Gálatas 3:2 - Táurinakene máechejiriruwa’i ema Viya tikaijare

² Esamanucha'a, puiti nuwara'a numetaka'eyare. Eta máwa'asira'e'i ema Machanewa Viya, eta tícha'i eta é'isira'i ema Jesucristo. Wa'i étaina'ini taicha eta ítauraiwaina'ipukaini eta wanairipiana.

Ignaciano

² Esama­nuchaha, puiti nuvaraha numeta­ca­heyare. Eta mávahá­si­rahehi ema Espíritu Santo, éta tíchahi eta éhisirahi ema Jesucristo. Vahi étainahini taicha eta ítaurai­vai­na­hi­pucaini eta vanairipiana.

Gálatas 3:2 ပူးပေါင်းရင်းမြစ်များ

Hechos 15:8

Ema Viya máimati'i eta nasamureana ena apawasana eta nasuapira'i, tási'a, máimereka'i eta majakapirawaka'i eta máwa'asirawaka'i ema Machanewa ema Viya takuti'i eta máwa'asira'avi'i víti.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 8:15

Te titekapanapa, nayujarauchapa eta té'ikanaipa ema Jesús, kawasana'i te Samaria, wícha'asera táukupaucha'ini eta Machanewa ema Viya.

Romanos 1:17

Taicha eta Arairu maechejiriruwa timecha'avi eta taichararakawa'i eta makatiuchira'avi'i eta vitápirawanaini: taichavene'e eta vikasiñawaira'i etachuchasera eta vikasiñawaira'i me Viya. Eta taka'e'i eta taechejiriruwa eta Takapika'ukene Ajureka: “Ema matapiraware eta makasiñawaira'i me Viya eta tikaitarekaya.”

1 Corintios 9:21

Tatiari'isera eta yátupikene'i né'iru'i nuwana'i'i maye'e ema Viya, máijararunu'i ema Cristo. Énerichuware te nukainunawaka nákani apawasana máe'ikara'ana'i eta maye'erepiana'i ema Moiséini, wá'iware nukaeka'iwaka. Nupikaucha'iware ena, nuwaraira'i nukajimuyasamurechawaka'ini ena apanawa.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

Gálatas 3:14

Ema máicha'i eta juka, mawaraira'i eta iúrikakarewayare eti apawasana táichavene'i eta ekutira'i ema Abraham eta makasiñaira'i ema Viya, puiti, tétavikawa'i eta viúrikakarewa vimutu, taicha tiáwa'aka'avi'i ema Machanewa Viya máijararu'avi'i ema Viya táichavene'i eta vikasiñaira'i ema Jesucristo.

Gálatas 3:3

¿Tétavikawapa eta esunsuwawaka eti te épanawapa eta é'isira'i, tájinainiripa'i íchirawaina'ini máicha ema Machanewa Viya, ema tétumecha'e'i, puítisera eti ewara'apa ínajikaya eta máwa'asira'eni'i, ímijachaipapuka eta tikuchuku'a'eyare eta éjairawana'i?

Gálatas 3:5

Ema Viya tíjaraka'eipa'i ema Machanewa Viya eta máwa'asira'e'i, tímecha'e'iware eta tiáramikareana ¿Taja'apuka takayema eta maijarasira'e'i? Wá'isera etaparakaina eta esuapiraina'ini eta wanairipiana, étasera eta esuapira'i ejakapira'i eta máechejiriruwa étapa eta ekasiñawaira'i eta me Viya.

Hebreo 2:4

Énerichuware, ema Viya máimerekapa'i eta tiáramikareana, máikutiarana'i eta émaira'i wanairuka, mawaraira'i tisuapakareyare'i eta nametarapiana, énerichuware puiti ema Machanewa Viya, ema tíjaraka'avi'i eta vítukakenepachuyare apaesa vítauchayare'i eta vématanerepipachu'i víjara'i máicha.

Hebreo 4:2

Taicha víti vikametakasi'iware eta Arairu maechejiriruwa ema Viya, takuti'i eta nakametakasira'i ena. Tamapuruji'isera eta nakametakasira'i eta náuchukuirayare'ini, wá'ikenesera nasuapa'ini.

Hebreo 6:4

Taicha ena etaipa eta najachapa'i eta majaraiwa, nimatipa'i eta maitupajijiasirawa ema Viya, taicha ema mawa'akaipa ema Machanewa Viya,

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.