Efesios 5:6 - Táurinakene máechejiriruwa’i ema Viya tikaijare

⁶ Wa'i ekuisapawa nákani nawara'a nawayuaka'e te náechejiriruwa súnsurupiana, napamisira'eya ícha eta júkana tamaurikeneana, taicha eta júkana, eta tiviuchawakayare nákani masuapajiraira'ana'i me Viya, murakayare eta náikuñayare.

Ignaciano

⁶ Tásiha éti, vahi ecuisapava nácani navaraha navayuacahe te náechaji­riruva súnsurupiana, napami­si­raheya ícha eta júcana tamauri­queneana, taicha eta júcana, éta tiviucha­va­cayare nácani masuapa­ji­rai­ra­hanahi me Viya, muracayare eta náicuñayare.

Efesios 5:6 ပူးပေါင်းရင်းမြစ်များ

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 24:4

Ema Jesús majikapapa: –Ekuneuchawa, apaesa nakuija nakuwayuaka'e.

Marcos 13:22

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

Marcos 13:5

Ema Jesús majikapapa: “Ekuneuchawa, apaesa nakuija nakuwayuaka'e.

Romanos 1:18

Taicha vimati eta taiñe'iwa eta maikuñaraki ema Viya, tasi'akene te anuma, naye'eya nanutu ena achaneana wínarajiana eta napanereruana, taichavene eta nawinarajiwa wa'i naisapa'ini eta takaechera'ini eta yatupikene suapakare.

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

Colosenses 2:4

Eta taka'e, nutuparaka'echa, wa'i ekuisapawa na'apapika'e ena tiyurura'iana.

Colosenses 2:8

Échapawayaresera: taicha narari'i ena nawara'ayare tiyuruka'eana, nawarairaya é'ika eta napanereruana, etapa eta naimiturapiana namaurikeneana, taicha ena wa'i nakasiña'ini ema Cristo, etachucha nae'ika eta naye'erepiana ena achaneana, enapa ena machanera ema techa'i eta juka apake'e.

Colosenses 3:6

Ena masuapajiraira'ana, náicha'i tamutu eta juka tamaurikeneana, étapa tímikuñakayare'i ena, taicha táimiyusemakaichucha ema Viya.

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

Hebreo 13:9

Wa'i ekuisapawa ekue'ika eta jákani apánapanenejikeneana náimiturapiana. Tiúripana étumechayare eta esamureana, táichavene'i yátupikene eta máemunasira'avi'i ema Viya. Étapasera eta naye'erepiana taye'e eta tinikakareana, wa'i étaparakaina, taicha tájinachucha táimikatakawaka'ini ena tikaye'erepiana'i.

Hebreo 3:19

Yatupi eta juka, táichavene'i eta namasuapajiraiwa'i, puiti víma'aipa'i eta namaitujisirawa'i tisiapana taye'e eta máwasa ema Viya.

1 Pedro 2:8

Enaipa enanakana apamuriana: “Etajuka ichape wama'i tási'a etapa eta mari, etainapa eta tiakipaikayare ena masuapajiraira'ana'i.” Ena nakana masuapajiraira'ana enainapa tiakipaikawanayare taichavene wa'i nasuapa'ini eta maechejiriruwa ema Viya: etapa temecharekayare.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.