Efesios 6:12 - Táurinakene máechejiriruwa’i ema Viya tikaijare

¹² Taicha wa'i wakanara'ini ena vikutikeneana achaneana, ena vikanarakeneana'i ena'i ena kamurikeneana majupa'ana ena tiavi'anaini te anuma ángeleanaini, enapa techana'i akenukana'i te juka apake'e.

Efesios 6:12 ပူးပေါင်းရင်းမြစ်များ

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

Marcos 4:19

étasera eta tawayuakawaka'i eta tájiparakana eta náitaresira. Ta'apapirikawaka'i eta nawaraira'i kaima'akeneana, tamutu eta juka táemetavika'i eta nawaraira'i té'ikanuana.

San Lucas 13:24

–Ámeta esiapa, taye'e eta tapaja ánikuchichapana, taicha numetaka'e kamurianayare ena tiwara'anaya tisiapana, tási'a wá'isera títujikawanaima'i.

San Lucas 22:53

Étayapasika kape, tamutu'i sácheana nukachane'e'i taye'e eta mapena ema Viya. Wa'iware epatsikawa'ini ekaratakanu'ini. Étisera iúrikapuka eta tamapikuwa'i eta yátimu'u'i eta íchira'i eta tamaurikeneana'i, taicha mawa'aru'e'i ema Wínaraji.

San Juan 12:31

Étapa juka sacheanayare eta apake'e kayesere'inapa, tási'a ema Wínaraji kakijikasinapa taye'e te juka apake'e.

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 16:11

mákani tijachapaya eta maikuñaraki ema Viya: émara ema wínaraji tákenumuri'i eta juka apake'e, ichapekene'i eta maviurewana.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 8:38

Nuti nusuapakene ema Viákenu eta majaneasira'aviya, tájinakene tikaerajika'avima'i eta máemunasira'avi'i, wa'i étainapukaini eta vikatajiwapuka eta vítaresira, étainapukaini eta vépenira, étainapukaini tájinakene wa'i vipika'ini eta tipikakareana'i te juka apake'e, énainapukaini ena ichapemurikeneana maye'eana ángele ema wíinaraji, étaina'ipukaini eta náiñe'iwana'i.

1 Corintios 15:50

Nuwara'a níminekapaekene'a'eyare, nuparapenaveana, eta veche máteji wa'i étaima'i tisiapayare te máwasa ema Viya. Tínapukayare'i tikaitsiwa eta veche máteji, máepenakakayare'i eta.

2 Corintios 11:14

Ena nani, wa'i tiáramikareana eta nawayuaraiwa'i, taicha ema Wínaraji, tépiyakawa'i makuti ema ángele,

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

Gálatas 1:16

Tási'a, tímimatichanu'i ema Machicha, taicha mawara'a'i nukametarairuyare naye'e ena apawasana eta makuchukuirayare namutu ena tisuapana ema Machicha, wá'isera nutanuka'ini nákani náimitukanu'ini eta nukametarairuirayare, nájinaware nuyasereruina;

Efesios 1:21

ema Cristo, émaipa ichapekene'i akenuka naye'e ena ángeleana, tétavikawa'i eta masuapakarewa'i naye'e, énerichuware ena éreanana, mapamikawaka eta nasuapiraina, ema, tétavikawa eta makapika'uira'i, nájina nákuti'ini ema, nájinaware tikachurikaima'i, apajara'iyare'i eta akenukaira ema.

Efesios 1:3

Nuti nukunachaparaka ema Viya, ema Makaiyakene ema Viákenu Jesucristo taicha ichape eta máimikatasira'avi'i táichavene'i eta viúrujiasira'i ema Cristo. Puiti tachicha'avi'ipa eta anuma, ichape eta viúrikakarewa'i maicha ema Machanewa Viya.

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Efesios 3:10

Taka'e puiti naye'e ena nuchamuriana, naechainapa ena ángeleana enapa ena akenukara'ana tiavi'ana'i te anuma naechainapa eta maitupajijiasirawa ema Viya.

Colosenses 1:13

Ema Viya tikatiucha'avipa maye'e ema wínaraji tiavi'a te timapiku, tiama'avipa eta mawasa ema maemunarukene Machicha Jesucristo,

Colosenses 2:15

Eta máepenira'i ema Jesús taye'e eta crusu, máita'akawakaipa ema wínaraji énapa ena machanerana éreanana, tájinane'i natumewaina'ini eta maye'e, puiti tákijikawaka'i ena, te vipiaraka te máijare ema Jesús, waipa tipaucha'avima'i.

2 Timoteo 2:5

Eta juka takuti'i ena tijunapanayare chururiranayare, te wa'i naimitunawacha eta nake'e eta najunapirayare waipaine'i kachurirekanaima'i eta najunapiraya.

Hebreo 12:1

Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.

Hebreo 12:4

Táitaurewakene eti, tájinaicha'a íma'a'ini ekatajiwa'ini táimikapaka'e'ipukaini eta ínajiasiraipa eta tájiparakana te juka apake'e pekatupaire,

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.