Efesios 4:14 - Táurinakene máechejiriruwa’i ema Viya tikaijare

¹⁴ Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

Ignaciano

¹⁴ Mavara­ha­hivare vimutuyare vímatie­queneha. Vaipa vácutimahi ena amuyana, témuna­na­si­ri­ca­va­na­richaha éna. Tísapa­ji­ri­ca­va­na­richaha navayuaca tayehe eta apana náimitu­rapiana ena títurué­que­nehana tivayua­recana, napami­si­ra­vacahi namutu náehica eta tamauri­queneana.

Efesios 4:14 ပူးပေါင်းရင်းမြစ်များ

San Mateo 11:7

Te tiyananapa ena, ema Jesús tépanawapa téchejika'i, máechejisi'apa ema Juan, maka'epa: “¿Te eyanapa eti te máwapa'i apake'e, naja'a ima'apana'i? ¿Eta taflurena eta akutena te takayamurijiru'i eta tékatikawa?

San Mateo 24:11

Natiari'inawarepa nákani tépiyakawanayare profetana, tási'a kamurianayare ena achaneana nawayuaruanayare.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

Hechos 23:21

Wá'isera pikusuapawaka taicha kuarentana'i ena ajairana tikuchapana'i te pikuchukapa ema. Taicha naitauchayare'i eta nakapasiraya ema Pablo, tási'a napaenumawainapa tinipananainapa. Puiti, pítinecha nakuchapa'i te pisuapayarepuka ena.

1 Corintios 12:2

Échaichu'i eti, te wicha'a émaina'ini é'ika ema Viákenu Jesucristo, ísapajirikawaicha'a é'ika eta nasiñarajiana tájinakene'i eta tajíkaparaiwaina'ini.

1 Corintios 14:20

Nuparapenaveana, eti waipa amaperu'éna'ini. Nuwara'a táuripaini eta epanereruana, eta íchirayare eta táurikeneana. Nuwara'asera ákuti'ini ena amaperuana eta ichiraya eta tamaurikeneana, étisera ákutipa ena achaneana chanaruanapa naitukapa tipanererekana.

1 Corintios 3:19

Taicha eta náitukakeneana'i ena achaneana te juka apake'e, súnsurupianachucha eta máimaira'i ema Viya. Taicha eta Takapika'ukene Ajureka, taka'e'i: “Ena tímijachawana'i náimatiekene'a, énajiwachucha tímiakipaikawana'i maicha ema Viya, taicha eta namáetupisirawana'i.”

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

Gálatas 3:1

¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.

Efesios 6:11

Akasiñawa taye'e eta maitupajijasirawa ema Viya eta maijararu'e'i, apaesa árata'a te taitekapa'aka'e eta mawayuaraki ema wínaraji, mawaraira'i timiakipaika'e

1 Timoteo 3:6

Wa'i tisiapaima'i mákani mapaemunawa'i máe'ika ema Viákenu, machu makasiñawawaika eta masiapira'i eta matupara'a'i. Eta taka'e eta mákipaisirawa'i ema Wínaraji.

2 Timoteo 1:15

Títekapa, péchaichu'i píti eta namáimikatasiranu'i ena náiyara'ana'i ena vichamuriana tikawasana'i te Asia, émaipa ema Fijelo emapa ema Hermójenes tijunijikanuapa énawanerekaina'ini naimikatakanu'ini.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

2 Timoteo 4:3

Taicha titekapayare eta sácheyare ena achaneana waipa nasuapaima'i eta vímiturapiana táurikeneana, étainapa náichayare eta nawara'akeneanaichu. Natanukainapa ena nákani tímitukanayare eta tájiparakana, nakarichuinapa tisamakareanayare naye'e.

Hebreo 13:9

Wa'i ekuisapawa ekue'ika eta jákani apánapanenejikeneana náimiturapiana. Tiúripana étumechayare eta esamureana, táichavene'i yátupikene eta máemunasira'avi'i ema Viya. Étapasera eta naye'erepiana taye'e eta tinikakareana, wa'i étaparakaina, taicha tájinachucha táimikatakawaka'ini ena tikaye'erepiana'i.

Santiago 1:6

Yátupina'isera ákasiñawa me Viya eta eyaseasiranayare eta ítupajijiasirawaya, wa'i ekueñamawa maye'e, taicha te éñamawapuka, tímikutijirikawaipa'i ekuti'i eta táepakusira eta ichape une tékekerekawa'i taicha eta tekatikawa.

Santiago 3:4

Takutikene eta ichape pakure, táewatajikaneni muraka eta tékatikawa, étapa eta tajunapira muraka eta une, tarata'ayare'isera táimitupirucha eta taye'e leme wá'ineni ichapena'ini, ema piloto máimitupiruchayare'i te jákani mawara'akene mámi'ayarepa'i.

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

1 Juan 2:26

Puiti narari'i ena nawara'ayare tiwayuaraka'eana. Eta taka'e, nukajure'e'i apaesa ekuneuchawa eti naye'e ena témejekapawara'iana.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

San Judas 1:12

Tétavikawa'i eta etsiri'akarewa'i eta náimisiapirawa'i eye'e te iúrujisirawana eta énisirana ena echamuriana, taicha ena, tájina napíkauchakenena'ini te nanisirana. Ena tachutiri'ana enachucha natiwawaika'i, nakuti'i eta úkajiana te ichape sachere'i tajina ta'uneraina. Nakutiware eta yukukiana má'irikireana, eta náichira'i eta táurikeneana, nakutiware eta yukukiana tájikeruana vinereruana, tépuri'apa waipakene tímarukaima'i.

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.