Efesios 5:2 - Táurinakene máechejiriruwa’i ema Viya tikaijare

² Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Ignaciano

² Émuna­ji­ri­ca­cayare eta ítare­siraya. Ecutiyare ema Cristo eta máemuna­si­ra­havihi. Éma, macuri­sa­mu­re­charipa ema Maiya eta máimija­ra­re­si­ravahi víchavenehi víti, macutihi eta sárarechicha uvesa nacaparuhi eta námavahuhi me Viya.

Efesios 5:2 ပူးပေါင်းရင်းမြစ်များ

San Mateo 20:28

Taicha éneichu'i maka'e'i ema Machicha ema Ajaira, wa'i étaina taímiteka'ini makaitatikasi'ini, émayare'i títati'e eti.

San Juan 13:34

Puiti nunakikayare eta juka Arairu nuwanairipi eta eye'e. Émunakakayare'i etijikaka. Ekutinuyare'i eta némunasira'e'i nuti. Ene eka'eyare eti apanaware.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

Romanos 4:25

Ema Viya Maíjarakapa ema Jesús eta maepenina'aviyare'i taichavene'e eta vipeketurana, tási'a techepukapa te maekari eta makatiuchira'aviyare'i taichavene eta viviurewana.

Romanos 8:3

Taicha ema Viya, eta máimaira'i eta vimaetumechirawa'i, vimárata'aira'i vítaucha'ini eta wanairipiana, mawanekapa tiúkupaika'i ema Machicha, makake'eyare'i eta juka viáke'e viti achaneana. Eta máijarasirawa'i, makamitiekene'aipa eta tapamisira'avi'i eta viáke'e eta vikapekaturairana.

Romanos 8:37

Tétavikawa'i eta máetumechira'avi'i ema Jesucristo táichavene'i eta máemunasira'avi'i.

1 Corintios 16:14

Yátupina eta émunaraiwaya, táuchuka te esamureana, étaina táemesiawa tamutu jákani íchakeneanayare.

1 Corintios 5:7

Étisera, nuwara'a ekutiya eta pan maye'ere levadura vinikasare te páscuamu'uana. Yátupikene'i arairu taicha wa'i tasisijika'ini. Taicha ema, tamutu'i mawachacha eta vímikapasira'i, makuti'i eta uvesa eta vímijararesira'i.

2 Corintios 2:14

Puiti, ichape eta nu'asulupayachira'i ema Viya eta majaneasira'aviparaka, tíjaraka'avi'iware eta máitupajijiasirawa eta virata'aira'i vikanara tamutu, táichavene'i eta máwa'asira'avi'i ema Jesucristo. Tituparaka'aviware vikametarairuyare'i eta máimiturapiana, mawaraira'i tiúriyare'i eta nasamiraya namutu ena achaneana takuti eta najiusira jákani táijiyekeneana.

2 Corintios 2:15

Taicha eta vikametarairuira'i tímikutijirikawa'i eta táijiyewa eta incienso, eta máijarasira'i ema Cristo te mamira'u ema Maiya. Takapusisiaka'i namutu ena tisama'aviana, tisuapanaya, enapa ena masuapajiraira'ana, náemitiaruanayare taicha namawaraira'i nasuapa'ini.

2 Corintios 8:9

Ímatirichu'i eti eta máemunasira'avi'i ema Viákenu Jesucristo, ema, tamutu tiúrikakare'i te mávi'a'i te anuma, tájina'ineni mákamunu'ini, étivene'isera tiúkupaikapa te juka apake'e, páurepa ema eta máitaresira'i apaesa eti ejakapa'ini eta iúrikakarewa maicha ema eta maemepaurechirawa'i.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Efesios 1:4

Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Efesios 3:19

Nuyaseaka'i ema Viya eta erata'airaina ákaikutiaraina eta maemunasira'avi, ichapepana'i taye'e eta vimatiraipa taye'e eta vipanereruana, apaesa ejákapa tamutu eta maikure'avi' ema Viya.

Efesios 4:15

Eta taka'e, vétumechawayare eta vé'isira'i eta máimiturapiana yátupikeneana, yátupinaware eta vémunaraiwa'i, vikajuruakayare'iware eta viúriwa, vikutiyare ema Viákenu Jesucristo, taicha éma'i ema técha'avi'i.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Efesios 5:15

Eta taka'e, yátupina eta ejaneasirawaina. Wa'i ekukuti ena máecharaireana. Ímerekawaya eta ítupajijiasirawa'i.

Efesios 5:25

Éti'ipa eti náimanaveana'i, tituparaka'e'i émunakawakayare ena eyenana, takuti'i eta máemunasira'avi'i ema Jesucristo viti machanerana'i, ema, tímijararekawa'i víchavene'i,

Filipenses 4:18

Nuti ichapemuripa eta nujakapira'i eta enakiruwana, eta mámakenepa'i ema Epafrodito, ichapekenepa taratawaira eta nuvira eta nukamunukeneana, takutirine'i eta inciensoina'ini, eta táijiyewa'i te mamira'u ema Viya, tiwapinawa ema Viákenu eta majakapira'i.

Colosenses 3:14

Tamutu eta juka numetaru'eana'i, ítauchayare, énerichuware tiápajukawayare eta émunaraiwayare, taicha te vémunajirikaka'i, tétavikawayare'i eta viúrikakarewaya eta viúrujiasirakaka'i.

1 Tesalonicenses 4:9

Puiti tájinapa, waipa néñamawa eta eye'e eta émunasirakaka'i, taicha ema Viya tíjaraka'eipa eta émunasirakaka'i.

1 Timoteo 2:6

Ema Viákenu Jesucristo tíjarakawa'i tépena taicha eta makuchukuira'aviya vimutu viti achaneana, puítisera mawara'a máimimatichayare namutu eta juka arairu'i vímiturapiana.

1 Timoteo 4:12

Pikuneuchawa, apaesa wa'i nakuepuruvi eta pímituresira'i, taicha eta piámaperuwaicha'a. Pímerekayare eta piúriwa apaesa étaina náe'ikavi ena vichamuriana. Tauri eta péchejisiraina, eta pítaresiraina. Pémunara'i naye'e ena vichamuriana, énapa ena apamuriana achaneana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 8:3

Namutu ena tiyujarakara'iana, tatuparaka'i náimerekayare eta námawa'uana étapa eta nanakiruwana, ene maka'e'i ema Jesucristo, tatuparaka'i máimerekaya eta mámawa'uyare'i, tiúripana'isera eta.

Hebreo 9:14

Eta apana taka'e'i eta juka, ¡tavetijichapuka eta maitine ema Cristo ichape'i eta taitupajijiasirawa'i! Eta taka'e'i maimereka'i maye'e ema Machanewa Viya, maitawakaka, émasera ema Viákenu Cristo tijararekawa'i emajiwa te mamira'u ema Maiya, eta makatajiwaira'i tajina tachipe'ini, eta maitine étapa tepachinacha'avi'i eta vipanereruana eta vichira'i eta tamaurikeneana tiama'aviyare'ini eta vepenira, puitisera tajinapa eta taviucha'avi'ini eta vikaemataneasira ema Viya.

Hebreo 9:23

Taka'e, eta juka naemamakasareana'i ena nani, takamunu'i náepusasakayare'i eta nayujarasirayare'i apaesa tapachinawaka'ini. Náikutipakeneana'i eta tiávi'ana'i te anuma. Étasera eta Santuario tiávi'a'i te anuma, takamunu'i eta apana iti tasiwachakene, takachurikayare'i eta iti náepusasaru'i taye'e eta santuario te juka apake'e.

Hebreo 9:26

Émasera ema Cristo, éta'eichu'i eta máepusaisira'i eta máitine. Wa'i mápepejirikawa'ini te añuana. Te mápepejirikawa'ini, éneichu'iwareni tiápepejikawa'ini eta máepenira'i puiti juka táepanirawa'i eta apake'e. Eta tímiteka'i ema, eta makaepa'airayare'i eta vipekaturana.

1 Pedro 4:8

Tiápajukawayare'isera eta émunajirisirakakaya eti. Te yátupi'i eta émunajirisirakaka'i, máejerareya eta ejapanukakairaya eta jákani éjekapirawana.

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

1 Juan 3:23

Eta juka mawanairipiana'i, étara eta visuapayare'i maye'e ema Machicha Jesucristo, tási'a vinunayare'i vemunakakayare'i, vitauchayare'i eta mawanairipi'i ema.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.