Gálatas 1:1 - Táurinakene máechejiriruwa’i ema Viya tikaijare

¹ Nuti Pablo, yátupikenenu'i maye'enu apústule ema Jesucristo taicha manerejirunu'i, ema Tata Vikaiyakene tikuti'i eta mapanereru'i ema Machicha eta máichuiranu'i, puíticha émakene'i ema Jesucristo tinakanu'i, émaparakichu'i ema Tata Viya tikaechepuka'i te maekari ema Jesús.

Ignaciano

¹ Nuti Pablo, yátupi­que­nenuhi mayehenu apóstole ema Jesucristo taicha manere­ji­runuhi. Ema Tata Vicaiyaquene ticutihi eta mapane­reruhi ema Machicha eta máichuiranuhi. Puíticha émaquenehi ema Jesucristo tinacanuhi eta juca návacurehi apóstole, émarichuhi ema macáeche­pu­ca­si­quénehi te máecari. Vahi apanai­nahini achane ema tinacanuhi, énaina­hi­pucaini ena nucuti­que­neanahi apóstoleana nanaca­nuhini eta juca návacurehi.

Gálatas 1:1 ပူးပေါင်းရင်းမြစ်များ

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

Hechos 22:10

Taka'e, nuyaserekapa núti: ‘¿Tája'asika níchayare, Tata?’ Tási'a, ema Tata máichanupa: ‘Péchepuka, piyana pítekapa te Damasco. Ánaki timetakaviyare eta pématanerepiyare.’

Hechos 3:15

Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.

Hechos 9:6

Péchepuka, piyana pítekapa te jena awasare; ánaki marari'i ema timetakaviyare eta pítauchakeneyare nuye'e.”

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 10:9

Te'esera te numetaurekawa te nujaka eta nimatira'i eta émaira'i ema Tata Jesús tási'a nusuapayare'i yatupi te nusamure eta emaira'i yatupi ema Viya tikatiuchanu'i eta nikuñayare'ini, je'ewaresera puiti nujakapainapa eta makatiurapi.

Romanos 14:9

Eta taka'e máepenina'avi'i ema Cristo, tási'a tiapechawawarepa títareka'i, apaesa émainapa Viákenuya viti vítareruanaicha'a, tási'a énapa ena náepenakeneanaipa.

1 Corintios 1:1

Nuti Pablo, maye'enu'i apústule ema Jesucristo, níchuarekasiwaichu'i maye'e, manerejirunuichu'i ema Tata Vikaiyakene, mawaraira'i nímitukaya eta náechejiriruwana ema. Puiti nukajure'e nuti émapa ema vichamuri Sóstenes,

2 Corintios 1:1

Nuti Pablo, maye'enu'i apústule ema Jesucristo, manerejirunuichu'i ema Tata Vikaiyakene, mawaraira'i nímitukaya ena achaneana eta máechejiriruwana ema, puiti juka najure, nápechawa nukajure'e nuti, émapa ema viparape Timoteo, véchejika'e'i emutu eti machanerana'i ema Viya ekawasana'i taye'e eta awasare Corinto, énapa namutu ena vichamuriana'i machanerana'iware ema Viya tikawasana'i te awasareana taye'e eta tinapaika Acaya.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Gálatas 1:17

wá'isera nuyana'ini te Jerusalén nutanupana'ipukaini ena náinapureana'i apústuleana eta nuye'e nuti. Té'echucha apake'e Arabia nukaiju'e'i, tási'a nuchawawarepa te Damasco.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

2 Timoteo 1:1

Nuti Pablo maye'enu apústule ema Jesucristo, ema Viya tiwanekanu'i eta nukametarairuirayare eta máechejiriruwa, taicha makaechejiriruwa'i eta máijarasira'aviya vikuchi'i víti eta vítaresiraya táichavene'i eta máwa'asira'avi'i ema Machicha Jesucristo,

Tito 1:3

Puitisera titekapa eta maikutiara'i eta maimechira'avuyare eta maechejiriruwa taye eta nametarairu eta matupararunu'i eta majapanuiranu'i eta mawanairipi ema Viya yatupikene tikatiura'ikene viye'e viti.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.

Apocalipsis 1:18

taka'e nutiari'i nitareka'i, taicha nuchawa'i nítareka te táekenepa eta nakapasiranu'i. Puitisera nuchawapa nechepuka máichekuarakirenapa eta nítaresira. Núti'ichuware necha'i eta tasiaparaku'i eta mawasa ema Tata, enapa ena naepenakeneana. Nukaechepukayare eta náke'eana ena náepenakeneana nákani níchu'akeneanayare.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 2:8

“Pikajureware eta juka numetarapiana'i naye'e ena pichamuriana tikawasana'i te awasare Esmirna: ‘Nuti nunakucha'i eta táepanirawa'i, núti'ichuware nécha'i eta táitavirayare tamutu. Nuti nakaparu'i, nuchawa'isera nítareka: