Efesios 4:30 - Táurinakene máechejiriruwa’i ema Viya tikaijare

³⁰ Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.

Ignaciano

³⁰ Vahi ecuisapava ícha jácani tamauri­queneana, machu ímipa­ne­rereca ema Espíritu Santo, émaripa ema sántoquenehi, tiávahá­ca­heripa éma. Eta mávahá­si­rahehi tímicu­ti­ji­ri­ca­vaipahi eta ecamarcahi, taicha ímati­ca­réipahi eta machane­ra­héirahi ema Viya; puíticha, étapa eta te títecapapa eta jena sácheyare viúchucui­rayare.

Efesios 4:30 ပူးပေါင်းရင်းမြစ်များ

Marcos 3:5

Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane. –Pikánukecha eta piwa'u. Ema achane énewanepa makanukecha'i eta mawa'u, tási'a tinarakapa.

San Lucas 21:28

Te íma'apa tanakuchawapa eta juka, échainapa eti, taicha tiáne'ipa eta nítekapiraya nukatiuchirá'eyare.”

San Juan 3:33

Vítisera viti visuapana'i eta mametarapiana, vímati'i eta yátupi'i eta máechajiriruwana ema Viya mámakeneana'i ema maka Jesús;

Hechos 7:51

“Puíti'ipa eti –Timiyanawapa, maka'e ema Esteban –enanakana maepiyaichu'i maiturereana, makiñasi'e, murakasamure'eware ekuti ema kapekaturara'iana. Epiyaichu eta emasuapira'i ema Machanewa Viya. Eti, eta epanereruana takuti eta napanereruana ena iáchukanaveanaini eta nawinarajiwana.

Romanos 8:11

Táichavene eta máwa'asira'eipa puiti eti ema Machanewa Viya, ema kaechepuka'i ema Jesús, ema tiawa'aka'e'i eti. Émaparakaichu'i ema tikaechepuka'i te maekari ema Jesucristo. Émaichu tikaechepukayare eta iáke'eana tíjaraka'eyare eta arairu itaresiraya. Ema Machanewa Viya ema tiawa'aka'e'i eti.

Romanos 8:23

Ema Machanewa Viya máitsiwachaipa eta viáchanewana. Waipa táesachaima'i vicha eta pekatu. Wáipaware víchaima'i eta tamaurikeneana. Tási'a, títauchawainapa eta makachichaira'avinapa ema Viya.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 15:54

Te tamutupa eta táitsiwachirawayare eta viáke'e, títauchawainawarepa eta tametarapiana'i eta Takapika'ukene Ajureka: “Ema Viákenu makaepa'aipa eta vépeniraini.”

1 Tesalonicenses 5:19

Wá'isera ekuemepurureka eta mawara'akeneana'i maicha ema Machanewa Viya eta eye'e.

Hebreo 10:29

Tétavikawa tamurakawaya eta náikuñayare ena témepururekana'i ema Machicha ema Viya, nákaini kaeka'iana'iware ema Machanewa Viya, taicha náemepurureka'iware eta máitine máepusairu'i ema Cristo, étara viwacha'i eta majakapira'aviyare'i ema Viya.

Hebreo 3:10

Eta taka'e, te táekenepa, nusemapa naye'e ena nani achaneana, taicha ena, táetaviucha'i eta táejekapirawa'i eta nasamureana. Taka'e nuka'epa: ‘Wa'i tetupikawa eta napanereruana te namamureana, wa'i náwara'a'ini náimati'ini eta táurinakene achene, nuwanairipiana nuti.’

Hebreo 3:17

¿Naja'asika ena timiyusemakana'i ema Viya eta tayerewa'i eta sacheana cuarenta añu'i? Enara ena tikapekaturana'i, namutu tiakipaikawana tepenarakana'i taye'e eta mawapa'i wama'i.