Efesios 4:29 - Táurinakene máechejiriruwa’i ema Viya tikaijare

²⁹ Wá'isera ekunakajakachawa eta tájiparakana echéjirirukawana tamaurikeneana. Tátupiruwa eta échejirisirawaina, apaesa étaina eyuchusi'a eta nasuapiraina nákani tisama'eanayare, eta tétupirikayare eta nasamureana ena.

Ignaciano

²⁹ Váhivare ecuna­ca­ja­cachava eta tájipa­rácana echáji­ri­ru­cavana tamauri­queneana. Tátupiruva eta échaji­ri­si­raváina apaesa étaina eyuchusiha eta nasuapiraina nácani tisama­hea­nayare, éta tétupi­ri­sa­mu­re­cha­va­cayare éna.

Efesios 4:29 ပူးပေါင်းရင်းမြစ်များ

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

San Lucas 4:22

Namutu'i tiuri'i eta naechejisira'i maye'e ema Jesús, tási'a nárami'i eta maichakeneana'i. Taka'e naka'epa: –¿Wa'i émaina ema maka, ema machicha ema José?

San Juan 1:37

Ena apinana máimitureana ema Juan, eta nasamira'i eta juka, tiyanapa naé'ika'i ema Jesús.

Romanos 14:19

Taka'e, vitanukayare eta viúriwaya, apaesa vétumechakaka.

Romanos 15:2

Emutuchuchasera eti, ekurisamurechaya ena eparaepiyana. Éñamawa eti eta náurikakarewayare, apaesa tápajukawapaipa eta nasuapiraina eta vé'iru'i.

1 Corintios 14:19

Étasera te nukametarairuyare te namuri ena vichamuriana, wa'i nuwara'a nákuti ena tiúpiemana eta náechejisira te apaechejiriruwana, nuti ánipichu te néchejika, tamutu'isera tikaikutiarakare'i naye'e ena nímitureana'i.

Efesios 4:12

Taicha ema, mawara'a'i máetupirikayare'i tamutu te etaraku eti machanerana, mawara'a'iware vitiari'iyare viti vítatijirika'eyare eti vichamuriana, vikajurusira'eyare'i eta é'isira'i ema

Efesios 4:16

Ema viákenu Jesucristo ema'i ema tikurujika'i ena vichamuriana, nímikuticha'e'i eta viáke'e, kamuri' eta táunawa'i eta viáke'e; étanaichu'isera, tatiari'isera taematanepachu, tiuri'isera eta takaematanera, ene taka'e'i eta vikaemataneasirayare, taye'e eta maijararu'avi'i vitukakenepachu.

Colosenses 4:6

Táuriware eta ejikapiraina te natiari'inapuka nákani tiyasereka'eanayare. Tátupiruwa tauri eta échejirisirawana, tapikauchakare'i.

1 Tesalonicenses 5:11

Eta taka'e, étumechakaka, ékatiakaka, nuti nukasiñawa'i eta eye'e eta íchirapaipa puiti eta juka.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Pedro 3:1

Takutikene eti esenana ekaimakeneana, epikauchayarewa ena ímanaveana, apaesa mákani wa'i masuapa'ini eta máechejiriruwana ema Viákenu, ekajimuyaka eta nasamureana táichavenena'i eta iúriwa'i naye'e,

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.