Efesios 4:12 - Táurinakene máechejiriruwa’i ema Viya tikaijare

¹² Taicha ema, mawara'a'i máetupirikayare'i tamutu te etaraku eti machanerana, mawara'a'iware vitiari'iyare viti vítatijirika'eyare eti vichamuriana, vikajurusira'eyare'i eta é'isira'i ema

Ignaciano

¹² Taicha éma, mavarahahi máetupi­ri­ca­yarehi tamutu te etaracu eti machanerana; mavara­ha­hivare vitiari­hiyare viti vítáti­ji­ri­ca­heyare eti vichamuriana, vicaju­ru­si­ra­he­yarehi eta éhisirahi éma.

Efesios 4:12 ပူးပေါင်းရင်းမြစ်များ

San Lucas 22:32

nútisera nuyaseuchavi'i me Tata, apaesa wa'i takuemitiaka eta pé'isiranu'i. Piákipaikawayasera, tichawayaresera eta pikasiñairanuya, tási'a pétumechawakainawarepa ena apamuriana pichamuriana.

Hechos 1:17

Taicha ema Júlasi, émainichu'i vichamurini taye'e eta juka vématanerepi'i.

Hechos 1:25

máitsiwayare ema máemitiaru'i, ema apústuleni Júlasi, táimikuñaru'i eta mapekatura.

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Hechos 9:31

Taka'e, tiúrikawanapa ena náumuriwana ena té'ikana'i ema Jesús tiávi'ana te apanana awasareana taye'e te Judea, te Galilea, étapa te Samaria. Tási'a, tétumechakakana'i eta náimiyanirawaya napikauchiraya ema Viákenu. Máimikatamuri'a'iware ema Machanewa ema Viya. Eta taka'e, kamurianapaipaware ena té'ikana'i.

Romanos 12:5

ene vika'e'i víti, kamuri'avi'i, étanaichu'isera eta viake'e'i eta viúrujiasirakaka'i eta vé'isira'i ema Cristo, vímikatakakaira'i eta vikaemataneasira'i ema.

Romanos 12:7

te tíjaraka'avipuka eta vítusirayare vímikataka ena vichamuriana, tatupiruwayare'i te visamure eta vímikatasirawakaya. Nákani náituka'i tímiturekana, wa'i nayakujima'i eta náimituresiraya;

Romanos 14:19

Taka'e, vitanukayare eta viúriwaya, apaesa vétumechakaka.

Romanos 15:14

Nuparapenaveana némunarukeneana, nukasiñawa'i nuti eta eye'e, eta étaviuchiraipa eta iúriwa étapa eta ímatiekene'aira'i tamutu eta máimiturapiana ema Viákenu. Yátupi'iware ítuka'i échejirika.

Romanos 15:2

Emutuchuchasera eti, ekurisamurechaya ena eparaepiyana. Éñamawa eti eta náurikakarewayare, apaesa tápajukawapaipa eta nasuapiraina eta vé'iru'i.

Romanos 15:29

Németeaka eta nítekapauchira'eya, ichapeyare eta viúrisamurewaya eta vétumechirakakayare taicha eta vé'isira'i ema Cristo.

1 Corintios 12:27

Ene eka'e'i eti eta é'isira'i ema Viákenu Jesucristo, eta iúrujisirawa'i maye'e, ekutikaka'i eta táunawana'i eta máke'e.

1 Corintios 12:7

Éneichuware ema Machanewa Viya, víjarakasipachu'i eta vítupajijiasirawayare máicha, vímitusi'ayare'i eta tasimutukeneana'i namutu ena vichamuriana.

1 Corintios 14:12

Tiuri puiti, wa'i takumapuruji eta ewaraira'i ejákapa eta ítupajijiasirawanaya máijararu'eyare'i ema Machanewa Viya, tiúripana eyasesereka eta ítusiraina ímitukawaka ena echamuriana apaesa tajurukapaipa eta nasuapajiraiwaina ena apanawa.

1 Corintios 14:14

Taicha eta viyujarasira'i víti te apaechejiriruwana, te vítapirikapa eta viyujarasira'i, wa'i tánasi'ini véchawa'ini eta vikayemakeneanapa'i, vémitisikawane'i tamutu.

1 Corintios 14:26

Nuparapenaveana, ani taka'eyare eta iúrujisirawanayare. Enerejikawa eti íputsiakawayare eta ejirairaya. Éneichuware tinerejikawayare mákani tíjarakawayare ema tímiturekayare. Éneichuware te matiari'inapuka mákani mawara'a'i tikametarairuyare eta mametakasiwana'i me Viya, tájinachucha táichawa'i. Tísapakare'iware eta échejisirayare te apaechejiriruwana. Takamunu'isera matiari'iyare ema tiapepirikaya. Tamutu eta júkana, étara tikajurukayare eta nasuapajiraiwaiya ena echamuriana.

2 Corintios 12:19

Eti ímijachaipapuka nutanuka'i eta nukatiuchirawayare'i eta eye'e. Wá'isera táka'e'ini. Wa'i táka'e'ini, taicha nuti nutupiruwa'i eta néchejisira'e'i te mamira'u ema Viya étapa te máijare ema Cristo, nuwaraira'i tajuruka'ini eta táuriwaina eta iáchanewana, eti némunarukeneana'i nuchamuriana.

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

2 Corintios 13:9

Ichape eta ekurisamurechira'aviyare te yátupinapa étupirikawa. Étijiwainapa erata'ayare ekaratakawa, waipa nútiparakaima'i. Puiti eta nuyasearapi nuti me Viya, tamutuyarepa tichawa eta táuriwa'i eta ítaresira.

2 Corintios 3:8

¡Eta makaejasira'i eta Arairu maechejiriruwa ema Machanewa Viya, eta nukametarairukene'i puiti, tétavikawa'i eta tápajusirawa'i eta tasuapakarewa'i!

2 Corintios 4:1

Eta taka'e, wá'ikene viyakujiekene'awaima'i eta vikametarairuira, taicha ema Viya tímecha'avi'i eta máemunaraiwa eta matuparasira'avi'i eta juka vikaemataneasirayare'i ema.

2 Corintios 5:18

Ema Viya, tétavikawa'i eta máuriwa'i eta viye'e. Ema, mawara'a'i vipauchayare'i ema. Mawara'a'iware makaepa'ayare'ini eta vipikakarasirawa'i eta víkuñayare táichavene'i eta vipekaturana.

2 Corintios 6:3

Nuti nuwara'a nakuija nakaeka'ini eta vématanerepi viti. Eta taka'e, nupamikawa'i nuti tiúriyare eta nuye'erepiana.

2 Corintios 7:1

Taka'e, némunarukeneana nuparapenaveana, wa'i táwara'a'ini vínajikawa'ini taye'e eta juka vikuchapakene'i puiti. Taka'e, vépachinachayare'i tamutu eta viáke'e étapa eta viáchanewa. Víjarakawayare'i tamutu te visamureana me Viya taicha eta vipikauchira'i ema.

Efesios 1:23

Víti, eta viúrujiasira'i ema, tímikutijirikawaipa'i máke'e'avi'i te juka apake'e, vikaemataneaka'i eta táurikeneana tímikutijirikawa'i émaina'ini makaematane'ini, taicha tamutu eta víchakeneana'i, ema técha'avi'i, tétumecha'avi'iware.

Efesios 4:16

Ema viákenu Jesucristo ema'i ema tikurujika'i ena vichamuriana, nímikuticha'e'i eta viáke'e, kamuri' eta táunawa'i eta viáke'e; étanaichu'isera, tatiari'isera taematanepachu, tiuri'isera eta takaematanera, ene taka'e'i eta vikaemataneasirayare, taye'e eta maijararu'avi'i vitukakenepachu.

Efesios 4:29

Wá'isera ekunakajakachawa eta tájiparakana echéjirirukawana tamaurikeneana. Tátupiruwa eta échejirisirawaina, apaesa étaina eyuchusi'a eta nasuapiraina nákani tisama'eanayare, eta tétupirikayare eta nasamureana ena.

Efesios 4:4

Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

Colosenses 1:28

Eta taka'e, émakene'i ema Cristo véchejisi'a'i víti te vikametarairu. Étaipa te vechejirika, te vímiturekapa'i naye'e namutu nákani achaneana. Viwara'a ítamuturukaipa'ini te táitekapapa eta sache vímeresira'eyare te mamira'u ema Cristo.

Colosenses 4:17

Emetakayare ema Arquipo: “Mameta maitaucha tamutu eta juka maématanerepiana'i, taicha eta matupara'a'i me Viákenu.”

1 Timoteo 1:12

Nuti nu'asulupayacha ema Viákenu Jesucristo, taicha eta máichuiranu'i mawanaranuyare'i, tétumechanu'i yátupi taicha máima'a'i eta nítauchirayare'i eta nutuparakasiwayare'i maye'e,

2 Timoteo 4:11

Makarine'i nukachane'i ema Lucas. Pivenumapa'i ema Marcos, máiteka ema apanaware, tétavikawa'i eta nukamunuira'i ema.

2 Timoteo 4:5

Pítisera pinasiyareichu tájina píchirawaima'i. Pikamichayare tamutu eta pikatajiwairana. Pímiyanawachucha pikametarairu eta máechejiriruwa ema Viya. Pítauchayare eta pituparakasiwa'i.

Hebreo 13:17

Esuapayare nákani tímituka'eana'i, ewapinawayare naye'e eta esuapajiraiwa'i. Taicha ena, tijaneakana'i eta iáchanewana eti. Naecha'i ena eta tikayasere'ianayare'i te mamira'u ema Viya. Ekurisamurechawaka ena eta esuapajiraiwa'i, tawapinakare eta nakaemataneasira'e'i. Wa'i ekuimipanerechawaka eta emasuapajiraiwapuka.

Hebreo 6:1

Taka'e vímiyanawa eta vikajurusiraya eta véchemaraiwa'i taye'e eta juka vé'iru'i, apaesa chanaru'enapa eta itusira, enakikapa eta tainapureana naimiturapiana'i maye'e'i ema Cristo. Waipa vikuchawaikene'awa taye'e eta tajina taechejiriruwaina, vinakikapa eta tamaurikeneana, ve'ikapa ema Cristo, waipa vikukicha eta pekatu eta timikuñaka'aviyarae'i, wakasiñawapa ema Viya,