Efesios 5:8 - Táurinakene máechejiriruwa’i ema Viya tikaijare

⁸ Échawaipa taká'eni'i eta ítaresira'i akane étaichu iámapirikaini'i iáwaku'a'i te timapiku. Puítisera eta iúrujiasiraipa ema Viya, tijara'ipa eta ítaresira'i,

Ignaciano

^8-9 Échavaripa tacáhénihi eta ítare­sirahi acane étarichu iámapi­ri­cainihi iávacuhahi te timapicu. Puítisera eta iúrujia­siraipa ema Viáquenu, tijara­hiripa eta ítare­sirahi. Tásiha, ímere­cayare eta emicau­chi­rayare ena apamuriana achaneana, ímere­si­rayare eta iúriva, étapa eta tipachi­na­queneana eta ítaresira, étapa eta yátupirahi eta éhisirahi ema Viya.

Efesios 5:8 ပူးပေါင်းရင်းမြစ်များ

San Mateo 3:8

Yátupina tátupiruwa eta epanereruana, ímerekawa eta é'isira ema Viya,

San Mateo 4:16

Eta awasare eta taitaresira tiavi'aini'i te timapiku puiti sera náima'apa eta jara'i, eta tamika'u tijara'iya naye'eyare ena tiavi'a'naini te timapiku enapa ena kauyayakare eta naitaresira.”

San Lucas 1:79

ema maijaraka'i eta majaraiwa ena tiavi'ana'i te ichapekene mapiku'ana, tási'a timecha'aviya eta tauriwaya eta vipaisira te taurikakarekene achene.”

San Lucas 16:8

Ema mákenuini maechapa eta máichakeneana'i ema maye'eni nákenumuri ena músuana, ma'asulupayachapa eta maechemaraiwa, taichavene eta maitusira'i makatiuchawaka ena kanteveanaini'i. Ene naka'e'i ena achaneana máimatira'ana'i ema Viya. Ena tiápajupanawana'iware eta náitusira'i eta tayanirawa. Nakachurika'i ena té'ikana'i ema Viya.

San Juan 1:9

Eta yátupikene'i tijara'i timikaucha'i namutu ena achaneana tiavi'ana'i te juka apake'e.

San Juan 12:35

Ema Jesús máichawakapa: –Ekamapurawa esamararakanu mapurare nutiari'icha'a eta eye'e, numikaucha'echa'a taicha ánipine eta juka ímairanuyare, apaesa wa'i ekukayutete taye'e eta timapiku.

San Juan 12:36

Esuapa eta juka numika'u, ekamapurawa te nutiari'icha'a eye'e, apaesa ima'a eta tijara'i. Te títapirikapa ema Jesús eta máichirawaka'i, tiyanapa majunijimuri'apa, waipa máimerekawa'ini eta naye'e.

San Juan 12:46

Taicha nuti yátupikenenu'i eta numikauchirawaka'i ena té'ikanuana'i te juka apake'e. Wáipasera tave'aima'i eta timapiku.

San Juan 8:12

Te táekenepa eta juka, tépanawawarepa tímitureka ema Jesús. Máichawakapa ena achaneana: –Nútira numikaucha'e'i eti achaneana te juka apake'e, eta taka'e, nákani té'ikanuanayare, wa'i téjekapawanaima'i. Taicha eta nímiturapiana, étapa timíkauchawaka'i. Tási'a, nakatichainapa eta timapiku, waipa napauchaima'i.

Hechos 17:30

Te vikasiñaraji'ipuka eta vépiyaruana, vimáimatiraicha'a. Ánakiapaipa eta makamichira'i ema Viya, ena achaneana eta nakasiñaira'i eta nasiñarajiana. Puítisera waipa makamicha eta juka. Tiwaneka'avipa vimutu viti eta véñauchirawaina eta maye'e.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 1:21

Tamapuruji'isera eta náimatira'i ema Viya, wa'i náwara'a'ini nasuapa'ini; wá'iware napikaucha'ini, wá'iware na'asulupayacha'ini ema, tétavikawa'i eta táejekapirawa'i eta napanereruana, étachucha napanerecha'i eta tájiparakana, tajinapa naechakenena taichavene eta namurakasamurewana.

Romanos 13:12

Eta vikuchapiraipa eta machavirayare ema Viákenu, takuti'i te vikuchapaipa te jena yati eta tijarara'i. Puiti víma'apa eta tajara'ikene. Tási'a, ínajikapa eta íchakeneanaini te timapiku. Puiti tiápajukawasera eta iúriwana, étapa eta íchakeneanaina te tijara'i.

Romanos 2:19

Tétavikawaipa'iware eta ekunachirawa'i taicha ímijachawaipa ekatupara'a eta ímitusiraya ena apawasana, apaesa náesenika'ini ema Viya,

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

2 Corintios 6:14

Wa'i ekuawa'akawaka nákani máe'ikara'ana'i ema Viákenu. Étaipa te arayena'eyare, wa'i ekuve'a nákani máe'ikara'ana'i. Taicha téjekakayare'i eta panererukana. Ena máe'ikara'ana'i, tawayuaka'i eta tamaurikeneana. Víti viúrika'i eta tijara'i; énasera náurika'i eta timapiku.

Gálatas 5:25

Eta mawa'asira'avipa ema Machanewa Viya, vísapawaya wámutu eta mawara'akeneana máichayare eta viáke'e.

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Efesios 4:18

tétavikawa'i eta tamapikuwa'i. Máecharaireana'i ena, táichavene'i eta tamurakawa'i eta nasamureana. Wá'ikene nawara'aima'i napaucha ema Viya apaesa makanarakawaka'ini ena.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Efesios 6:12

Taicha wa'i wakanara'ini ena vikutikeneana achaneana, ena vikanarakeneana'i ena'i ena kamurikeneana majupa'ana ena tiavi'anaini te anuma ángeleanaini, enapa techana'i akenukana'i te juka apake'e.

Colosenses 1:12

e'asulupayacha'ini ema Tata Vikaiyakene eta máichuira'e'i eti apanawa, mawaraira'i tíjaraka'aviyare vimutu eta tajara'ikene víkuchiana'i viti machanerana'i ema.

Colosenses 1:13

Ema Viya tikatiucha'avipa maye'e ema wínaraji tiavi'a te timapiku, tiama'avipa eta mawasa ema maemunarukene Machicha Jesucristo,

Tito 3:3

Víti, akane éneichuware vika'i maiturere'avini'i masuapajira'avi'i. Tatajina vechakenena, vicha'i eta tamaurikeneana taicha tamusura'avi'i eta taiparakana te juka apake'e. Vicha'i eta ta taiñema'keneana, vikapinarureka'i tikaticha'aviana'i tási'a vikatichajirikaka'iware.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.