emaipa ema Machanewa Viya, ichape eta máimikatasiranu'i.