Efesios 4:32 - Táurinakene máechejiriruwa’i ema Viya tikaijare

³² Táitsiwa étaviuchayare eta iúriwayare naye'e nákani apamuriana, ejapanura'iyare. Te tatiari'ipuka eta náejekapirawa, ejapanukakayare, taicha ene maka'e'i ema Viya eta majapanuira'e'i máichavene'i ema Cristo.

Ignaciano

³² Táitsiva étaviu­chayare eta iúrivayare nayehe nácani apamuriana, ejapa­nu­ra­hiyare. Te tatiari­hipuca eta náejeca­pirava, eperdo­na­cha­ca­cayare taicha ene macahehi ema Viya eta maperdo­na­chi­rahehi máichavenehi ema Cristo.

Efesios 4:32 ပူးပေါင်းရင်းမြစ်များ

San Mateo 6:12

Pájapanu'avi eta viviurewana piye'e, takuti eta vijapanuirawaka'i viti ena tiviucha'avina'i.

Marcos 11:25

Éneichuware, te éñauchawa emetavika eti, eta naviurewana'i nákani tejekapawana'i eta eye'e. Apaesa éneichuwa maemetavika'e eta eviurewana ema Tata Vikaiyakene tiavi'a'i te anuma, tamutu eta epekaturana.

San Lucas 1:78

Taicha ema Viya ichapekene'i eta majapanuira'avi'i, mamina'avipa'i te anuke'e takuti'i eta sache te yatikara'i,

San Lucas 11:4

Pájapanu'avi eta viviurewana piye'e, takuti eta vijapanuirawaka'i viti, ena tiviucha'avina'i Wa'i pikuisapa'avi vicha eta tamaurikene.’

San Lucas 17:4

Tayanapane siéte'enapuka máejekapawa te étana sache, máeñeuchawasera eta piye'e te maka'epuka: ‘Waipa napechawaima'i nejekapawa piye'e’, tituparakavi pijapanuyare.”

San Lucas 6:35

Étisera émunakayare ena tikatianaka'eana'i, tási'a íchayarewa eta táurikeneana, tási'a íjarakaware eta nakamukeneana nákani tikapuka'eana. Wa'i ekukuchapa eta náitsirijirapiyare. Eta taka'e'i eta ímereuchirawa eta machicha'eira ema Tata Vikaiyakene. Taicha ema, tétavikawa'i eta máuriwa naye'e namutu, énaipa ena wínarajikeneana máechawara'ana'i.

San Lucas 6:37

“Wa'i ekunema'i eta náejekapirawana ena apamuriana, machu étaina táimikuñaka'e eti me Viya. Te máejekapawapuka mákani achane, wa'i ekuwara'a makaikuñawane, apaesa wa'i makuikuñaka'e eti ema Viya. Ejapanu ena téjekapawana eye'e, apaesa majapanu'e ema Viya.

Hechos 28:2

Nakamuruekechapa eta yuku, tíchu'a'avianapa viásakawayare'i, taicha vikasarechawakapa'i, taicha tikiwaucha'avi'i, énapa títati'aviana'i.

Romanos 12:10

Tiápajukawainapa eta émunajirisirakakaina eta echamurikakaira'i. Yátupina eta epikauchirakaka'i.

1 Corintios 13:4

Té'esera yátupi'i vémunara'i, vikamichayare tamutu, vijapanura'iyare. Wa'i vikapinaruima'i nákani. Wá'iware pínkanilla'avima'i. Wá'iware vikasiñawawaikaima'i,

2 Corintios 2:10

Nuti apanaware nujapanu'iware ema maka achane te máijare ema Cristo. Táurikapa ejapanukaka, ekutiranuyare eta nujapanuira'e'i.

2 Corintios 2:7

Puiti táurikapa ejapanu eta máichawakenewa'i. Ekurisamurechainapa ema, apaesa wa'i makuwayuchawa eta makatisamurewa'i, máinajikawapuka.

2 Corintios 6:6

Kapacha eti ímati'avi'i yátupi'i eta táuriwa'i eta vítaresira. Ímati'iware eta vikaimitukasi'i maye'e ema Machanewa Viya. Yátupikene'i eta némunaraiwa'i,

Efesios 5:1

Puiti eti machicha'eipa'i ema Viya, máemunarukene'eipa, tási'a ákutipa ema eta máuriwa'i.

Santiago 5:11

Ichape eta nakunachakarewa'i eta viye'e nákani tikamichana'i eta nátajiwana'i. Échaichu'i eta makamichira'i ema Job. Écha'iware eta táurikene'i máijarakasi'i me Viákenu. Taicha tétavikawa'i eta majapanuraiwa'i ema Viákenu.

2 Pedro 1:7

Epamikawa'iwareni iápajukaya eta émunaraiwa'i naye'e ena echamuriana, ekajirayare, epamikawa'iwareni eta émunaraiwa'i naye'e ena apamuriana achaneana, tayanapane wa'i náe'ika'avi'ini.

1 Juan 1:9

Té'esera vitupiruwa'i eta vimetauresirawa'i eta vikapekaturairana maye'e ema Viya, je'ewarepa vikasiñawainapa maye'e ema Viya, ema matapijraware, japanupavinapa eta vichira eta vipekaturana, tási'a tepachinacha'avinapa eta taiñema'ikeneana vipanereruana.

1 Juan 2:12

Eti nuchichachichana, nukajure'e taicha nécha'i eta maepachinachira'eipa ema Viya eta epekaturana émavene'i ema Jesucristo, ema maepachinachaipa eta vipekaturana etipa amaperuana