Efesios 4:24 - Táurinakene máechejiriruwa’i ema Viya tikaijare

²⁴ Tási'a, apanainapa eta ítaresiraya. Yátupi eta ekake'eraina ema Viya, ákutini ema eta máuriwa'i.

Ignaciano

²⁴ Tásiha, apanainapa eta ítare­siraya. Yátupi eta ecaque­héraina ema Viya, ácutini éma eta máurivahi étapa eta masantuvahi.

Efesios 4:24 ပူးပေါင်းရင်းမြစ်များ

San Lucas 1:75

eta víchiraya eta taurikeneana, tási'a vika'erayare'i te mamira'u ema tamutu eta vítaresira.

San Juan 17:17

Píjarakawaka'ini eta náuriwaina'ini eta piye'e, náitusiraina'ini kápachi eta péchejiriruwana yátupikeneana te nasama eta pechejiriruwa.

Romanos 12:2

Éneichuware eta ítaresirana, waipa ekue'ika eta taye'erepi eta juka apake'e, ítsiwachapasera eta epanereruana, apaesa támutupa apanaina'i eta ítaresiraina, tási'a, ímatisarepa eta mawara'akeneana'i ema Viya, ítukayarewa icha eta táurikeneana. Ekurisamurechayare ema eta íchira eta tatupiruwakeneana'i.

Romanos 13:12

Eta vikuchapiraipa eta machavirayare ema Viákenu, takuti'i te vikuchapaipa te jena yati eta tijarara'i. Puiti víma'apa eta tajara'ikene. Tási'a, ínajikapa eta íchakeneanaini te timapiku. Puiti tiápajukawasera eta iúriwana, étapa eta íchakeneanaina te tijara'i.

Romanos 13:14

Tási'asera, ímereka eta iúriwaina. Ákuti ema Viákenu Jesucristo eta máuriwa'i ema. Waipa ekusuapa eta tajamurachakeneana'i eta iáke'eana. Wá'iware ekupanerecha eta íchiraya eta.

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Romanos 7:6

Puítisera waipa tapamika'avi'ini eta wanairipiana. Puiti viúchukurepa eta ichasi vítaresiraini, taicha tépanawaipa eta arairu vítaresira eta máwa'asira'avipa ema Machanewa ema Viya.

Romanos 8:29

Akaneipa'i eta máimatira'avi'i, tinerejika'avipa machicha'aviyare'i. Mawara'a'i ema vikutiyare ema Machicha Jesucristo eta máuriwa'i. Tímikutijirikawayare'i viparapeya ema, véchavimuri'i eta makachichaira'avi'i.

1 Corintios 15:53

Taicha tatupara'a'i eta viáke'e tikaitsiwayare, máepenakakainapa. Máichekuarakirenapa eta vítaresiraya.

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:16

Eta taka'e, wáipaine'i vikainajiruwaima'i. Tayanapanepuka tivitaji eta viáke'e, étasera eta viáchanewa tétavikawaichucha eta tatumewa tamutu sácheana.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

Gálatas 3:27

Puiti, eta ekaikachasira'i te máijare ema Jesucristo, tiáwa'aka'eripa ema, eti ekutinapa eta máuriwa'i.

Gálatas 6:15

Tajinapa taichakenerepina eta vinakapuka wa'ipuka eta vikutiarana eta te viake'eana. Étasera eta tiuripana veperajikaya, étara eta táepanirawa'i arairu eta vítaresira.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 2:15

Makaepa'aipa tamutu eta taichakeneana'i eta wanairipiana, táichavene'i eta apawasana'avira'i. Táitusiawa tiúricha'avipa vimutu maye'e ema Viya.

Efesios 6:11

Akasiñawa taye'e eta maitupajijasirawa ema Viya eta maijararu'e'i, apaesa árata'a te taitekapa'aka'e eta mawayuaraki ema wínaraji, mawaraira'i timiakipaika'e

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 1:8

Ánisera taka'e'i eta táechejisi'aira'i ema Cristo: “Máitawakakayare'i eta akenukavirayare, tétavikawa eta tatupiruwairayare'i eta piwanairipi.

Hebreo 12:14

Takuijaware ekuichirawaina'i naye'e namutu ena achaneana. Yátupina eta epáchinawaina te esamureana étapa eta iúriwa eta ítaresirana. Taicha te wa'i tiúri'i eta ítaresirana, wa'i ítekapauchaima'i ema Viákenu.

1 Pedro 2:2

Ákuti ena amuyana nauchusirawana ichape eta nawaraira eta terana eta leche tipachiama tiurinama, apaesa eta tikajurukayare'i tauri eta najurusira nauchuku'a.

2 Pedro 1:4

Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.