Efesios 6:1 - Táurinakene máechejiriruwa’i ema Viya tikaijare

¹ Éti'ipa eti amaperuana, yátupina eta esuapajiraiwaina naye'e ena tikachicha'eana, taicha tituparaka'e'i ene eka'eyare'i eta é'isira'i ema Viákenu.

Ignaciano

¹ Étiripa eti amaperuana, yátupina eta esuapa­ji­raivaina nayehe ena ticachi­chaheana, taicha titupa­ra­cahehi ene ecahe­yarehi eta éhisirahi ema Viáquenu.

Efesios 6:1 ပူးပေါင်းရင်းမြစ်များ

San Lucas 2:51

Taka'e, tiyananapasera tichawana te náwasa'i Nazaret. Ema Jesús, tisuapajira'i'i naye'e ena tikachichana. Esu maena María tamutu'i supanerekene'a'i te susamure eta juka susamakeneana'i.

Romanos 12:2

Éneichuware eta ítaresirana, waipa ekue'ika eta taye'erepi eta juka apake'e, ítsiwachapasera eta epanereruana, apaesa támutupa apanaina'i eta ítaresiraina, tási'a, ímatisarepa eta mawara'akeneana'i ema Viya, ítukayarewa icha eta táurikeneana. Ekurisamurechayare ema eta íchira eta tatupiruwakeneana'i.

Romanos 16:2

Tauri eta ejakapiraina esu, ewapinawayare te máijare ema Viákenu Jesucristo. Ímerekayare eta yátupira'i eparape'iware esu eta echamurira'i taye'e eta vé'iru'i. Ímikatakayare te jákani sukamunuirawana. Taicha esu, kamuriana'i ena suímikataruana'i. Nútiipa, tétavikawa'iware eta suímikatasiranu'i.

Romanos 7:12

Tási'a ánipa taka'e, eta wanairipi tiasi'a'i me Viya, eta tawanairipi'i tamu'i tiuri tatupiruwa'iware tetupikawa.

1 Corintios 15:58

Táitusiawa, eti némunarukeneana'i nuparapenaveana, ímiyanawachucha eta étumechirawaina taye'e eta juka vé'iru'i, wa'i takuekekérekawa eta epanereruana. Ekaemataneakakenena yátupina ema Viákenu, taicha écharichu'i eti wa'i támapurujima'i eta ekaemataneasira'i ema.

1 Timoteo 5:4

Té'eserapuka natiari'i'i ena suchichanaveana esu esena tépenaima'i, suámarianapuka, énapa títatianayare'i. Títsirijikawanainapa eta nakajurusirawaka'i ena náenana, nátseanapuka. Eta juka, máurika ema Viya.

1 Pedro 2:13

Táichavenena'i eta é'isira'i ema Viákenu, ímerekayare eta esuapajiraiwa naye'e ena akenukara'ana te juka apake'e: kuti ema Emperador, énapa ena tuparairukana, taicha ena anuke'e'i eta nawakureana'i,