Gálatas 2:7 - Táurinakene máechejiriruwa’i ema Viya tikaijare

⁷ Ema Pedro matupara'a'i máimitusirayare'i ena israelítana. Ema Viya máijaraka'i eta máwakure'i ema apústule'i naye'e ena israelítana, maimituka'i eta Arairu maechejiriruwa, ene nuka'e'i nuti tíjarakanu'i eta náwakure'i apústulenu'i naye'e ena apawasana.

Gálatas 2:7 ပူးပေါင်းရင်းမြစ်များ

Hechos 15:12

Timatinanapa namutu, nasamararakaipa ema Bernabé, émapa ema Pablo. Nametamuri'apa eta máimechira'i ema Viya eta mawanesirawaka'i ena, taicha máijarakawaka'i eta náichira'i eta tiáramikareana te namira'u ena apawasana.

Hechos 18:6

Natiari'isera ena masuapajiraira'ana'i, napanararachapa, tási'a tétatajiakawapa ema Pablo eta táikutiara'i eta namaimitukakarewa'i ena tási'a, máichawakapa: –Étipa ekatapirawayare, taye'e eta ekuñaraki te apana vítaresira, waipa necha nuti. Puiti nuyanainapa nímiturekaya naye'e ena apawasana.

Hechos 28:28

Ákaikutiarakenéna eti, eta mawaraira'i makuchuku'aya ena apawasanana ema Viya, tási'a ena nasapi'ayare nasamararakayare.

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 11:13

Németeaka ímatinu'i nuti eta nukatupara'airapa eta nímitusira'eyare eti apawasana. Táitusiawa puiti tétavikawa'i eta nukunachirawa'i eta nukaemataneasira'e'i.

1 Corintios 9:17

Taicha nuti, wa'i nútijiwaina'ini níjarakawa'ini maye'e ema Viákenu eta nukametarairuiraya, étapapukaini nujakapi'a'ini eta nuwachayare'i eta maye'e. Nuwanekasiwa'isera me Viya eta matuparasiranu'i eta juka némataneyare'i.

Gálatas 1:16

Tási'a, tímimatichanu'i ema Machicha, taicha mawara'a'i nukametarairuyare naye'e ena apawasana eta makuchukuirayare namutu ena tisuapana ema Machicha, wá'isera nutanuka'ini nákani náimitukanu'ini eta nukametarairuirayare, nájinaware nuyasereruina;

Gálatas 1:18

Te mapanakenepa añu, nupaenumawapa nuyana'i te Jerusalén, étapa nímatine'i ema Pedro, nunasipanapa quince sache nuka'e'i eta maye'e.

Gálatas 1:6

Ichaperine'i eta ímipanereresiranu'i, vuicha németeaka ene áka'e'ini eti e'ika'ini eta apanakene doctrina, tasapi'apa esuapa'i eta juka, waipa émaina'ini esuapa ema Viya. Émepururekapa eta máichuira'e'i, tasapi'a émepururekapa eta máepenina'e'i ema Jesucristo eta máemunasira'e'i.

Gálatas 2:11

Te táekenepa, te jena áñuana'i, títekapaucha'avipa ema Pedro te awasare Antioquía, étasera eta mávi'aira'i viye'e, téjekapawainapa, eta taka'e, nukajachapa ema.

Gálatas 2:14

Taka'e, te níma'apa nuti eta naejekapirawa'i, wa'i táuri'ini eta náichakene'i, nukajachapa ema Pedro te namira'u ena vichamuriana taicha máejeki'apa eta tawanairipi'i eta yátupikeneana máechajiriruwana ema Jesús. Níchapa ema Pedro: “Piti juriyuvi'ineni, wa'isera pimikaecheracha'ini, ¿tája'a takayema puiti eta piwara'a pipamikawaka ena apawasana naicha'ini eta naye'erepiana ena juriyuana?”

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

1 Tesalonicenses 2:4

Víti manerejiru'avi'i ema Viya taicha máecha'i eta vítauchirayare'i eta vituparakasiwayare'i maye'e, eta taka'e, tituparaka'avi'i muraka viámayare eta máechajiriruwa naye'e ena achaneana eta náuchukuiraina. Wa'i étaina viwara'a táememunaka'avi'ini naye'e ena achaneana. Vítaucha'i eta mawara'akeneana ema Viya eta vikurisamurechi'a'i ema, taicha ema, máimararaka'i eta visamureana.

1 Timoteo 1:11

Taicha nuti nutuparakasiwa'i me Viya eta nímituresiraya eta táurinakeneana'i máechejiriruwana, eta tímikaiju'echa'aviya taye'e eta táurinakene máwasa ema Viya, tétavikawa'i eta makunachakarewa'i ema.

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

2 Timoteo 1:11

Ema Viya tituparakanu'i nukametarairuyare eta juka Arairu maechejiriruwa. Ema tinakanu'i apústulenu'i, nímitukayare'i ena apawasana.

2 Pedro 3:15

Échawa yátupina eta makuchapira'av'i eta viye'e ema Viákenu, taicha mawara'a'i tikuchuku'a'aviya. Etaichu'íware taka'e'i eta máimiturapi'i ema apana viparape vémunarukene'i Pablo, táichavene'i eta máitupajijiasirawa'i máijararu'i ema Viya.