Efesios 6:6 - Táurinakene máechejiriruwa’i ema Viya tikaijare

⁶ Ewapinawayare'i te esamureana eta ekaematanera, wa'i takukarichu te natiari'i ena iákenuana'i te emira'u, ewarairainachucha eta nakunacha'e, wa'i ekuyakujiriri'a eta ekaemataneraina taicha eti machanera'e'i ema Viakenu Jesucristo, ímiyanawayare eta ichira eta mawanairipiana ema Viya.

Ignaciano

^6-7 Evapi­na­va­yarehi te esamureana eta ecaema­tanera, vahi tacucarichu te natiarihi ena iáquenuanahi te emirahu. Vahi ecuya­cu­ji­ririha. Evapi­na­va­ya­resera eta ecaema­ta­nea­sirahi éna, taicha émari­chuvare ema Viáquenu ema ecaema­ta­nearuhi. Ímere­ca­vayare eta yátupirahi mavana­rahehi éma. Tacahe­yarehi eta ítauchi­rayare eta mavara­ha­queneana ema Viya.

Efesios 6:6 ပူးပေါင်းရင်းမြစ်များ

San Mateo 12:50

Taicha namutu nákani tikaemataneakana'i ema Tata tiávi'a'i te anuma, éna'i ena nuparapenaveana, esupa esu meme némunaruana'i.

San Mateo 7:21

“Wa'i namutuima'i ena tichanuana'i: ‘Tata, Tata’, tisiapanaima'i te nawasa ema Viya akenuka te anuma, nakarichuya ena yatupikeneana'i naitaucha'i eta mawara'akeneana ema Tata Nukaiyakene tikawasa te anuma.

Marcos 3:35

Taicha namutu nákani naicha eta mawanairipi ema Tata, ema nuparape esu nuparape, esu meme'i.

Romanos 6:17

Nu'asulupayachasera ema Viya eta ínajisiraipa eta tapamisira'éni'i eta pekatuana. Puiti tatupiruwaipa te esamureana eta esuapira'i eta vé'iru'i ímitukasiwa'i.

1 Corintios 7:22

Taicha mákani achane músu'i eta máitaresira, tayanapaneine matiari'ina'i ema mákenuina'i, té'esera te maichu'apa ema Viya, waipa musuina'ini, mákanisera achane nájina mákenuina'ini eta máitaresira, puiti ema mawanaranaipa'i ema Jesucristo.

Gálatas 1:10

Nuti wa'i nutanuka eta nasuapiranuina ena achaneana, eta nutanuka'i eta nasuapiraina ema Viya. Wa'i nutanuka eta nuriwaina te namira'u ena achaneana. ¡Étasera nuti nutanuka'i eta nuriwaina naye'e te namira'u naye'e ena achaneana, wáipasera mawanaranuima'i ema Cristo!

Efesios 5:17

Takuija eta esunsuwanaina. Epanerechayare, apaesa ákaikutiara yátupi eta mawara'akene'i ema Viákenu.

Filipenses 2:12

Nuti nukunacha'e'i, eti nuparapenaveana némunarukeneana'i, taicha tétavikawa'i eta esuapiranu'i te nutiari'icha'a te echakaya. Puítisera nuwara'a tápajukawa'ini eta esuapiranuyare, puiti eta nuyere'ira'e'i;

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

Colosenses 4:12

Téchejika'eware ema Epafras, ema maka yátupikene'i mawanara ema Jesucristo. Tétavikawa'i eta máecharairisira'e'i eti te mayujarasirana, mawaraira'i ímiyanawa'ini étumechawa yátupina'ini ítaucha'ini eta mawara'akeneana ema Viya.

1 Tesalonicenses 2:4

Víti manerejiru'avi'i ema Viya taicha máecha'i eta vítauchirayare'i eta vituparakasiwayare'i maye'e, eta taka'e, tituparaka'avi'i muraka viámayare eta máechajiriruwa naye'e ena achaneana eta náuchukuiraina. Wa'i étaina viwara'a táememunaka'avi'ini naye'e ena achaneana. Vítaucha'i eta mawara'akeneana ema Viya eta vikurisamurechi'a'i ema, taicha ema, máimararaka'i eta visamureana.

1 Tesalonicenses 4:3

Taicha eta juka mawara'akene'i ema Viya, tiápajukawayare eta iáwa'asira'i ema, waipa ekukicha eta pekatuana, nakuijapa nakuve'a súkani apana esena, ésuipa esu esena, wa'i sukuve'a ema apana achane, takuija eta natu'usiwaina

Hebreo 10:36

Akamichawa'isera eti. Ímiyanawa ítaucha eta mawara'akene'i ema Viya, tási'a yátupinapa ejákapainapa eta íkuchi eta maye'e.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

1 Pedro 2:15

Taicha ema Viya, mawara'a'i íchayare eta táurikeneana, apaesa ekamatinakaya ena máecheraireana nákani téchejikana'i eta eye'e.

1 Pedro 4:2

eta taka'e eti, táichavene'i eta iúrujiasira'i ema Cristo, tímikutijirikawaipa épenaipa'ini, ínajikaipaware eta pekatu. Puiti, tatuparaka'i ekaemataneakayare ema Viya. Waipa tiwayuaka'ema'i eta tajamuraraiwa eta iáke'e.

1 Juan 2:17

Numetaka'e puiti, títawainapaipa tamutu eta apake'e, énerichuware títawainapaipa tamutu eta najamurachakeneana ena achaneana. Vítisera, te visuapa eta mawara'akene ema Viya, máichekuarakirenapa eta vítaresira.