Gálatas 2:20 - Táurinakene máechejiriruwa’i ema Viya tikaijare

²⁰ Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Ignaciano

²⁰ Eta nusuapirahi eta máepenirahi ema Cristo te crusu, nujaca­pa­carehi me Viya. Puiti, vaipa nútijivaina necha eta nítare­sirahi. Émapa téchanuhi ema Cristo tamutu eta nítare­sirahi. Émapa nucasiñahi taicha yátupihi eta macasi­ña­ca­revahi taicha yátupi­quenehi Machichahi ema Viya. Eta máemuna­si­ranuhi, tímija­ra­re­cavahi níchavenehi núti.

Gálatas 2:20 ပူးပေါင်းရင်းမြစ်များ

Gálatas 5:24

Taka'e, viti vé'ikanaipa ema Jesucristo, waipa víchaima'i eta tamaurikeneana'i tajamurachakeneana'i eta viáke'e taicha tamutuipa'i vikapaka.

2 Corintios 5:15

Ema Cristo, máepenina'avi'i te crusu. Eta taka'e, tatuparaka vítsirijikawa vikaemataneaka ema. Tási'a puiti, viti machanera'avipa. Waipa vítijirikawaima'i. Émapa técha'i eta vítaresira, taicha eta machavira'i títareka.

Romanos 6:8

Véchaipa eta máechepusira'i ema Viákenu Jesucristo, tájinapa tímiapechaima'i máepena'iwaréni, taka'e puiti vitarekara'icha'a maye'e ema.

Gálatas 6:14

Nútisera, eta nítaresira'i, nuwapinawa'i ichape maicha ema Jesucristo, máepeninanu'i te crusu níchavene'i nuti. Taka'e, nuti apana nínajikaipa eta né'isiraini'i eta taye'erepiana eta apake'e, waipa nútiparakaina taye'e, taicha eta máepenira'i níchavene'i nuti.

2 Corintios 13:5

Esamawayare étijiwa, te yátupi'ipuka tiúri'i eta é'isira'i ema Viákenu Jesucristo, te yátupipuka eta máwa'asira'e'i ema. Taicha ema máwa'akawaka'i namutu ena machichanaveana yátupikeneana. Machu émepururekawa eta íjarasirawa'i é'ika ema.

Romanos 6:13

Waipa ekuisapa eta pekatu te iake'e, tímikutijirikawainapa épenakene, waipa échaima'i eta pekatu. Ítarekainapasera maye'e ema Viya, íjararekainapa eta iáke'eana maye'e.

1 Tesalonicenses 5:10

Ema Jesucristo tépena'i te crusu vítivene'i, tayanapane vitarekacha'apuka te'epukasera vepenaipapuka, etasera vitareka'ini te machakaya ema Viya.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

Romanos 8:37

Tétavikawa'i eta máetumechira'avi'i ema Jesucristo táichavene'i eta máemunasira'avi'i.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Filipenses 4:13

Nurata'a'i nukamicha tamutu, taicha ema Cristo ema tétumechanu'i.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Gálatas 3:11

Eta taka'e tikaechera'i, najina emanaina tiurima'i eta maitaresira taichavene eta maitauchira eta wanairipi. Étasera eta Ajureka ani taka'e: “Ema mákani titauchayare eta wanairipi tikasiñawayare eta maitaresira.”

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

Romanos 1:17

Taicha eta Arairu maechejiriruwa timecha'avi eta taichararakawa'i eta makatiuchira'avi'i eta vitápirawanaini: taichavene'e eta vikasiñawaira'i etachuchasera eta vikasiñawaira'i me Viya. Eta taka'e'i eta taechejiriruwa eta Takapika'ukene Ajureka: “Ema matapiraware eta makasiñawaira'i me Viya eta tikaitarekaya.”

2 Corintios 13:3

etiari'i eti épurunu'i eta mawanesiranu'i ema Cristo. Íma'ayaresera, ichape eta máimikatasiranu'i eta nétupirisira'eyare. Taicha ema, títupajijiakawa'i eta máemecharesira'eya. Tipikakare eta máikuñaraki eye'e eti.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

1 Tesalonicenses 1:10

eneichuware timetaka'aviana eta ekuchapira'i eta machaviraya ema Machicha ema Viya mási'airaya te anuma, ema maka Jesús émaichu ema makaechepukasikene'i te máekari maicha ema Maiya. Émara tikatiucha'aviyare taye'e eta ekuñaraki náikuchi'i ena masuapajiraira'ana.

San Juan 10:11

Nuti yátupikene'i eta nujaneasirawaka'i ena nuchanerana, takuti'i eta majaneasirawaka'i mákani achane eta maye'eana uvesa. Nuti níjarareka eta nítaresira eta nukatiuchirawaka'i.

San Juan 6:57

Ema Tata tiwanekanu'i, éma'i tikaitarekara'i, tási'a nuti nawa'aka'i ema, taka'e nákani tinikanayare eta neche, máitawakakayare eta náitaresira.

Apocalipsis 3:20

Nuwara'a tachawa eta vikachanerakaka'i. Waipa ekuevuisi'a eta nuye'e. Íchu'anuware. Viápechawa viwapinawa eta véchejirisirawaparakayare.

1 Pedro 1:8

Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,

San Mateo 20:28

Taicha éneichu'i maka'e'i ema Machicha ema Ajaira, wa'i étaina taímiteka'ini makaitatikasi'ini, émayare'i títati'e eti.

San Juan 15:13

Ena achaneana, te nawara'a'i náimereka eta náemunasira'i nákani náemunaruana'i, tíjararekawanapuka eta náepenira'i, ena yátupi'i náimereka eta náemunasira'i ema najiriare.

Gálatas 2:16

Tasi'asera vecha'i eta najinaira'i emanaina'ini majakapakare'ini eta tauriwaina'ini eta maitaresira taichavenena'ini eta maitauchira eta wanairipiana, je'ewaresera makaini tikasiñawa maye'e ema Viakenu Jesucristo. Eta taka'e éneichuware viti visuapa'i ema Jesucristo, apaesa ema Viakenu majakapa'avi eta viuriwaina taichavenena'i eta vikasiñawaira'i, wa'isera etaparakaina eta vitauchiraina'ini eta wanairipiana.

2 Corintios 10:3

Yátupi ekutikenenu'i achanenu'i. Wá'isera nákuti'ini ena apamuriana ajairana, náipikararekanuma eta náe'araiwana, nawaraira'i tisuapakareanayare'i.

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

2 Corintios 1:24

Wa'i nuwara'a nupamika'e eta esuapiranuina'ini nápepejika'e'ini, taicha eti muraka'eipa'i eta esuapira'i eta juka vé'iru'i. Nuwara'a'isera nimikataka'e eta tápajusirawaina eta iúrisamurewayare eti.

Hechos 9:20

Taka'e, tépanawapa tikametarairu ema Saulo te peti náurujisirarewa ena juriyuana, máechejisi'apa ema Jesús émaira'i Machicha ema Viya.

Efesios 5:25

Éti'ipa eti náimanaveana'i, tituparaka'e'i émunakawakayare ena eyenana, takuti'i eta máemunasira'avi'i ema Jesucristo viti machanerana'i, ema, tímijararekawa'i víchavene'i,

2 Corintios 5:7

Puitisera tayanapaneni wa'i vima'a ema Viya, vikasiñawasera eta maye'e ema.

San Juan 3:35

Ema vikaiyakene máemunaka'i ema Machicha. Eta taka'e, matuparaka'i eta émairayare'i téchayare tamutu.

1 Juan 4:14

Tási'a, viti vikachaneanaipa ema Jesús, vimetakawakapa'i namutu ena vímanaruanapa'i eta máukupaisiraipa te anuma, taicha viwara'a náimatiyare namutu eta mawanesira'i ema Viya máiteka ema Machicha tikatiucha'aviyare vimutu viti achaneana te juka apake'e.

Hechos 8:36

Te máechapa ema achane, mapanerekene'aine'i. Taka'e, te nakapayakapa eta únekure, maka'epa: –Júka'ri'i eta une. Nuwara'a píkachasikanu, eta puiti'ichu.

San Mateo 4:3

Emasera, ema wínaraji témeña'awapa maye'e ema Jesús, mawara'apa makaetemayare'i, ánipa máicha: –Te yatupinapuka machichavi ema Viya, piwaneka eta juka máriana táepiyakawa eta pan.

Romanos 3:22

Eta taka'e'i puiti, yátupi'i eta vijakapakarewa'i vimutu viti vikasiñawana'i maye'e ema Jesucristo. Ema Viya wa'i manerejikaima'i nákarichu'ini ena tiúriana. Wá'iware máepuruima'i ena achaneana tisipekaturana'i,

Romanos 4:25

Ema Viya Maíjarakapa ema Jesús eta maepenina'aviyare'i taichavene'e eta vipeketurana, tási'a techepukapa te maekari eta makatiuchira'aviyare'i taichavene eta viviurewana.

Romanos 5:6

Víti, tájina viviyaima'i eta vikuchukuirawaina'ini, émasera ema Cristo, te tiúri'i eta máimaira'i, tíjarakawa'i tépena víchavene'i víti máurira'ana'i.

Romanos 5:8

Émasera ema Viya, tétavikawa'i eta máemunasira'avi'i, tayanapane eta vikapekaturara'icha'anéni. Máijaraka'isera ema Machicha Jesucristo máepenina'avi'i.

Romanos 8:10

Étisera, eta máwa'asira'eipa ema Cristo, tayanapane eta iáke'e eta táepeniraya táichavene'i eta pekatu, étasera eta iáchanewa títarekayarechucha, taicha ejákapakareipa'i me Viya.

Romanos 14:7

Eta vítaresira tási'a étapa eta vépenira, wa'i vítijiriruwaina'ini, émapa técha'avi'i ema Viya.

1 Corintios 6:17

Ene Taka'e'i eta vítaresira maye'e ema Viya, eta máwa'asira'avi ema Viákenu, eta viáchanewa takachaneipa ema.

2 Corintios 5:14

Eta maemunasira'avi ema Viya tichuruka'avi eta vitaresira, taicha vecha'i eta maepenina'avi'i viti achaneana eta taka'e vimutu'iware vepena'i.

2 Corintios 11:10

Jé'esare, nájina tirata'aima'i ti'apapika eta nukunachakarewa'i taye'e eta, tájina nuyaseaka'ini eta nímitusira'e'i emutu eti ekawasana'i te Acaya, taicha yátupi'i eta nímatiekene'aira'i tamutu, eta yátupikeneana'i máimiturapiana ema Cristo.

Filipenses 1:21

Taicha, eta nítaresira'i puiti, ema técha'i ema Cristo, te népenapuka, tiápajukawainapa eta núrikakarewaya.

Hebreo 8:3

Namutu ena tiyujarakara'iana, tatuparaka'i náimerekayare eta námawa'uana étapa eta nanakiruwana, ene maka'e'i ema Jesucristo, tatuparaka'i máimerekaya eta mámawa'uyare'i, tiúripana'isera eta.