Gálatas 2:2 - Táurinakene máechejiriruwa’i ema Viya tikaijare

² Taicha numetakasiwa'i me Viya te nuwapure eta nuyanirayare'i taye'e eta Jerusalén. Ánaki etapa numetasi'a'i ena tachutiri'ana'i eta nukametarairuira eta maechejiriruwa ema Viya naye'e ena apawasana. Apaesa naecha yatupina eta nematane'i nuti

Ignaciano

² Taicha numeta­ca­sivahi me Viya te nuvapure eta nuyani­ra­yarehi tayehe eta Jerusalén, véchaji­ca­cayare nayehe ena tachuti­ri­hanahi. Eta níteca­pirapa, viúruji­cavapa, énachu­chasera vicachanehi ena tachuti­ri­hanahi. Tásiha numeta­ca­vacapa eta nímitu­ra­pianahi eyehe eti apava­sanana étapa eta esuapirahi. Taicha nuvarahahi ena vichamuriana israelítana najaca­pa­hehini eti apava­sanana vichamu­ria­na­ripahi.

Gálatas 2:2 ပူးပေါင်းရင်းမြစ်များ

San Mateo 10:16

“¡Íma'a! Nuwaneka'e'i, ekuti'i eta uvesana te tamuri eta sárare táiñe'ikene ichini. Échemara'iyaresera ekatiuchirawayare ákuti eta kichare, tasi'asera ekutiyare eta paluma eta tamansuwa'i.

Hechos 15:12

Timatinanapa namutu, nasamararakaipa ema Bernabé, émapa ema Pablo. Nametamuri'apa eta máimechira'i ema Viya eta mawanesirawaka'i ena, taicha máijarakawaka'i eta náichira'i eta tiáramikareana te namira'u ena apawasana.

Hechos 15:2

Ema Pablo, émapa ema Bernabé tiakapaemachakakanapa muraka naye'e ena tipamikana'i ena apawasana, taka'e nawanekapa ema Pablo emapa ema Bernabé, natiari'iware ena apamuriana nanerejiruana'i tiyananayare'i eta te Jerusalén naechapanayare'i eta juka naye'e ena apústuleana, enapa ena tachutiri'ana techana'i eta templo te awasare.

Hechos 15:4

Te titekapanapa te Jerusalén ema Pablo émapa ema Bernabé, ena apústuleana énapa ena náiyara'ana'i, nakurujikapa ena nachamuriana eta najakapiraya ena araitekapiana'i. Taka'e, ena nametakapa eta máimikatasirawakapa'i ema Viya eta napaisirapa'i ena.

Hechos 18:9

Jena yati, ema Pablo kaimairurujipa, máechejikapa ema Viya, ánipa maicha'i: “Wa'i pikupika, pímiyanawachucha pikametarairu wa'i pikumatina.

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 5:34

Matiari'i'isera te nataraku ema achane tikaijare Gamaliel, ema escriwánu'i fariseo, ema maka achane tikapika'u'i naye'e namutu ena achaneana. Taka'e, titupi'apa te namira'u. Makawanairipipa náuchukacha'a ánipina ena apústuleana.

Romanos 9:16

Taka'e, wa'i wámutu wákutikaka eta majapanuira'avi ema Viya máichuira'aviyare'i, ema técha'i eta manerejisirawaka'i nákani majapanukeneana máichu'akeneanayare, wa'i étaina'ini eta náimijachirawa'i tíchu'akareana taicha eta náuriwa'iji, napamisira'ipuka naicha eta táurikeneana.

1 Corintios 1:23

Eta taka'e, wa'i tasuapakare'ini naye'e eta vimetasira'i eta viúchukuirayare táichavene eta máepenira'i te crusu ema Cristo. Ena israelitana titsiri'ana'i eta juka, tási'a náepuru náe'ika ema. Ena apamuriana apawasana náimijachaichucha súnsurupiana eta juka;

1 Corintios 2:2

Taicha nuwara'a'i nímimaticha'eyare ema Jesucristo, nuwara'a'iware yátupina'ini ákaikutiara eta masiwachakene'i makatajiwaira'i ema eta máepenira'i te crusu.

1 Corintios 9:24

Échaichu'i eti, ena tijunapanaya kamuriana, tasi'asera wa'i namutu'ini naita'areka'ini emanaichu ema tita'arekaya tijachapaya eta máikuchi. Ene eka'eyare eti apanaware ejunapayare apaesa ejachapa eta ikuchi'i.

1 Corintios 9:26

Nútiipa eta nukaemataneasira'i ema Viákenu, ichape eta nupamisirawa'i, taicha eta nímatira'i eta mawara'akene. Wa'i némepururekawaima'i.

2 Corintios 12:1

Yátupi tájina nuve'aima'i eta nútijiwaira'i nukunachawa. Numetaka'eyesera eta nímaira'i te nuwapure máechejisiranu'i ema Viákenu.

Gálatas 1:12

Wá'isera nímitukasiwaina'i maye'e mákani apana achane nukutikene'i apústule, émakene'i tímitukanu'i ema Jesucristo.

Gálatas 1:16

Tási'a, tímimatichanu'i ema Machicha, taicha mawara'a'i nukametarairuyare naye'e ena apawasana eta makuchukuirayare namutu ena tisuapana ema Machicha, wá'isera nutanuka'ini nákani náimitukanu'ini eta nukametarairuirayare, nájinaware nuyasereruina;

Gálatas 1:6

Ichaperine'i eta ímipanereresiranu'i, vuicha németeaka ene áka'e'ini eti e'ika'ini eta apanakene doctrina, tasapi'apa esuapa'i eta juka, waipa émaina'ini esuapa ema Viya. Émepururekapa eta máichuira'e'i, tasapi'a émepururekapa eta máepenina'e'i ema Jesucristo eta máemunasira'e'i.

Gálatas 2:6

Taka'e, énaipa ena apamuriana náiyara'ana ena tikutinuana'i eta nupanereru'i, (nutisera wa'i nesacha necha eta naichararakawa'i, taicha ema Viya wa'i maima'a'ini eta vima'iana).

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

Gálatas 5:7

Eti, iúrinipa'i eta é'isira'i ema Jesús. ¿Tája'aserapuka takayema'i eta ewaraira'i ekainajiruwa Ísapawayarepa tiyuruka'eana, tíminajika'eanayarepaini eta yátupikeneana'i?

Filipenses 2:16

Ímitukawaka'ini eta máechajiriruwa ema Viya, eta íchu'airawakaware náe'ikaware, apaesa náuchuku'a'ini taye'e eta apana náitaresira, taka'e, te máiteka machawa ema Viákenu Jesucristo, eta máimaira'eyare'i eta juka táurikeneana íchakeneana'i, tétavikawainapa eta nukunachirawaya nuti íchavene'i eti eta táuriwa'i eta nímitusira'e'i, wa'i támapuruji'ini eta nukaemataneasira'e'i.

Filipenses 2:29

Táurisera eta ejakapiraina ema te esamureana, taicha yátupi'i echamuri'i ema eta é'isira'i ema Viákenu.

1 Tesalonicenses 3:5

Eta taka'e, tétavikawa'i eta néñamirawa'i nuti eta eye'e, waipa núrisamure'ini íchavene'i eti, taka'e, nuwanekapa ema Timoteo máima'apaná'e te enasirichu'ipuka eta é'isira'i ema Jesús, taicha nímikauyaya'e'i mákipaika'e'ini ema wínaraji, támapuruji'ini eta vikaemataneasiráipa ema Viya.

2 Timoteo 4:7

Nítawawarerupa eta nukanaraira'i eta tamaurikeneana. Wa'i nuvitaekene'a'ini. Nítaucha'i eta nutuparakasiwa'i maye'e ema Viákenu. Núnaka'i muraka eta nusuapira'i ema Jesús.

Hebreo 12:1

Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.