Efesios 6:18 - Táurinakene máechejiriruwa’i ema Viya tikaijare

¹⁸ Eyujaraka, eyaseakaya ema Viya máijaraka'e eta etumewaina. Eta eyujarasirana, takuija ta'apapirika'e eta máimitusira'e'i ema Machanewa Viya. Wa'i ekuyakuji eta eyaseuchirawaka namutu ena vichamuriana, majaneakawaka'ini ema Viya.

Ignaciano

¹⁸ Te eyujaraca, eyaseacaya ema Viya máijaracahe eta etumevaina. Eta eyuja­ra­sirana, tacuija tahapa­pi­ricahe eta máimitu­si­rahehi ema Espíritu Santo. Vahi ecuyacuji eta eyaseu­chi­ravaca namutu ena vichamuriana, majanea­ca­va­cahini ema Viya, táurivaina eta náehisirahi.

Efesios 6:18 ပူးပေါင်းရင်းမြစ်များ

San Mateo 17:21

Étasera eta juka takuchusirawa ema éreana ema tiáwa'aka'i ema maka amaperu. Eta vikuchusira, tawara'a tatiwa víjimayare étapa eta viyujaraka.

San Mateo 26:41

Éjamiuchawa, eyujarauchawa apaesa eyaseaka ema Viya eta etumewaina wa'i makuituruka'e ema Wínaraji. Yátupi'ineni eta iáchanewana tarata'a'i tikaratakawa, étasera eta eche, wa'i tarata'aima'i tikaratakawa.

Marcos 13:33

“Eta taka'e, ekuneuchawa etsekawa'i eti, eyujarauchawayare. Taicha wa'i echa taja'apuka jákani sácheyare eta nuchavirayare núti Manerejirunu'i ema Viya.

Marcos 14:38

Éjamiuchawa, eyujarauchawa apaesa eyaseaka ema Viya eta etumewaina wa'i makuituruka'e ema Wínaraji. Yátupi'ineni eta iáchanewana tarata'a'i tikaratakawa, étasera eta eche, wa'i tarata'aima'i tikaratakawa.

San Lucas 21:36

Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”

San Lucas 22:46

Máichawakapa: –¿Tája'a takayema ímakaichucha eti? Échepuka, eyujarauchawa apaesa, eyaseaka ema Viya eta etúmewaina.

San Lucas 3:26

ema máiyaini'iware ema Nagai, ema Máhat, ema máiyaini'iware ema Máhat, ema Matatías, ema máiyaini'iware ema Matatías, ema Semeí, ema máiyaini'iware ema Semeí, ema Josec, ema máiyaini'iware ema Josec, ema Joiadá,

San Lucas 3:37

ema máiyaini'iware ema Lamec, ema Matusalén, ema máiyaini'iware ema Matusalén, ema Enoc, ema máiyaini'iware ema Enoc, ema Jared, ema máiyaini'iware ema Jared, ema Mahalaleel, ema máiyaini'iware ema Mahalaleel, ema Cainán,

Hechos 1:14

Namutu ena maparapenaveana ema Jesús, ésupa esu maena María, énapa ena apamuriana esenana tiurujikawana'i tamutu sacheana eta nayujarasira'i.

Hechos 10:2

Ema maka achane mapikaucha'i ema Viya. Máimitukawaka'i namutu ena machichanaveana. Éneichuware máimikatakawaka'i ena israelítana páurekeneana, tamutu'i sacheana tiyujaraka'i maye'e ema Viya.

Hechos 12:5

Taka'e, ema Pedro, muraka'i eta najaneasira'i te makaerataiya'i. Énasera ena machamuriana tiyujarakana'i me Viya. Nayaseaka'i ichape eta nasamakarewaina máuchukuiraina ema.

Hechos 6:4

Víti vímiyanawayare viyujaraka, tási'a vímiturekayarewa eta máechejiriruwa ema Viya.

Romanos 12:12

Iúrisamurereakawa eta ejakapiraya eta ekuchapakene'i. Ekamichawaya taye'e eta ekatajiwairana. Wa'i takuechuki'a eta eyujarasirana.

Romanos 8:15

Taicha eti wa'i ejachapa'ini eta Machanewa, eta kamusurakare eta tiama'e'i eta episirayare'i, eta ekaye'ekene'i émaipa ema Machanewa Viya timetaka'avipa eta machichaira'avipa ema Viya. Taka'e ema Machanewa Viya émapa timitupirucha'avi'i te mamira'u ema Viya, taka'e vimijarecha'i “¡Tata nukaiyakene!”

Gálatas 4:6

Puiti, eta machichaira'eripa ema Viya, tíjaraka'eipa ema Machanewa Viya tiáwa'aka'eripa te esamureana. Émapa témecha'e'i maye'e ema Viya, tímituka'epa eta eyujarauchirawaya: “¡Tátachicha! ¡Vikaiyakene!”

Efesios 1:16

Tamutu'i sacheana nuyaseucha'e'i nu'asulupayacha'i ema Viya eta ekasiñawaira'i me Viya.

Efesios 2:22

Ema Machanewa Viya tetavikawa'i eta maitupajijiasirawa'i ti'etamuricha'avi'i, je'ewarenapa machanera'avinapa.

Efesios 3:18

Eta taka'e namutu ena machanerana ema Viya, narata'ainapa nakaikutiara ena eta maemunaraiwa ema viákenu Jesucristo etapa eta taichapewa eta maemunasira'avi ema Viákenu Jesucristo.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 6:19

Éneichuware, te eyujarasirana, eyaseuchanu'ini me Viya, apaesa máijarakanu'ini ema eta nuwapinairawa, takuijaware ta'apapirikanu eta néchejisirayare ena achaneana. Nuwara'a tasuapakare'ini naye'e eta najakapakarewa'i maye'e ema Viya.

Filipenses 1:4

te nuyujarasirana, tétavikawa'i núrisamurewa eta nuyaseuchira'e'i emutu eti,

Filipenses 4:6

Wa'i ekueñamawa, te tatiari'inapapuka eta íchawa, ekasiñawasera eta eyaseasira ema Viya te eyujarasirana. E'asulupayachaware taye'e jákani máijararu'eana'i.

Colosenses 1:3

Vi'asulupayachaparaka'i ema Viya Makaiyakene ema Viákenu Jesucristo. Tamutu sacheana te viyujarasirana, viyaseucha'e'i.

Colosenses 1:4

Puíti'i títametaka'aviana'i eta íchararakawa'i, eta é'isiraipa ema Jesucristo, étapa eta émunasirakakaira'i emutu eti, émunasira'iware ena iúmuriwana'i te apana awasareana, machanerana'iware ema Viya,

Colosenses 4:2

Puiti emutu eti, étumechawachucha eta eyujarasira'i. Éneichuware e'asulupayachaparakayare tamutu me Viya.

1 Tesalonicenses 5:17

Wa'i ekukainajiruwa eta eyujarasirana tamutu sacheana maye'e ema Viya.

1 Timoteo 2:1

Tatiwayaresera nutuparaka'e, wa'i takuechuki'a eta eyujarasiraina, eyaseuchawa, tamutu e'asulupayachayare ema Viya, eyaseuchayarewa namutu ena achaneana.

2 Timoteo 1:3

Nuti nécharairikavi'i te sácheana yátiana te nuyujarasirana, nuyaseuchavi'i me Viya. Nu'asulupayacha'i ema eta piúriwa'i máicha. Ema nukasiña'i nuti, takuti'i eta nakasiñaira'i ena viáchukanaveanaini.

Filemón 1:5

Taicha nusamairika'i eta pímiyanirawa'i pémunaka ema Viákenu Jesús, pé'ika'i yátupi, pémunaka'iware namutu ena machanerana ema Viya.

Hebreo 5:7

Taka'e, ema Cristo, te matiari'icha'a ani te juka apake'e, tiyaseuchawa'i te mayujarasirana eta me Maiya. Muraka eta máumitira'i, máiya'aira'iware. Wa'i mákuemitisika'ini ema Maiya eta makaechepusirayare'i te máekari. Jé'esare, tisamakare'i te mayujarasirana, táichavene'i eta mawaraira'i máitaucha tamutu eta mapanereruana ema Maiya.

1 Pedro 4:7

Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

San Judas 1:20

Étisera némunarukeneana nuparapenaveana, étumechakakaya eta esuapiraina eta é'isira'i ema Viákenu. Ísapawayarewa tímituka'e ema Machanewa Viya eta eyujarasirana.