Gálatas 3:1 - Táurinakene máechejiriruwa’i ema Viya tikaijare

¹ ¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.

Ignaciano

¹ ¡Páurehe­cha­pucaini, eti nupara­pe­naveana gálatana! Ímija­chai­papuca étupi­cavahi eta juca ecahehi. Ínaji­ca­vanepa eta éhisi­rainihi eta yátupi­que­neanahi. Vímima­ti­cha­he­ripahi eta iúrica­ca­revahi tásiha­quenehi eta máepenirahi ema Viáquenu Jesucristo te crusu. ¿Tájaha tacayema émepu­ru­recahi eta juca iúrica­ca­re­va­ya­rehini?

Gálatas 3:1 ပူးပေါင်းရင်းမြစ်များ

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 7:26

Émasera ema tisamanu'i, tási'a wa'i naicha'ini eta nuwanairipiana'i, ena nakuti'i ena máitukara'ana tépiyarekana eta peti wa'i manakaima'i eta túmeana yukuki, wá'iware táusiapirawaka'ini máicha.

San Lucas 24:25

Taka'e ema Jesús máichawakapa: –¡Tétavikawapa tájinaira ekaikutiarakenena eti. Wá'iware ákaikutiara'ini eta náechejiriruwana'i ena profetanaini!

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 6:7

Eta nasamira'i eta máechejiriruwa ema Viya, kamurianapa ena té'ikana'i taye'e eta awasare Jerusalén. Tisimutuanaware ena tiyujarakara'iana israelítana, náunakaipa te nasamureana eta náe'isiraipa ema Viákenu.

Romanos 10:16

Wá'isera námutu'ini nasuapa'ini eta juka arairu'i vé'iru'i vímitukakene'i. Ema Isaías, ani maka'e'i: “Tata Nákenu, ¿ánimurianaichu ena tisuapana'i eta juka nímiturapiana nuwana'iana piye'e?”

Romanos 2:8

murakainapasera eta máikuñasirawakaya namutu ena masuapajiraira'ana'i énaipa ena tikatianakana'i eta yátupikeneana, tasapi'a'i náurika'i eta tamaurikeneana'i. Nawayuchaipa eta náimiyusemasira'i ema Viya.

Romanos 6:17

Nu'asulupayachasera ema Viya eta ínajisiraipa eta tapamisira'éni'i eta pekatuana. Puiti tatupiruwaipa te esamureana eta esuapira'i eta vé'iru'i ímitukasiwa'i.

1 Corintios 11:26

Taka'e te vénikaka eta pan étapa eta vésichakaka eta wasu, vémecha'i eta maepenira ema Viákenu. Tiámainukawa te mápechawaware máiteka.

1 Corintios 2:2

Taicha nuwara'a'i nímimaticha'eyare ema Jesucristo, nuwara'a'iware yátupina'ini ákaikutiara eta masiwachakene'i makatajiwaira'i ema eta máepenira'i te crusu.

2 Corintios 10:5

Eta taka'e'i eta nukaepa'aira'i eta semanereana, wa'i náwara'a'ini máimikatakawaka'ini ema Viya. Wá'isera náwara'a'ini náesenika'ini ema. Níturukayare'isera nákani murakapanereruana'i eta nasuapiraina yátupi ema Cristo,

2 Corintios 11:3

Eta néñamirawa'i eye'e, nuwara'a'i ekuija'ini iákipaikawa, ekukamitiekene'a'ini eta táuriwa'i eta é'isira'i ema Cristo. Wa'i ekukuti eta suákipaisirawa'i esu Eva, maicha ema Wínaraji.

Gálatas 1:2

Puiti nukajure'e eta eye'e eti nuchamuriana ekawasana'i taye'e eta awasareana taye'eana Tinapaika te Galacia, téchejika'eana ena apamuriana vichamuriana te juka návi'a'i.

Gálatas 1:6

Ichaperine'i eta ímipanereresiranu'i, vuicha németeaka ene áka'e'ini eti e'ika'ini eta apanakene doctrina, tasapi'apa esuapa'i eta juka, waipa émaina'ini esuapa ema Viya. Émepururekapa eta máichuira'e'i, tasapi'a émepururekapa eta máepenina'e'i ema Jesucristo eta máemunasira'e'i.

Gálatas 2:14

Taka'e, te níma'apa nuti eta naejekapirawa'i, wa'i táuri'ini eta náichakene'i, nukajachapa ema Pedro te namira'u ena vichamuriana taicha máejeki'apa eta tawanairipi'i eta yátupikeneana máechajiriruwana ema Jesús. Níchapa ema Pedro: “Piti juriyuvi'ineni, wa'isera pimikaecheracha'ini, ¿tája'a takayema puiti eta piwara'a pipamikawaka ena apawasana naicha'ini eta naye'erepiana ena juriyuana?”

Gálatas 3:3

¿Tétavikawapa eta esunsuwawaka eti te épanawapa eta é'isira'i, tájinainiripa'i íchirawaina'ini máicha ema Machanewa Viya, ema tétumecha'e'i, puítisera eti ewara'apa ínajikaya eta máwa'asira'eni'i, ímijachaipapuka eta tikuchuku'a'eyare eta éjairawana'i?

Gálatas 4:9

Puítisera, ímatipa ema yátupikene'i Viya, tási'a, éneichuware ema Viya tímati'ewakapa eti, ¿tája'a takayema ewara'awarepa echáwayare eta ekasiñayare eta nasiñarajiana, naiturereana paureana, nawara'aipaware kamusura'eanayare?

Gálatas 5:11

Nuparapenaveana, te etainaicha'a'ini nukametarairu eta enasiraya eta ikutiarana, nemeteaka ena tikatichanuana'i waipa nakupanajirikanu'ini, taka'e te nukametarairupa eta maechejiriruwa eta taye'e eta maepenira te crusu ema Viakenu Jesucristo, waipa takuimiyusemaka'ini.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

Efesios 5:15

Eta taka'e, yátupina eta ejaneasirawaina. Wa'i ekukuti ena máecharaireana. Ímerekawaya eta ítupajijiasirawa'i.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

1 Timoteo 6:4

ena nani, tikasiñawawáikana'i, tájina'ineni náitukakenena'ini, ena nani, náurika téchejikana. Nawayurewanapa'i nakapaemachapa'i taye'e eta takayemakeneana eta véchejiriruwana te vímitureka'i, tikapinarura'iana ena, tiúme'ara'iana, tíchanara'iana, tipikakarakawanapa.

Hebreo 11:8

Émapa ema Abraham, masuapa'iware eta máichuira'i ema Viya, máijarasirayare eta apana apake'e máwasayare'i. Taka'e, ema Abraham tiúchukapa te máwasaini, wá'ineni máimati'ini távi'apuka eta makaiju'eyare'i,

Hebreo 5:9

Eta tamutuirapa eta máepenira'i, téchepukawarepa, tási'a marata'apa eta makuchuku'aira'aviyare vimuti viti visuapana'i ema. Máitawakakayare'i eta vítaresiraya máicha,

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 4:17

Puiti juka sácheana viáwakure'i, táitekapaure'avi'ipa ichape eta vikatajiwairayare, viti manerejiruana ema Viya. Te tepanawa'i viye'e viti manerejiruana eta vikatajiwaira'i, ¿navetijipuka ena nasuapajiraira'ana eta maechejiriruwana ema Viya ichapeyare eta najakapirayare eta natajiwanayare naikuñayare?

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.

Apocalipsis 18:3

Taicha tamutu eta ichape awasareana, tetavikawa eta tawayuasirawaka'i eta terakare etapa eta tú'usikare, énaipa ena akenukana, te awasareana éneichu'iware naka'e'i, éneichuware, ena tíjararekara'iana eta térakare, tétavikawaipa'i eta taijarasira'i eta náima'akeneana, taichavene eta natu'usiwana.”

Apocalipsis 2:20

Jukari'isera eta juka piviurewa'i nuye'e: pisapa'i tisiapamuri'a'e esu esenatataji. Esu, wa'i táetupikawa'ini eta suye'erepiana, sukuti'i esu Jezabel eta akane. Tímijachawa'i mawanara ema Tata, suémejekapawacha'isera ena nuchanerana. Suímitukawaka'i nayujarauchawa suye'e, tási'a supamikawa nanika eta tinikakareana nayujaraureana'i te tamira'u eta nasiñarajiana, suímitukawakaware eta natu'usiwayare.