Efesios 4:5 - Táurinakene máechejiriruwa’i ema Viya tikaijare

⁵ Émanaichu'i ema Viákenu, etanaichuware eta vikasiñawaira me Viya, etanaichu'iware eta vikaikachasira eta viúrujiasira ema.

Ignaciano

⁵ Émana­richuhi ema Viáquenu. Tacarichuhi véhica eta máimitu­rapiana. Étana­ri­chu­hivare eta vicaica­chasira eta viúrujiasira éma.

Efesios 4:5 ပူးပေါင်းရင်းမြစ်များ

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Hechos 2:36

“Tiuri puiti, emutu eti nujaneanana israelítana, nuwara'a ímatiyare ema Jesús émetataru'i, émaira'iware ema Cristo.”

Romanos 3:30

taicha najina apanaina emanaichu'i ema Viya: ema Viya tikatiucha'avi'i taye'e eta vipekaturana vimutu viti vikasiñawana'i maye'e, tayanapanepuka takuija eta vikutiaraina te viake'eana!

1 Corintios 1:13

¿Wá'ira tiuri enena'ini áka'e'ini, taicha ema Cristo wa'i apápipijina'ini eta máimiturapiana? ¿Nuti Pablo, wá'ira nútina'ini népena'ini te crusu ichavenena'ini eti? ¿Eta ekaikachasira'i, wá'iware étaina'ini te níjare?

1 Corintios 1:2

eta juka najure'i eye'e eti vichamuriana ekawasana'i taye'e eta awasare Corinto puiti eti iáwa'aruipa ema Viákenu Jesucristo, taicha etupiruwa'i esuapa eta máichuira'e'i eti ema Viya, tichu'a'e'i esiapayare'e te mawasa, ekutipa ena apamuriana vichamuriana tikawasana'i te tamutu awasareana, taicha ekasiñawa'i eta eyujarasirana eta maye'e ema Viákenu Jesucristo, ema visuapakene'i Vimutu.

1 Corintios 12:13

Taka'e, wa'i étaparakaina te israelita'avipuka, te apawasajueku'avipuka, étaipa te mákenure'avipuka. Té'esera te vikaikachasipa eta vé'isirapa ema Viákenu, étanainepa eta víma'i maicha ema Machanewa Viya.

1 Corintios 12:5

Éneichuware apánapaneneji'i eta vémataneana máijararuana'i ema Viákenu. Émanaichu'isera ema.

1 Corintios 8:6

Vítisera viti vímatiekene'a'i, émanaichu'i ema Viya Vikaiyakene. Ema Jesucristo, ema Tata mapanerechapa eta tatiari'iyare tamutu eta víma'akeneana'i; vítipa vimutu achaneana. Puiti émapa tíjaraka'avi'i eta vítaresira.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Efesios 4:13

apaesa yátupina wákuti wámutu eta máuriwa'i ema Machicha ema Viya; táitekapawanewareni eta sache eta viúrujisirawaya, tájinapa ta'apapika'avima'i eta vé'isira'i; vítamuturukaripa'ini tamutu eta vítukakeneana'i tási'akeneana'i me Cristo. Wákutipaini ema tamutu eta máitupajijiasirawa'i.

Filipenses 2:11

Námutu nakunachayare yátupi ema, Jesucristo ema Viya, taka'e, tétavikawa'i eta majaraiwa ema Viya Vikaiyakene.

Filipenses 3:8

Taka'e, eta nímaira'i, wá'ineni étaparakaina'ini taye'e eta viúchukuiraya. Puiti nínajikapa tamutu eta júkana, taicha ti'apapikanu'i eta né'isirayare'i ema Cristo, táichaware wa'i tákuti'ini eta táetaviuchirawa'i eta táuriwa'i eta né'isira'i ema Nákenu Jesucristo. Puíticha tamutupa némitisika. Emachucha nukaemataneaka'i

Tito 1:1

Eta najure nuti Pablo, mawanaranu ema Viya apústulenu'iware maye ema Viákenu Jesucristo, mawanerunu'i ema, apasea ena manerejiruana'i ema Viya naimatiekene'a eta yátupikene'i makasiñakarewa ema Viya, eta juka tiavi'a'i te juka viawapairu'i,

Tito 1:4

Piti Tito yátupikenevi, nichavi'i taye'e eta vikasiñawaira'i me Viya, taicha eta vimatikenepa'i viti apina'avi. Émainapa ema Tata Viákenu Jesucristo tikatiura'ikene viye'e viti achaneana taetaviucha'ini eta piuriwayare te mamira'u.

Hebreo 13:7

Échayare ena tímituka'eana'i tímisama'eana'ini eta máechajiriruwa ema Viya. Epanerecha eta naicharakawa'i eta naitaresira'i eti, epamikawa ekutiyare ena eta nakasiñawaira'i me Viya.

Hebreo 6:6

Te'esera te nachawa nakipaikawa, waipa warata'a vimichawa maye'e ema Viya taicha enapa tiapecha naemetataka'i ema machicha ema Viya tási'a nakaeka'ipa'i tamutu eta naichararakawa'i.

Santiago 2:18

Áninapapuka eka'eyare: “Piti yátupi eta pikasiñawaira'i me Viya, nutisera nimereka'i eta nichira eta taurikeneana. Pimechanu eta pikasiñawaira'i me Viya, tajinasera picha'ini eta taurikeneana, nutisera nimechaviyare eta nukasiñawaira me Viya, étapa eta nichira eta taurikeneana.”

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

San Judas 1:20

Étisera némunarukeneana nuparapenaveana, étumechakakaya eta esuapiraina eta é'isira'i ema Viákenu. Ísapawayarewa tímituka'e ema Machanewa Viya eta eyujarasirana.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.