Efesios 4:2 - Táurinakene máechejiriruwa’i ema Viya tikaijare

² Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Ignaciano

² Yátupina eta emansuvaina, étapa eta iúrivaina. Ecayehe paciencia. Ecami­chayare jácani te ticaviu­re­va­napuca nácani echamuriana, táichave­nénahi eta émuna­si­ra­ca­cainahi.

Efesios 4:2 ပူးပေါင်းရင်းမြစ်များ

San Mateo 11:29

Ísapawa nunakasika'e eta nuye'e yubu, tási'a ekarawa'u nuye'e, taicha núti mánsunu, tétavikawa eta núriwa eta nusamure. Eta taka'e ejachapayare eta enarasirayare.

Marcos 9:19

Ema Jesús majikapapa: –¡Tétavikawa eti achaneana emasuapajiraiwa, wa'ikene akasiñawa'ini me Viya! ¡Kúverarekapa eta nukamichira'ena'ini! Iáma ani ema amaperu.

Hechos 20:19

Tamutu'i sacheana nukaemataneaka'i ema Viákenu, wa'i nusemaima'i taye'e tamutu eta níchawakenewana'i naicha ena nujaneanana israelítana, nawaraira'i títaekene'anuana, tasapi'a tikaiyakanu naicha eta namásuapajiraiwana.

Romanos 15:1

Taka'e, viti vímatiana'i eta táuriwa'i eta vinisira'i eta jákani tinikakareana, tituparaka'avi'ipa véchapajirikawakaya ena vichamuriana tímijachana'i wa'i táuri'ini eta nanisirapuka. Wákaye'e pakamichawa naye'e. Waipa vipanerecha'ini étachucha vikurisamurechirawa vítijirikawa.

1 Corintios 13:7

Te yátupi'i vémunara'i, vikamichayare tamutu, enewane visuapayare tamutu, vikuchapa tamutu, wa'i víja'uchawaima'i vínajikawa.

Gálatas 6:2

Ímikatakaka eta ekatiuchirawaina eta jákani íchararakawana'i, ene taka'e'i eta ítauchira'i eta mawanairipi ema Viákenu Jesucristo, étaipa eta vémunasirakakayare'i.

Efesios 1:4

Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

1 Timoteo 6:11

Pítisera wa'i pikupanerecha eta juka mamawara'akeneana ema Viya, pérajikawa taye'e, taicha mawanaraviripa ema, tátupiruwa'i eta pisamure maye'e ema, taimiyanawa eta juka táuriwa'i eta pítaresira, tauri eta pé'isiraina, pémunaka yátupina, pikamichayare tamutu, yátupina eta pimansuwaina te pisamure.

2 Timoteo 2:25

enaipa ena viánarana'i, tiúriyare eta véchejirisirayare. Vikuchapayare eta táetupirisirawaina eta napanereruana, máijaraka'ini ema Viya nasuapiraina eta máechejiriruwa,

Santiago 1:21

Eta taka'e ínajikapa eta tamaeperajisira eta iáchanewana, taicha tétavikawaware eta tapamisira'avi'i icha eta tamaurikeneana, puítisera nutuparaka'e, ínajikapa tamutu eta júkana, ekasamureyarepa eta máechejiriruwa ema Viya eta ímitukasiwana'i, yátupina esuapa, jé'eware, eta tikuchuku'a'eyare eta iachanewana.

1 Pedro 3:15

íjarakawasera yátupi eta é'isira ema Viákenu. Te nayasereka'epuka eta takayema'ipuka eta é'isira'i ema Cristo, táuri eta ejikapirawaka taye'e eta ekuchapakene.

1 Pedro 3:8

Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.