Efesios 4:17 - Táurinakene máechejiriruwa’i ema Viya tikaijare

¹⁷ Eta juka numetarapiana eye'e, nutuparaka'eicha, taicha matupararunu'i ema Viya: waipa ekuapecha ekukicha eta náichakeneana'i ena máimatira'ana'i ema Viya, náicha'i ena eta náitaresira'i jákani tawara'akeneana'i eta napanereruana

Ignaciano

¹⁷ Eta juca numeta­rapiana eyehe, nutupa­ra­cahéicha taicha matupa­ra­runuhi ema Viáquenu. Nucava­nai­ripipa puiti: Vaipa ecuapecha ecuquicha eta náichaque­neanahi ena máimati­ra­hanahi ema Viya, náichahi éna eta náitare­sirahi jácani tavara­ha­que­neanahi eta napane­reruana súnsurupiana.

Efesios 4:17 ပူးပေါင်းရင်းမြစ်များ

San Lucas 16:28

mametapana'ini ena sinkukeneana nuparapenaveana, eta náeñauchirawaina ena, apaesa wá'ini nakuiteka'ini te juka návi'a'i nuti nukatajiwaiya'i.’

Hechos 14:15

–Tátanaveana, ¿taja'a takayema icha eta juka? Víti'ichu ekutikeneana achaneana. Tímiteka'avi'i vimetapana'e ínajika eta juka eye'erepiana'i, e'ikayaresera ema Viya, ema yátupikene'i tisama'avi, ema tépiyaka'i eta anuma, eta apake'e, eta ichape une, tétupirika'i tamutu eta víma'akeneana'i.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 2:40

Taka'e'i eta juka máechejiriruwana'i ema Pedro. Ichape eta maecheirikawaka'i, ániwarepa máichawaka'i: –Ínajika eta ewínarajiwana. Érajikawa naye'e ena tíchana eta tamaurikeneana.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Romanos 1:21

Tamapuruji'isera eta náimatira'i ema Viya, wa'i náwara'a'ini nasuapa'ini; wá'iware napikaucha'ini, wá'iware na'asulupayacha'ini ema, tétavikawa'i eta táejekapirawa'i eta napanereruana, étachucha napanerecha'i eta tájiparakana, tajinapa naechakenena taichavene eta namurakasamurewana.

1 Corintios 1:12

Nuwara'a nimikaecheracha'e, natiari'ira'i eye'e eti ena tika'eana: “Víti viúripana'i viti vé'ikana'i ema Pablo”, ena apamuriana éneichuware naka'e'i: “Vítira viúripana'i viti vé'ikana'i ema Apolo”; ena apamuriana éneichuwareji naka'e'i: “Jé'ewaresera víti viúripana'i viti vé'ikana'i ema Cefas”, ena apamurianaware naka'ewa: “Vítira viápajupanawa'i viúripana'i viti vé'ikana'i ema Cristo.”

1 Corintios 15:50

Nuwara'a níminekapaekene'a'eyare, nuparapenaveana, eta veche máteji wa'i étaima'i tisiapayare te máwasa ema Viya. Tínapukayare'i tikaitsiwa eta veche máteji, máepenakakayare'i eta.

2 Corintios 9:6

Némecha'eyare jukari'i eta echéjirirukawa, ani taka'e'i: Mákani achane ánikuchichaichu eta máesane máewaru'i, ánimurichichaichu eta mave'ayare eta táwame eta máesane. Mákanisera ichapepana eta máesane, ichapemuriware eta táwame mave'akeneyare.

Gálatas 3:17

Tiuri puiti, nuwara'a nímikaecherachaya eta eye'e: Eta juka makaejaru'i eta maechejiriruwa ema Viya maye'e ema Abraham, majuchakene'i te mawaú eta máijarasirayare eta náurikakarewaya nákani tikasiñawana eta maye'e. Étasera eta táetavisirawa'i eta cuatrociento treinta, áñuipa'i, te májuchapa ema Moiséini eta wanairipiana'i, wa'i makaepa'a'ini ema Viya eta makaejasira'i eta maechejiriruwa, wá'iware máitsiwacha'ini eta máijarasirayare'i ema Jesús, mámariekene'i ema Abraham.

Gálatas 5:3

Énerichuware numetaka'e, namutu nákani ajairana tísapawanayare nanaka eta naikutiara, takamunu'i náitauchayare tamutu eta wanairipiana, tájina ánichichaima'i náejeki'aima'i eta.

Efesios 1:22

Ema Viya makaejaka'i ema técha'i tamutu eta tatiari'ikeneana, émaipa Vikaiyakene'i vimutu viti machanerana.

Efesios 4:22

Tási'a puiti, waipa ekuesacha echáwaucha eta ítaresiraini'i akane echipejirikawa'i taicha tiwayuaka'e eta ejamurachira'i eta tamaurikeneana.

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

Colosenses 2:4

Eta taka'e, nutuparaka'echa, wa'i ekuisapawa na'apapika'e ena tiyurura'iana.

1 Tesalonicenses 4:6

Nakuija nakuve'a esu mayena ema mákani echamuri. Taicha ema Viya, yátupi eta máikuñasirayare nákani ena tíchana'i eta juka. Étaichu'i eta vímiturapiana'i eye'e kape juka te vítekainapa eta ara eye'e.

1 Timoteo 5:21

Nutuparakavicha muraka, pítauchayare yátupina eta juka numetarapiana'i piye'e, wa'i pikunerejikawaka, nákutikaka eta píjarasiraina eta piye'e justicia.

1 Timoteo 6:13

Puiti, tímararakavi'i ema Viya eta nutuparasiraviya, ema, tikaitareka'i tamutu eta víma'akeneana'i eta te juka apake'e, tímararakavi'iware ema Viákenu Jesucristo. Pécharichu'iware eta matupiruwaira'i eta máimereuchirawa'i ema te mamira'u ema Poncio Pilato,

2 Timoteo 4:1

Puiti nutuparakaviyare muraka te máijare ema Viya, émapa ema Viákenu Jesucristo. Taicha ema, títekawaneyare eta makawakureiraya te juka apake'e. Viti vítareruanaicha'a énapa ena náepenakeneanaipa vikayasesere'inapa te mamira'u tája'a'ipuka eta vikaemataneasirana'i ema

1 Pedro 1:18

Ema Viya tikuchuku'a'eipa taye'e eta tamauriwaini'i eta ítaresirana, iámapirikaicha'a eta naye'erepianaini ena iáchukanaveanaini. Échaichu'i eti eta mawacharesira'e'i ema Cristo eta iúchukuira'i, wá'isera plátaina'ini, úruina'ipukaini,

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.