Gálatas 2:8 - Táurinakene máechejiriruwa’i ema Viya tikaijare

⁸ Émaichu'i ema Viya tiwaneka'i ema Pedro apústuleyare'i naye'e ena israelitana, taka'e nuti tiwanekanupa apústulenuyare'i naye'e ena apawasana.

Gálatas 2:8 ပူးပေါင်းရင်းမြစ်များ

Hechos 1:25

máitsiwayare ema máemitiaru'i, ema apústuleni Júlasi, táimikuñaru'i eta mapekatura.

Hechos 1:8

té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.

Hechos 15:12

Timatinanapa namutu, nasamararakaipa ema Bernabé, émapa ema Pablo. Nametamuri'apa eta máimechira'i ema Viya eta mawanesirawaka'i ena, taicha máijarakawaka'i eta náichira'i eta tiáramikareana te namira'u ena apawasana.

Hechos 19:26

Íma'aichu'i eti, esama'iware ema Pablo eta máechejiruwa'i ena nani visiñarajiana vépiyaruana viti achaneana, wá'iji yátupina'ini vénaina'ini; ichapemurianaipa ena tisuapana'i, ena achaneana tikawasana'i te juka viáwasa Éfeso, éneichu'iware ena tikawasana'i te awasarechichana táunawana eta Asia.

Hechos 21:19

Taka'e, ema Pablo máechejikawakapa ena, mametakawakapa tamutu eta máimikatasirapa'i ema Viya, eta makametarairuirapa'i naye'e ena apawasana.

Hechos 22:21

Émasera ema Viákenu tipamikanuichucha: ‘Piyanayaresera, nuti nuwanekavi pipaikayare naye'e ena apawasana tikawasana'i te tayere'ikeneana.’ ”

Hechos 4:4

Kamurianasera ena tisuapana'i táichavene'i eta nasamararasira'i eta náechejiriruwa'i ena apústuleana. Eta natupa'i ena té'ikanaipa ema Viákenu Jesucristo sinku mil ena achaneana ajairana. Kamurianaware ena esenana énapa ena amaperuana.

Hechos 8:17

Taka'e, ema Pedro émapa ema Juan nanakapa eta nawa'uana te nápusiana ena. Tasi'a, eta Machanewa ema Viya máwa'akawakaipa ena.

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

1 Corintios 15:10

Tíchu'anu'isera ema Viya, taicha eta máemunasiranusami'i apústulenu'i puiti eta maye'e, wa'isera némepururekawa'ini eta máemunasiranu'i. Jé'eware nuti, nukachurika'i ena apamuriana apústuleana, ichapemuripana'i eta nukaemataneasira'i ema, wa'isera nutijirikawa'ini eta nukaematanera'i, etasera eta máemunasiranu'i ema Viya, tímikatakanu'i, tíjarakanu'i eta nétumechirawa'i.

1 Corintios 9:2

Tayanapane wa'i nakusuapanu eta apústulenuira'i ena apamuriana, étisera esuapanuyare'i, taicha etiari'i eti nímitureana'i, étira ímereuchanu'i eta yátupira'i apústulenuira'i maye'e ema Viákenu.

Gálatas 3:5

Ema Viya tíjaraka'eipa'i ema Machanewa Viya eta máwa'asira'e'i, tímecha'e'iware eta tiáramikareana ¿Taja'apuka takayema eta maijarasira'e'i? Wá'isera etaparakaina eta esuapiraina'ini eta wanairipiana, étasera eta esuapira'i ejakapira'i eta máechejiriruwa étapa eta ekasiñawaira'i eta me Viya.

Colosenses 1:29

Eta taka'e, nupamikawa'i nuti eta nukaemataneasira'i ema Viákenu. Émakene'i tétumechanu'i eta nurata'aira'i tamutu eta nímitusira'e'i emutu eti nuchamuriana'i.

1 Tesalonicenses 2:13

Eta taka'e, vi'asulupayachaparaka ema Viya eta táuriwa'i esama eta máechejiriruwa. Eti, etupiruwa'i ejákapa eta vimetasira'e'i, taicha eta esamira'i yátupikene'i, tási'akene'i ema Viya. Wa'i vipanereruinachuchaini víti, émainapukaini mákani apana achane. Eta juka eta tiúricha'e'i eti esuapana'i.