Efesios 5:4 - Táurinakene máechejiriruwa’i ema Viya tikaijare

⁴ Wa'i ekunaka te ejáka eta echéjirirukawana titsiri'akarepiana, tájiparakakeneana, taicha tájina takunachakaréwaina eta. Tamutusera eta échejisiranaya, amairipikenena eta e'asulupayachiraya ema Viya. Jé'eware, eta iúri'akene'i.

Ignaciano

⁴ Vahi ecuna­ca­ja­cachava eta échaji­ri­ru­cavana titsiri­ha­ca­repiana, súnsurupiana, tájipa­rá­ca­queneana, taicha tájina tacuna­cha­ca­révaina éta. Tamutusera eta échaji­si­ranaya, amairi­pi­quenéna eta ehasu­lu­pa­ya­chiraya ema Viya. Jéhevare, éta iúriha­quenehi.

Efesios 5:4 ပူးပေါင်းရင်းမြစ်များ

Marcos 7:22

mákani mave'a esu apana esena, ena kapinarurua'iana, tiwayuemana, techeji'iana. Nákani tipanerechana'i eta apaye'eana, ena tikapinarura'iana, ena mapikauraira'ana, kamuri'i eta napanereruana'i ena máecharaireana.

San Juan 6:23

Tási'a, taka'epainecha eta apana pakureana, naye'e'i ena tiási'ana'i te awasare Tiberias. Títekapanapa te tachakaya eta nanisine'i eta pan ena kamurikeneana achaneana.

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

2 Corintios 1:11

Taka'e, nuwara'a ímikataka'avini eyujaraucha'avini víti. Eti, németeaka kamuri'enapa eti eyujaraucha'aviyare, kamuri'eyarewa eti e'asulupayachainapa ema Viya eta máimiyanirawa tikatiucha'avi.

2 Corintios 9:15

¡Tétavikawa'i eta viúrikakare'i maicha ema, tájinapa viviya apanaina wákayema eta vi'asulupayachira ema Viya táichavene'i eta juka vijarakasi!

Efesios 1:16

Tamutu'i sacheana nuyaseucha'e'i nu'asulupayacha'i ema Viya eta ekasiñawaira'i me Viya.

Efesios 4:29

Wá'isera ekunakajakachawa eta tájiparakana echéjirirukawana tamaurikeneana. Tátupiruwa eta échejirisirawaina, apaesa étaina eyuchusi'a eta nasuapiraina nákani tisama'eanayare, eta tétupirikayare eta nasamureana ena.

Filipenses 4:6

Wa'i ekueñamawa, te tatiari'inapapuka eta íchawa, ekasiñawasera eta eyaseasira ema Viya te eyujarasirana. E'asulupayachaware taye'e jákani máijararu'eana'i.

Colosenses 3:8

Puítisera ínajika tamutu eta júkana: esemarajiwana, ekatianaraiwana, ewínarajiwana, iúme'araiwana, étapa eta táiñema'ikeneana eta échejiriruwana.

1 Tesalonicenses 3:9

¿Ichape eta vi'asulupayachira'i ema Viya táichavene'i eta iúriwa'i tájinaine tákuti'ini eta viúrisamurewa'i maye'e ema Viya, íchavene'i eti?

1 Tesalonicenses 5:18

Tamutu jákani íchararakawana'i, e'asulupayacha ema Viya, taicha eta mawara'a'i ema Viya eka'eyare eti é'ikana'i ema Viákenu Jesucristo.

Filemón 1:8

Taka'e tayanapane eta maijare ema Cristo nurata'aneni nuwanekavi eta pemataneya,

Hebreo 13:15

Puiti, eta vé'isira'i ema Jesús, tawara'a eta vijirauchiraparakayare'i, vi'asulupayachaware ema Viya. Eta juka eta viámawa'u'i eta maye'e. Ema vikawapajayare'i.

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.

2 Pedro 2:7

Té'esera te nataraku, matiari'i ema víyara'aini tikaijare Lot, ema, tamutu'i sácheana tikatisamurewa'i taicha máimairawaka'i ena achaneana náichira'i eta tamaurikeneana, masamira'iware eta náechajisi'aira'i eta titsiri'akareana'i.

San Judas 1:10

Énasera ena achaneana, naechejisi'a'i eta tamaurikeneana taye'e eta tajiparakana, wa'ineni naimatiekene'a'ini eta takayemakeneana. Ena nakuti'i eta sárareana tajina tapanereruina énajiwapa tímikuñakawanaya.

San Judas 1:13

Ena, nakutiware eta táepakuru'a eta ichape une tétavikawa'i eta tatsiri'akarewa'i eta náichakene'i eta tamaurikeneana. Nakutiware eta jarairikiana tiyejepaikawana. Jarari'isera eta nakaikuñaiyayare eta ichapekene timapiku, máitawakakayare eta nanasirayare.