Efesios 5:15 - Táurinakene máechejiriruwa’i ema Viya tikaijare

¹⁵ Eta taka'e, yátupina eta ejaneasirawaina. Wa'i ekukuti ena máecharaireana. Ímerekawaya eta ítupajijiasirawa'i.

Ignaciano

¹⁵ Eta tacahe, yátupina eta ejanea­si­ravaina. Vahi ecucuti ena máecharaireana. Ímere­cavaya eta ítupa­ji­jia­si­ravahi.

Efesios 5:15 ပူးပေါင်းရင်းမြစ်များ

San Mateo 10:16

“¡Íma'a! Nuwaneka'e'i, ekuti'i eta uvesana te tamuri eta sárare táiñe'ikene ichini. Échemara'iyaresera ekatiuchirawayare ákuti eta kichare, tasi'asera ekutiyare eta paluma eta tamansuwa'i.

San Mateo 25:2

Ena sínkukeneana, téchemara'iana'i. Ena apamuriana sínkukeneana'iware máecharaireana.

San Mateo 27:24

Taka'e, máima'apa ema Pilato, wa'i máituruka'ini makatiucha'ini. Taka'e, máemepanapa eta une, tikasipawa'upa te namira'u ena achaneana. Tási'a máichawakapa te namira'u: –Wa'i nútiparakaina eta máepeniraya ema maka achane matapiraware'i; eti échinawa.

San Mateo 27:4

máichawakapa: –Néjekapawa'i eta níjararesira'i ema maka achane matapirawarekene. Énasera najikapapa: –Jé'epuka, wa'i vecha víti ¡Péchakenewaichu'i píti!

San Mateo 8:4

Tási'a, ema Jesús máichapa: –Pima'a wa'i pikumetajirika piyanayaresera pímerekawa maye'e ema tiyujarakara'i, pikamawa'uyarepa'i eta pi'asulupayachiraya taicha eta makanarasiravi'i taicha eta juka eta mawanairipi'i ema Moisés.

San Lucas 24:25

Taka'e ema Jesús máichawakapa: –¡Tétavikawapa tájinaira ekaikutiarakenena eti. Wá'iware ákaikutiara'ini eta náechejiriruwana'i ena profetanaini!

1 Corintios 14:20

Nuparapenaveana, eti waipa amaperu'éna'ini. Nuwara'a táuripaini eta epanereruana, eta íchirayare eta táurikeneana. Nuwara'asera ákuti'ini ena amaperuana eta ichiraya eta tamaurikeneana, étisera ákutipa ena achaneana chanaruanapa naitukapa tipanererekana.

Gálatas 3:1

¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.

Gálatas 3:3

¿Tétavikawapa eta esunsuwawaka eti te épanawapa eta é'isira'i, tájinainiripa'i íchirawaina'ini máicha ema Machanewa Viya, ema tétumecha'e'i, puítisera eti ewara'apa ínajikaya eta máwa'asira'eni'i, ímijachaipapuka eta tikuchuku'a'eyare eta éjairawana'i?

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

Efesios 5:33

Tási'a, nuwara'a yátupina ákaikutiara eta juka nukayemakene'i, tituparaka'e'i eti ajairana, yátupina eta émunasiraina ena eyenana takuti eta émunasira'i eta iáke'e, éneichuware eti esenana, tituparaka'e'i epikauchayare'i ena ímanaveana.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

Colosenses 4:5

Táuri eta ítaresiraina naye'e ena máe'ikara'anaicha'a ema Jesús. Ekamapurawacha'a puiti juka sácheana eta ímitusirawaka'i.

1 Tesalonicenses 5:15

Échapawayare, tijurikati natiari'ina nawara'a titupiaka'eana, wa'i ekujikapa. Wá'isera ekuitsikawa. Ímerekayaresera eta iúriwaya naye'e ena echamuriana, énapa namutu ena apamuriana achaneana.

1 Timoteo 6:9

Énasera nákani tipanerechana'i tirrikuchawana, apánapanepa eta najamurachakeneana, takananesirikapa eta naplatanechiawaya, énajiwapa tímikuñakawana taicha eta najamuraraiwana súnsurupiana'i, eta juka tikauyayakare'i étaina táimikuñaka eta náchanewana.

Hebreo 12:25

Eta taka'e, échapawaicha eti, wa'i ekuepuru eta máichuarapiana'i ema Jesucristo. Machu ákuti ena tépuruana'i eta mawanairipiana ema Viya, máimiturapiana'i ema Moisés, étapa tímikuñakawaka'i ena, vivetijinapapuka víti eta víkuñayare, te vikaepakekupuka eta máichuarapiana puiti ema Viákenu, taicha ema tiási'a'i te machakaya ema Viya te anuma.

Santiago 3:13

Te natiari'inapuka te etaraku nákani náechema'a'i tamutu, tatuparaka'i náichayare eta táurikeneana, yátupinaware eta namansuwayare. Étapa tímikaecherachayare'i eta náitusira'i.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.