Efesios 3:5 - Táurinakene máechejiriruwa’i ema Viya tikaijare

⁵ Eta juka tayumururewaini'i mapanereru'i ema Viya, nájina náimatiekene'a'ini kape juka tásinekene'i. Puítisera, ema Machanewa Viya tímecha'avipa viti maye'eana santu apústuleana énapa ena profetana.

Ignaciano

⁵ Eta juca mapane­reruhi ema Viya, nájina náimatie­que­ne­hahini cape juca tásine­quenehi. Puítisera, ema Espíritu Santo tímecha­ha­viripa viti mayeheana santo apóstoleana énapa ena profetana.

Efesios 3:5 ပူးပေါင်းရင်းမြစ်များ

San Mateo 13:17

Akane ichapemuriana ena achaneana tiúriana, énapa ena profetana, tétavikawa'i eta nawaraira'i tímatinuana, náima'aware eta juka níchakeneana'i íma'akeneana'i, nawara'awarepa nasama eta nímituresira'i, wáipasera naituruka'ini nakapayaka'ini.

San Mateo 20:7

Ena najikapapa: ‘Nájina náechejiaka'avi'ini.’ Tási'a, ema máichawakapa: ‘Eyana eti apanawa írereka ánaki te nuye'e quinta úwakiji.’

San Mateo 23:34

Eta taka'e nuti nuwanekayare ena profetana, titupaijiakawana, tási'a maestro-keneanaya. Énasera nakapakayarepa'i, émetatakayare te crusu. Tási'a, ena apamuriana éstakawakainapa te peti náurujisirarewa ena juriyuana. Tási'a napanajirikawakainapa te awasareana.

San Lucas 10:24

jé'esare, numetaka'e, akane ichapemuriana ena víyara'anaini profetana énapa ena réyeanaini, tétavikawa'i eta nawaraira'i tímatinuana, nawaraira'iware náima'a eta juka níchakeneana'i íma'akeneana'i, nawara'awarepa nasama eta nímituresira'i, wáipasera naituruka'ini nakapayaka'ini.

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

Hechos 10:28

Ema Pedro máichawakapa: –Échaichu'i eti, eta viye'erepiana viti israelítana. Wa'i tituparaka'avi visiapamuri'a'e eti apawasana. Émasera ema Viya tiwanekanu'i eta wa'i nukupika eta nusiapamuri'aira'e. Nájinaware nunerejiruima'i nákani tikajachakareana.

Romanos 16:25

Vijirauchira ema Viya. Ema, mawara'a'i tétumecha'eya taye'e eta é'isira'i ema Viákenu Jesucristo. Eta taka'e'i eta nukametarairuira'i, nímitukawaka'i namutu ena achaneana eta majakapirawaka'i ema Viya eta nakasiñawaira'i me Machicha. Akane eta táepanirawa'i eta apake'e, ema Viya Eterno mapanerechapa eta majakapirayare namutu ena achaneana tikasiñawanaya eta maye'e.

1 Corintios 2:10

Ema'i ema Viya tímimaticha'avi'i maye'e ema Machanewa, taicha ema Machanewa, makarichu máimati'i eta tayumururewana'i te mapanereruana ema Viya.

Efesios 2:20

Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

Efesios 3:9

Taka'e'i eta mapanereru'i ema Viya eta viye'e akane te tépanawainapa maepiyakaya tamutu, wá'isera táija'uchawa'ini mametaka'avi'ini, tapaenumawa timetakanu'i nuti, matuparasiranu'i eta numetasira'eyare tamutu.

2 Pedro 3:2

Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

San Judas 1:17

Nuwara'aware némecha'e, eti nuparapenaveana némunarukeneana, eta nametarapi ena víyara'ana apústuleana maye'eana'i ema Viákenu Jesucristo