Efesios 4:4 - Táurinakene máechejiriruwa’i ema Viya tikaijare

⁴ Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

Efesios 4:4 ပူးပေါင်းရင်းမြစ်များ

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

Hechos 15:11

Véchaipa'isera yátupi eta viúchukuiraya táichavene'i eta makatajisira'avi'i ema Viákenu Jesucristo. Ena apawasana, wá'iware étaparakaina eta naikutiaraina ena.

Romanos 11:29

Taicha ema Viya, tamutu eta máijararuana'i, wa'i máemepururekaima'i. Máitauchayare'iwa tamutu eta máichuarapiana.

1 Corintios 10:17

Yátupi apánapaneneji'avi'i víti, visimutuwakeneana'i, émanarichu'isera ema viáwa'aru'i, eta vinisira'i eta pan, étaichu'i te máijare eta viyujarauchira'i.

1 Corintios 12:20

Yátupi tisimutu'i eta táitupajijiasirawana'i eta viáke'e, etanaichu'isera eta távi'a'i.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

Efesios 1:18

Nuyaseaka'iware ema yátupina eta ekaikutiarairaya, eti máichu'akeneana'i ema, eta táetaviuchirayare'i eta viúrikakarewayare te jena sácheyare vikuchapakene'i, nuyaseaka'iware ekaikutiaraya eta táetaviuchirayare'i eta táurikakarewayare eta viávi'aya te anuma, víkuchi'i viti machanerana ema Viya.

Efesios 2:16

Eta máijararesira'i eta máke'e te crusu ema Jesucristo, makaepa'a'i eta tapamisira'avini vé'ika eta wanairipiana, étapa eta naye'erepiana. Puiti vimutu viti vé'ikana'i ema Jesucristo étamuri'avipa máicha.

Efesios 2:18

Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

Efesios 2:22

Ema Machanewa Viya tetavikawa'i eta maitupajijiasirawa'i ti'etamuricha'avi'i, je'ewarenapa machanera'avinapa.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Efesios 5:30

víti tímikutijirikawa eta táunawana'i eta máke'e táichavene'i eta viáwa'asira'i ema. Taicha eta make'e'i ema Viakenu Jesucristo.

Colosenses 1:5

taicha ekuchapawainapa eta esiapiraya taye'e eta máwasa anuma ema Viya. Viúrisamurewa'i eta visamairisira'i eye'e, Ichape eta viúrisamurewa'i eta táuriwa'i esama eta metarapi, eta yátupikene máechejiriruwa ema Viya

Colosenses 3:15

Ísapawaware maye'e ema Cristo makanaraka'e tamutu eta epanereruana, taicha taka'e'i eta máichuira'e'i, mawara'a'i etanayaréichu'i eta epanereruana eta iúrujiasirakaka'i. E'asulupayacha'iwaréni tamutu sácheana.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

1 Timoteo 1:1

Ema Pablo maye'e apústule ema Jesucristo. Mawanekasiwa'i maye'e ema Viya. Makatiura'ikene'i viye'e, émapa ema Viákenu Jesucristo, ema vikunekene'i eta mápechirawayare tichawa,

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Tito 3:7

etasera te taekenapa eta majakapira'avi'i tijaraka'avipa eta tauriwayare eta vitaresira etapa eta vijachapirayare eta vikuchi'i maichekuarakirenapa eta vitaresira.

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.

1 Juan 3:3

Tási'a, vimutu víti vikunewayare eta vikutiraya ema Jesucristo, puiti wákutikaka viúri'ini tákuti'ini eta máuriwa'i ema.