Efesios 3:8 - Táurinakene máechejiriruwa’i ema Viya tikaijare

⁸ Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Ignaciano

⁸ Vahi németea­ca­vahini nútina­sa­mihini manerejica, taicha nararihihi ena títupa­ji­jia­pa­na­vanahi eta nuyehe. Tijapa­nu­nu­hisera ema Viya. Nútisamipa manere­jiruhi, mavarairahi numeta­panahe eta máichuirahehi éti apana eti apava­sanana, eta ejaca­piraya eta táurica­ca­requene vícuchi maicha ema Cristo. Tétavi­cavaya eta viúrica­cá­re­vayare.

Efesios 3:8 ပူးပေါင်းရင်းမြစ်များ

San Lucas 14:22

Te tichawapa ema makajurure, mametakapa ema mákenu: ‘Tata, nítauchaipa eta juka piwanairipi'i. Jukaicha'asera eta juka téjasi'akareana.’

San Juan 1:16

Tetavikawa'i eta yátupikenera'i maemunaraiwa'i, vijachapa'i vimutu eta vijarakasiana taye'e eta apana vijarakasiana,

Hechos 5:41

Taka'e, tiúchukanapa ena apústuleana te náurujisiawa'i ena tuparairukana, tiúrisamureanapaichucha eta nakaestaira'i, ema Viya máimararaka'i eta vikamichira'i tamutu eta náimikatsiriasira'avi'i táichavene eta vé'isira'i ema Jesús.

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Romanos 11:33

¡Ema Viya, tétavikawa'i eta majapanuraiwa'i eta viye'e, tétavikawa'iware eta máitupajijiasirawa'i! Najina naechaima'i eta mawara'akene maicha, apaesaina'ipukaini naimatiekene'a'ini eta mayani'apa'i.

Romanos 12:10

Tiápajukawainapa eta émunajirisirakakaina eta echamurikakaira'i. Yátupina eta epikauchirakaka'i.

Romanos 2:4

Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 15:9

Ichapemuri'inéni eta némepuruirawa'i nuti naye'e ena apamuriana apústuleana, wá'iware táurika'ini apústulenuina'ini eta nímairawa'i, taicha ichapemuri'i eta nupanajirisirawaka'i ena náinapureana'i machanerana'i ema Viya.

1 Corintios 2:9

Taicha, taka'e'i eta Takapika'ukene Ajureka: “Tétavikawaya eta náurikakarewaya ena nani témunakana'i ema Viya máijarakawakaya eta náikuchi'i ena, etapa eta máima'asiricha'a.”

Gálatas 1:16

Tási'a, tímimatichanu'i ema Machicha, taicha mawara'a'i nukametarairuyare naye'e ena apawasana eta makuchukuirayare namutu ena tisuapana ema Machicha, wá'isera nutanuka'ini nákani náimitukanu'ini eta nukametarairuirayare, nájinaware nuyasereruina;

Gálatas 2:8

Émaichu'i ema Viya tiwaneka'i ema Pedro apústuleyare'i naye'e ena israelitana, taka'e nuti tiwanekanupa apústulenuyare'i naye'e ena apawasana.

Efesios 2:7

Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

Efesios 3:1

Eta mawana'i ema Pablo naye'e ena machamuriana

Efesios 3:16

Nuyaseaka ema máijaraka'eni eti, ichapena'ini eta ítupajijiasirawa étapa eta étumewaina'ini te iáchanewana, maicha ema Machanewa Viya. Taicha ema Viya, tétavikawa eta máitupajijiasirawa, wá'iware mayawanaima'i,

Efesios 3:19

Nuyaseaka'i ema Viya eta erata'airaina ákaikutiaraina eta maemunasira'avi, ichapepana'i taye'e eta vimatiraipa taye'e eta vipanereruana, apaesa ejákapa tamutu eta maikure'avi' ema Viya.

Efesios 3:2

Taka'e eti échaipa eta matuparasiranu'i ema Viya eta nukametarairuiraya eye'e eta maechejiriruwa, asulupaya eta maemunasira'avi'i, tikuchuku'a'avipa.

Filipenses 2:3

Eti eta ítaresiraina, takuija eta ekasiñawawaisiraina, wá'iware ekuimijuki'a eta ewara'akeneana, nuwara'asera ímereka'ini eta emansuwaina naye'e ena echamuriana; éna'i émunarukeneana'i, ima'a ena apamuriana tiuripanana eta eye'e eti.

Filipenses 4:19

Máima'a'eine ema Viya, ema, máitsiwachayare tamutu eta enakiruwana'i, tíjaraka'eyare jákani ekamunuirawana, éma'i téchayare'i ema Viákenu Jesucristo.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

1 Timoteo 1:13

ema, tituparakanu'i eta juka, ichapemuri'inéni eta néjekapirawa'i maye'e, tíñema'i'i eta néchejiriruwana'i maye'e, nupanajirikawaka'i ena náinapureana'i té'ikana'i ema, tijapanunu'isera ema, wícha'a'ineni nusuapa'ini né'ika'ini ema, taicha wa'i nécha'ini ema'inénipuka nukatianaka'i, eta níchira'i ena machanerana ema.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

2 Timoteo 1:11

Ema Viya tituparakanu'i nukametarairuyare eta juka Arairu maechejiriruwa. Ema tinakanu'i apústulenu'i, nímitukayare'i ena apawasana.

Apocalipsis 3:18

Eta taka'e nuwara'a nechejirikavi piwachareka nuye'e eta uru tiurinakene takaijukenepa yuku, apaesa yátupina pikaima'akene. Piwacharena nuye'e eta pimuiri'aina tijapu eta pikamuiri'a apaesa taepakucha eta pitsirira eta mamuriarevira, étapa eta pipurujina te piuki'a apaesa pimairirika.