Efesios 5:3 - Táurinakene máechejiriruwa’i ema Viya tikaijare

³ Eta machanera'eraipa ema Viya: waipa táurika'ini ícha'ini eta tú'usikare. Wa'isera ekupanerecha ícha jákani tiámana'i eta tamaurikeneana. Wá'iware takuwayuaka'e eta tájiparakana.

Ignaciano

³ Eta machane­ra­he­raripa ema Viya, vaipa táuricahini íchahini eta túhusicare. Tíñehi te mamirahu ema Viya. Váhivare ecupa­nerecha ícha jácani tiámanahi eta tamauri­queneana. Váhivare tacuva­yuacahe eta tájipa­rácana.

Efesios 5:3 ပူးပေါင်းရင်းမြစ်များ

San Mateo 15:19

Taicha eta táiñema'ikeneana panérerukana, tási'akeneana'i te ama'e eta nasamureana ena achaneana. Mákani achane mapanerecha'i makaesenara esu apana esena apayena. Nákaniware, tipanerechana'i eta tikaparekana, tiámerekana, tiwayuarekana, técheji'iana.

San Lucas 12:15

Éneichu máichawakaware: –Échapawaware eti, machu émuna'irikawa, ejamurara'i taye'e eta tíma'akareana. Taicha eta tíma'akareana te juka apake'e, wa'i étaina tikaitareka'eyare, wa'i táeñamakare'ini.

San Lucas 16:14

Ena fariséuana, nasamaraka'i eta juka máimiturapiana'i ema Jesús. Tási'a, nakaeka'ipa eta nasamira'i ema. Taicha tétavikawa'i eta tawayuasirawaka'i ena eta plata.

Hechos 15:20

Tarataichu vikajurewaka tametaka eta waipa nakuapechawa nakunika eta taeche eta sárare náijarakasiruana eta nasiñarajiana, wá'iware nakuve'a súkani apana esena, énaipa ena esenana, wá'iware nakuve'a ema apana achane, wá'iware nakunika eta taeche eta sárare taeriru, étaipa eta táitine, wá'iware nakunika.

Hechos 20:33

Eta návi'aira'i eye'e, wa'i nujamuracha'ini eta emuiri'ana étaipa eta plata íjarakanu'ini,

Romanos 1:29

Tétavikawa'i eta náepiyaresira'i eta napekaturana tamaurikeneana, nave'a'i esu esena apayena, ena amaperuana náicha'i eta natu'usiwana'i, té'ara'iana naye'e nákani matapirawareana'i, tamutupa nawara'a nakaye'e, káetemara'iana, tikapinarura'iana, tikapa'iana, tipiararekana te tisemana, tiwayuarekana, sémarairi'iana, técheji'iana,

Romanos 16:2

Tauri eta ejakapiraina esu, ewapinawayare te máijare ema Viákenu Jesucristo. Ímerekayare eta yátupira'i eparape'iware esu eta echamurira'i taye'e eta vé'iru'i. Ímikatakayare te jákani sukamunuirawana. Taicha esu, kamuriana'i ena suímikataruana'i. Nútiipa, tétavikawa'iware eta suímikatasiranu'i.

Romanos 6:13

Waipa ekuisapa eta pekatu te iake'e, tímikutijirikawainapa épenakene, waipa échaima'i eta pekatu. Ítarekainapasera maye'e ema Viya, íjararekainapa eta iáke'eana maye'e.

1 Corintios 10:8

Wá'ira vikuijararekawa taye'e eta tu'usikare, machu wákutiriana ena eta nakaikuñaira'i táichavene'i eta náichira'i eta juka tamaurikeneana, tépenarakanapa. 23,000 achane jena etanakene'i sache.

1 Corintios 5:1

Jukari'iware eta juka téchakare'i eta matiari'ira'i ema émana echamuri téjekapawa'i. Mave'a'i esu máena'aruwa. ¡Wá'icha tiuri eta juka máichakene'i! Énaipa ena nawayurewakeneana tikapekaturara'iana wa'i náurikaima'i eta juka.

1 Corintios 6:13

Eta taka'e eneichuware: “Eta nikakare taye'eichu'i eta viju'e, eta viju'e taikuchichu'i eta nikakare.” Yatupi ene taka'e, emasera ema Viya makaepa'ayare tamutu eta juka apinakene. Etasera eta viake'e wa'i etaina'ini taikuchina'ini vicha eta tamaurikeneana, vechipejika'ini eta viake'e vianeka'ini esu esena apayena, apaimapuka.

1 Corintios 6:18

Eta taka'e, ejaneakawa yátupina, machu iákipaikawa taye'e eta tú'usikare. Tamutu eta pekatuana náichakeneana'i nákani achaneana, tajarareka'i eta náchanewana. Tavetijipa, mákani achane tive'a'i esu esena wa'i mayenakenena'ini máimijararekapa ichape eta máke'e. Émajiwapa tijararekawa.

2 Corintios 12:21

Nupika'isera nátsiri'akare'ini nuti maye'e ema Viya ichavenena'ini eti, wicha'a étupirikawa'ini eta nuchimapira'eyare. Wa'i nuwara'a ekaiyakanu eti enerejikawana éjekapawana'i, taicha eta ánakiapaipa'i eta emáinajisiraicha'a eta ekapekaturairana. Ímiyanawaichucha eta esenamarera'e'i, étapa eta emapikaura'iwaichucha.

Efesios 5:12

Taicha tétavikawa'i eta tatsiri'akarewa'i eta náichakeneana'i eta nayumurusirawa'i;

Efesios 5:5

Ímatiekene'aipa eti, wa'i tiúchuku'anaima'i mákani achane te mave'apuka esu esena apayena, esu esena te suve'apuka ema achane apaima; nákaniware amaperuana tive'ajirikakana'i; mákani achane mave'apuka ema maparajairawa; (ena tawayuakawaka'i eta najamurachirana, énaichu'i tikasiñarajiana). Namutu ena nani tímereuchawana'i wa'i machaneranaina'ini ema Cristo, wa'iware tisiapanaima'i te máwasa ema Viya.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

Colosenses 3:5

Tási'a puiti, ínajikainapa eta eye'erepianaini tamaurikeneana'i: nakuijapa nakuve'a esu apana esena, waipa ekupanerecha eta panererukana tamaurikeneana, waipa ti'apapirika'ema'i eta ekaima'akeneraina, taicha ena titanukana'i eta juka, nakuti'i nákani tikasiñarajiana.

1 Tesalonicenses 4:3

Taicha eta juka mawara'akene'i ema Viya, tiápajukawayare eta iáwa'asira'i ema, waipa ekukicha eta pekatuana, nakuijapa nakuve'a súkani apana esena, ésuipa esu esena, wa'i sukuve'a ema apana achane, takuija eta natu'usiwaina

1 Tesalonicenses 4:7

Taicha víti máichu'akeneanaipa ema Viya, mawara'a tiúrinayare eta vítaresiraya, waipa víchaima'i eta juka tamaurikeneana.

1 Timoteo 2:10

Étaipa náurinawa'i yátupikene'i, eta náimeresirawaina eta yátupina náe'isira'i ema Viya, náichirainaware eta táurikeneanapa.

1 Timoteo 3:3

mákani wa'i tawayuaruina eta térakare. Wá'isera makue'ara'i. Mákani wa'i takuwayuaka eta plata.

1 Timoteo 6:10

Táitsiwa'isera ena achaneana, náetaviucha'i eta tawayuasira'i náichapa tamutu eta tájiparakana, táichavene'i eta najamurachira eta plata. Natiari'inapaipa timutsera'awanapaipa eta tayurusiraina eta najamuraraiwana, tásapi'apa táiminajikapa eta nákasiñawaira me Viya, énajiwapa titanuchawana'i eta naviurewa'i.

2 Timoteo 3:2

Taicha tiwayuchawainapa eta náichirayare eta najamuraraiwana. Tawayuakainapa eta plata. Tipanarara'ianayare. Éneichuware, masuápajiraira'anainapa naye'e ena tikachichana. Wáipaware napikauchaima'i ema Viya, nasapi'ayarechucha nakaeka'iyare ema.

Tito 1:11

Pikamatinakayare ena nani, wa'i pikuisapa eta náimitureka eta tamaurikeneana, machu náemejekapawacha ena vichamuriana'i, taicha wa'i táurikakare'ini eta náimiturapiana, ena nani náicha'i eta juka taicha nawara'a'i navereakawaka eta naplataneana.

Tito 1:7

Taicha takamunu matapirawarena nákani pitupararuanayare; taicha ena, tuparairukanayare maye'e ema Viya. Mákani, tímitukakare'i. Mákani, wa'i tisemarairi'i. Wá'iware tawayuaruina eta térakare kawa'arasi. Wá'iware makutanuka eta semanere, wa'iware makujamuracha eta apaye'e.

Tito 2:3

Énerichuware ena vénara'ana ichanaruana, pímitukayarewa ena tauri eta náitaresiraina taicha ena, tuparairukana'iware maye'e ema Viya, waipa técheji'ianaima'i, wá'iware takuwayuaka eta térakare. Naimereka yatupina eta náuriwaina naye'e ena amaperuanacha'a esenachichana

Hebreo 12:16

Nakuijaware te etaraku nakuve'a esu apana esena. Nakuija nakuepuru jákani tipikauchakareana'i. Wa'i ekukuti ema Esaú, eta mawaraira'i tinika, máijararekapa eta máikuchini'i maye'eni'i, taicha ema, máechavi'i ema maparape.

1 Pedro 5:2

Tauri eta ejaneasirawakaina namutu ena vichamuriana, taicha ena tímikutijirikawa'i uvesanaina'ini maye'e ema Viya. Ítauchayare eta etuparakasiwa'i. Ema Viya mawara'a'i ewapinawa'ini eta ejaneasirawaka'i. Wá'isera ekupanerecha ekawacha. Ewapinawayaresera eta ekaemataneasirawakaya.

2 Pedro 2:10

Ema Viya, máikuñakawakayare namutu ena tiwayuchana'i eta náechipejisira'i eta náke'eana, taicha tétavikawa'i eta tawayuasirawaka'i eta natu'usiwana, énapa ena tépuruana'i ema Viákenu, eta émaira'i téchawaka'i, ena nani mapikauraira'ana, nájina náwamira'ukenena eta náume'araiwa. Nasapi'a nakaeka'iware ena ángeleana;

2 Pedro 2:14

Namutuchucha najamuracha nákani esenana. Tájina náipuina eta náesenamarewana, náechema'a eta náiturusiraya súkani esena máejerare'i. Náimitukaware ena ajairana tájina náituruekene'a, nakutiyare ena eta náesenamarewana'i. Tájina tivechuki'aima'i eta nakapekaturaira'i. Ekuñarakisera eta náikuchi'i ena.

2 Pedro 2:3

Ena nani, tímituka'eanaya eta náimiturapiana náepiya'iraiwana'i, taicha nawara'a'i títukawana tivereaka'eanainapa eti, taicha tétavikawa'i eta najamurarasira'i eta plata, tájinasera náipuinayare, wa'i táevejuakaima'i eta náikuñayare, taicha akanewakaipa eta takaecheraira'i eta náikuñayare.

Apocalipsis 2:14

Jukari'isera eta juka piviurewa'i nuye'e: taicha písapawaichucha natiari'i'i ena nanerejiruwana ena echamuriana wa'i náwara'a'ini náinajika eta maimiturapiana ema Balaam, ema maimitukawaka'i ema Balac eta maimiakipaisirayare ena israelitana mawanekaware nanika eta nayujaraure'i te tamira'u eta nasiñarajiana, etapa eta nainajisirawaina eta nae'isiraina ema Viya.

Apocalipsis 2:21

Nuti íchapemuri'i eta nukuchapira'i esu, eta suéñauchawa'ini me Viya. Wa'ikenesera suwara'a suínajika eta suye'erepi.

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Apocalipsis 22:15

Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.

Apocalipsis 9:21

Tási'a wá'isera náinajika'ini eta nakapa'iwana, eta na'iapemarewana, étapa eta náesenamarewana, étapa eta námeraiwana.