Filipenses 2:3 - Táurinakene máechejiriruwa’i ema Viya tikaijare

³ Eti eta ítaresiraina, takuija eta ekasiñawawaisiraina, wá'iware ekuimijuki'a eta ewara'akeneana, nuwara'asera ímereka'ini eta emansuwaina naye'e ena echamuriana; éna'i émunarukeneana'i, ima'a ena apamuriana tiuripanana eta eye'e eti.

Ignaciano

^3-4 Éti eta ítare­siraina, tacuija eta ecasi­ña­va­vai­siraina, váhivare ecuimi­juquiha eta evara­ha­queneana. Nuvara­hasera ímere­cahini eta emansuvaina nayehe ena echamuriana; énahi émuna­ru­que­neanahi. Nativaina ímica­ta­cavaca éna, táetaviu­chi­ra­vai­nahini eta náurica­careva ícha. Vahi ecuítá­tijiva.

Filipenses 2:3 ပူးပေါင်းရင်းမြစ်များ

San Lucas 18:14

Tiuri, nutupiru numetaka'e: Ema maka achane, eta machaviraipa'i te mapena, tijakapakaréine'i me Viya taicha yátupi'i eta máeñauchirawa'i. Émasera ema fariseo wa'i majakapakare'ini. Taicha nákani tikasiñawawaikana'i, tímijachawana'i tikunachakare'i, ena tépurukareanayare'i me Viya. Nákanisera ena tiyaseakana'i ema Viya eta májapanuirawakaina, yátupi'i tijakapakareanayare'i maye'e.

Romanos 12:10

Tiápajukawainapa eta émunajirisirakakaina eta echamurikakaira'i. Yátupina eta epikauchirakaka'i.

Romanos 13:13

Ímikapikauchawayare eta ítaresirana. Iúrisiyare tamutu sacheana. Wa'i ekawa'aima'i. Wá'iware ímisiapawaima'i naye'e ena tikapiestarana'i. Wá'iware tú'usi'ema'i. Wa'i tiwayuaka'éma'i eta tájiparakana. Waipa iúme'arerekaima'i, wá'iware ekapinarura'ima'i.

Romanos 2:8

murakainapasera eta máikuñasirawakaya namutu ena masuapajiraira'ana'i énaipa ena tikatianakana'i eta yátupikeneana, tasapi'a'i náurika'i eta tamaurikeneana'i. Nawayuchaipa eta náimiyusemasira'i ema Viya.

1 Corintios 15:9

Ichapemuri'inéni eta némepuruirawa'i nuti naye'e ena apamuriana apústuleana, wá'iware táurika'ini apústulenuina'ini eta nímairawa'i, taicha ichapemuri'i eta nupanajirisirawaka'i ena náinapureana'i machanerana'i ema Viya.

1 Corintios 3:3

Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

2 Corintios 12:20

Nuti, te níteka eta ara eye'e, nupika'i wa'i núrikaima'i áka'ema'i'ini eta nuchimapira'eya, e'ajirikaka, ekapinarukaka, esemajirikaka, íputsimuriákaka, épiyekenerejirikaka, iúme'ajirikaka, ekasiñawawairika, wá'ipuka takuakejirikaka'i eta epanereruana.

Gálatas 5:15

Wa'i táurika ekatichajirikaka'ini, wá'isera táurika ekatianajirikaka'ini, machu étijiwaina ekamitiekene'akaka.

Gálatas 5:26

Waipa táurika'ini ekasiñawawaika'ini ekapinarujirikaka'ipukaini, wá'isera etanukaima'i eta semanere maye'e mákani echamuri.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Efesios 5:21

Emutu eti, etijikaka esuapakaka táichavene'i eta epikauchira'i ema Viya.

Filipenses 2:14

Te tatiari'inapuka jákani íchakeneanayare, wa'i ekuewataemachawaka, wá'iware ekuakapauchawa,

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

Colosenses 3:8

Puítisera ínajika tamutu eta júkana: esemarajiwana, ekatianaraiwana, ewínarajiwana, iúme'araiwana, étapa eta táiñema'ikeneana eta échejiriruwana.

1 Timoteo 6:4

ena nani, tikasiñawawáikana'i, tájina'ineni náitukakenena'ini, ena nani, náurika téchejikana. Nawayurewanapa'i nakapaemachapa'i taye'e eta takayemakeneana eta véchejiriruwana te vímitureka'i, tikapinarura'iana ena, tiúme'ara'iana, tíchanara'iana, tipikakarakawanapa.

1 Pedro 3:8

Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.

1 Pedro 5:5

Eti apanaware, eti amaperuana esuapayare eta nawanesira'eana ena víyara'ana. Emutuyare esuapakaka, mánsu'ena'i. Taicha: “Ema Viya wa'i majapanuima'i ena tikasiñawawairikana, tétavikawasera eta majapanuirawakaya ena mánsupanereruana'i.”