Gálatas 1:10 - Táurinakene máechejiriruwa’i ema Viya tikaijare

¹⁰ Nuti wa'i nutanuka eta nasuapiranuina ena achaneana, eta nutanuka'i eta nasuapiraina ema Viya. Wa'i nutanuka eta nuriwaina te namira'u ena achaneana. ¡Étasera nuti nutanuka'i eta nuriwaina naye'e te namira'u naye'e ena achaneana, wáipasera mawanaranuima'i ema Cristo!

Ignaciano

¹⁰ Narari­hipuca ena témetea­ca­nuanahi nuhapa­picahi eta máechaji­ri­ruvahi ema Viya, étaina­hi­pucaini níturu­si­hahini ena achaneana, némemu­na­si­ra­vai­nahini nayehe. ¡Tájinasera vahi nuhapa­pi­cahini núti! Nutupi­ruvahi eta nímitu­re­sirahi taicha nuvarahahi nucuri­sa­mu­rechaya ema Viya, nímere­ca­va­yarehi eta núriva eta mavana­ra­nuirahi ema Jesucristo.

Gálatas 1:10 ပူးပေါင်းရင်းမြစ်များ

San Mateo 22:16

Taka'e, nawanekapa ena pulítikuana'i, énapa ena machamuriana'i ema Aluresi. Te náitekapauchapa, ánipa naka'e: –Tata maestro, vímati'i eta tatupiruwaira'i eta pímiturapiana'i, tási'a piti pimitukawaka'i eta táurinakene achene tikaiju'e me Viya. Wa'i pipikakarakawa'ini eta péchejisi'aira'i eta náichawakenewa'i nákani achaneana, wa'iware pesacha'ini pisama'ini eta nakayemakeneana.

San Mateo 28:14

Émaipa ema akenuka te máechapuka, víma'ainepa víti. Vitanukayare eta viwayuarasirayare, apaesa takuija eviurewaina eti.

San Mateo 6:24

“Najina emanaina táurika'ini apinanaina'ini ena viákenuana, taicha vémunakapanayare'i ema émana, tási'a ema apana apaesaineya eta vémunasiraya, wáipainapa tisuapakarema'i ema émana. Ene taka'e'i eta juka víma'akeneana, wa'i vikuisapa ta'apasamurecha'avi eta platakare, machu ta'apapika eta vémunasira'i ema Viya.

Hechos 12:20

Ema Herodes tisema'i naye'e ena achaneana tikawasana te Tiro étapa te Sidón. Énasera náimiwanerekapa maye'e ema Herodes. Tiyaseserekanapa eta náuriwaina maye'e ema, taicha eta náwasana'i, táitekapaucha'i eta tinikakare, tiási'a'i eta te máwasa ema rey. Taka'e, nakasiñapa ema Blasto, ema majupa'a ema rey, máechejiuchawakaya eta náuriwaina.

Hechos 5:29

Taka'e, ema Pedro énapa ena apamuriana apústuleana najikapapa, ánipa naicha: –Tatúparaka matiwayare visuapa ema Viya, ema tisuapakarepana eye'e eti.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 2:29

Nákanisera yátupikene'i eta nasuapajiraiwa, jé'eware ena juriyuana wa'i tákamesaima'i nanaka eta naikutiarana te náke'eana, taicha ena yátupikene'i nama te nasamureana: Wa'i étaparakina eta naitauchiraya eta naye'erepiana, taicha eta juka tiasi'a me Viya, wa'i napanereruina ena achaneana.

Romanos 2:8

murakainapasera eta máikuñasirawakaya namutu ena masuapajiraira'ana'i énaipa ena tikatianakana'i eta yátupikeneana, tasapi'a'i náurika'i eta tamaurikeneana'i. Nawayuchaipa eta náimiyusemasira'i ema Viya.

1 Corintios 10:33

Nuti, ichapemuri'i eta nuwaraira'i nukurisamurechawaka namutu. Wa'i nákarichu'ini nuti nutanuka'ini eta núrichirawayare. Éneichuware nutanuka'i eta núrichirawakaya ena apamuriana, taicha nuwara'a'i tauri eta, náuchukuiraina ena apanaware.

2 Corintios 12:19

Eti ímijachaipapuka nutanuka'i eta nukatiuchirawayare'i eta eye'e. Wá'isera táka'e'ini. Wa'i táka'e'ini, taicha nuti nutupiruwa'i eta néchejisira'e'i te mamira'u ema Viya étapa te máijare ema Cristo, nuwaraira'i tajuruka'ini eta táuriwaina eta iáchanewana, eti némunarukeneana'i nuchamuriana.

Efesios 6:6

Ewapinawayare'i te esamureana eta ekaematanera, wa'i takukarichu te natiari'i ena iákenuana'i te emira'u, ewarairainachucha eta nakunacha'e, wa'i ekuyakujiriri'a eta ekaemataneraina taicha eti machanera'e'i ema Viakenu Jesucristo, ímiyanawayare eta ichira eta mawanairipiana ema Viya.

Filipenses 1:1

Nuti Pablo émapa ema Timoteo, mawanara'avi'i ema Viákenu Jesucristo, vímiamareka puiti eta juka viajure eye'e emutu eti vichamuriana'i, ekawasana'i te Filipos, énaipa ena najupa'ana. Taicha eti machanerana'i ema Viya, eti itati'i ema Jesucristo.

Colosenses 3:22

Éti'ipa eti ekakenurekana'i, esuapajira'iyare naye'e ena iákenuana'i, ítauchayare eta nawanairipiana'i, tátupiruwa te esamureana eta ekaematanerana, wa'i tákarichuima'i ítaura'iyare te natiari'i te echakaya ena iákenuana'i, te nájina'ipuka, takutiyareichu eta ekaematanerayare, taicha ema Viya tímararaka'e'i, ema epikauchayare'i.

1 Tesalonicenses 2:4

Víti manerejiru'avi'i ema Viya taicha máecha'i eta vítauchirayare'i eta vituparakasiwayare'i maye'e, eta taka'e, tituparaka'avi'i muraka viámayare eta máechajiriruwa naye'e ena achaneana eta náuchukuiraina. Wa'i étaina viwara'a táememunaka'avi'ini naye'e ena achaneana. Vítaucha'i eta mawara'akeneana ema Viya eta vikurisamurechi'a'i ema, taicha ema, máimararaka'i eta visamureana.

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.

1 Juan 3:9

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.